ਚੰਡੀਗੜ੍ਹ: ਹੁਣ ਫਿਰ ਤੋਂ ਦਰਸ਼ਕਾਂ ਨੂੰ ਰੋਜ਼ ਰਾਤ ਐਂਟਰਟੇਨਮੈਂਟ ਦਾ ਡੋਜ਼ ਮਿਲੇਗਾ। ਨਜ਼ਰ ਰਹੇਗੀ ਕੌਣ ਕਿਸਦੇ ਨਾਲ ਲੜਿਆ, ਕੌਣ ਜਾਏਗਾ ਵੀਕਐਂਡ 'ਚ ਘਰ ਤੋਂ ਬਾਹਰ। ਕਿਉਂਕਿ ਟੀਵੀ ਰਿਐਲਿਟੀ ਸ਼ੋਅ ਬਿਗ-ਬੌਸ ਦਾ 'ਸੀਜ਼ਨ 14' ਸ਼ੁਰੂ ਹੋ ਰਿਹਾ ਹੈ।
ਬਿਗ ਬੌਸ 2020 ਦਾ ਐਲਾਨ ਹੋ ਚੁੱਕਾ ਹੈ। ਚੈਨਲ ਨੇ ਪਰੋਮੋ ਰਿਲੀਜ਼ ਕਰਕੇ ਆਪਣੇ ਫੈਨਜ਼ ਨੂੰ ਖੁਸ਼ਖਬਰੀ ਦਿੱਤੀ ਹੈ। ਪਰੋਮੋ 'ਚ ਸਲਮਾਨ ਖ਼ਾਨ ਨੇ ਦਬੰਗ ਅੰਦਾਜ਼ 'ਚ ਦੱਸ ਦਿੱਤਾ ਹੈ ਕਿ ਇਸ ਵਾਰ ਦਾ ਸੀਜ਼ਨ ਕਾਫੀ ਮਜ਼ੇਦਾਰ ਰਹਿਣ ਵਾਲਾ ਹੈ।
ਹਰ ਸਾਲ ਇਸ ਸ਼ੋਅ ਦਾ ਇੰਤਜ਼ਾਰ ਫੈਨਸ ਵੱਲੋਂ ਕੀਤਾ ਜਾਂਦਾ ਹੈ। ਸ਼ੋਅ 'ਚ ਕਿਹੜੇ-ਕਿਹੜੇ ਕੰਟੈਸਟੇਂਟ ਹੋਣਗੇ ਇਸ 'ਤੇ ਵੀ ਨਜ਼ਰ ਰਹਿੰਦੀ ਹੈ। ਬਿਗ-ਬੌਸ ਦੀ ਟੀਮ ਨੇ ਇਸ ਸੀਜ਼ਨ ਨੂੰ 'ਬਿਗ-ਬੌਸ 2020' ਦਾ ਨਾਂਅ ਦਿੱਤਾ ਗਿਆ ਤੇ ਟੈਗ ਲਾਈਨ ਹੈ 'ਅਬ ਸੀਨ ਪਲਟੇਗਾ'।
ਟੈਗ ਲਾਈਨ ਤੋਂ ਲੱਗ ਰਿਹਾ ਕਿ ਮੇਕਰਸ ਇਸ ਵਾਰ ਵੀ ਕੁਝ ਨਵਾਂ ਪੇਸ਼ ਕਰਨਗੇ। ਇਹ ਸ਼ੋਅ ਸਤੰਬਰ ਮਹੀਨੇ ਦੇ ਆਖ਼ਰੀ ਹਫਤੇ ਜਾਂ ਅਕਤੂਬਰ ਦੇ ਸ਼ੁਰੂਆਤੀ ਹਫਤੇ ਤਕ ਸ਼ੁਰੂ ਕੀਤਾ ਜਾਏਗਾ। ਬਿਗ ਬੌਸ ਦੇ ਪਿਛਲੇ ਸੀਜ਼ਨ ਨੂੰ ਕਾਫੀ ਪਿਆਰ ਮਿਲਿਆ ਸੀ। TRP ਰੇਟਿੰਗ 'ਚ ਸੀਜ਼ਨ 13 ਨੇ ਸਭ ਨੂੰ ਪਿੱਛੇ ਛੱਡ ਦਿੱਤਾ ਸੀ।
ਕਿਹਾ ਜਾ ਰਿਹਾ ਰਿ ਇਸ ਵਾਰ ਪਿਛਲੇ ਸ਼ੋਅ ਦੇ ਮੈਂਬਰ ਪਾਰਸ ਛਾਬੜਾ ਦੀ ਗਰਲ ਫ੍ਰੈਂਡ ਰਹੀ ਅਕਾਂਸ਼ਾ ਪੁਰੀ ਤੇ 'ਨਾਗਿਨ 4' ਸੀਰੀਅਲ ਦੀ ਅਦਾਕਾਰਾ ਜੈਸਮੀਨ ਭਸੀਨ ਬਿਗ-ਬੌਸ ਦੇ ਇਸ ਸੀਜ਼ਨ ਵਿਚ ਕੰਟੇਸਟੈਂਟ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਬਾਲੀਵੁੱਡ ਅਦਾਕਾਰਾ ਨੇਹਾ ਸ਼ਰਮਾ ਦੇ ਵੀ ਸ਼ੋਅ 'ਚ ਹੋਣ ਦੀ ਚਰਚਾ ਹੈ।
ਸ਼ੋਅ 'ਚ ਕੁੱਲ 16 ਕੰਟੈਸਟੇਂਟ ਹੋਣਗੇ। ਜਿੰਨ੍ਹਾਂ 'ਚ 13 ਚਿਹਰੇ ਫਿਲਮ ਤੇ ਟੀਵੀ ਇੰਡਸਟਰੀ ਨਾਲ ਜੁੜੇ ਹੋਣਗੇ ਤੇ 3 ਆਮ ਚਿਹਰੇ ਵੀ ਨਜ਼ਰ ਆਉਣਗੇ।
ਆਬਕਾਰੀ ਵਿਭਾਗ ਵੱਲੋਂ 27,600 ਲੀਟਰ ਨਜਾਇਜ਼ ਸਪਿਰਟ ਬਰਾਮਦ, ਸ਼ਰਾਬ ਬਣਾਉਣ ਲਈ ਕੀਤਾ ਜਾਣਾ ਸੀ ਇਸਤੇਮਾਲ
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ