Abhishek- Aishwarya: ਫਿਲਮ ਇੰਡਸਟਰੀ ਦੀ ਮਸ਼ਹੂਰ ਜੋੜੀ ਐਸ਼ਵਰਿਆ ਰਾਏ ਅਤੇ ਅਭਿਸ਼ੇਕ ਬੱਚਨ ਅਕਸਰ ਸੁਰਖੀਆਂ ਦਾ ਵਿਸ਼ਾ ਬਣੇ ਰਹਿੰਦੇ ਹਨ। ਦੱਸ ਦੇਈਏ ਕਿ ਲੰਬੇ ਸਮੇਂ ਤੋਂ ਇਸ ਜੋੜੇ ਦੇ ਤਲਾਕ ਦੀਆਂ ਖਬਰਾਂ ਚਰਚਾ ਵਿੱਚ ਰਹੀਆਂ। ਹਾਲਾਂਕਿ ਕਈ ਫਿਲਮੀ ਈਵੈਂਟ ਵਿੱਚ ਦੋਵਾਂ ਨੂੰ ਇਕੱਠੇ ਪਰਿਵਾਰ ਨਾਲ ਨਹੀਂ ਵੇਖਿਆ ਜਾਂਦਾ। ਜਿਸ ਤੋਂ ਬਾਅਦ ਕਿਆਸ ਲਗਾਏ ਜਾ ਰਹੇ ਹਨ, ਕਿ ਇਹ ਤਲਾਕ ਲੈ ਕੇ ਵੱਖ ਹੋ ਜਾਣਗੇ।
ਕਿਉਂਕਿ ਦੋਵੇਂ ਇਕੱਠੇ ਨਜ਼ਰ ਨਹੀਂ ਆਉਂਦੇ। ਅੰਬਾਨੀ ਦੇ ਵਿਆਹ 'ਚ ਅਭਿਸ਼ੇਕ ਬੱਚਨ ਅਤੇ ਐਸ਼ਵਰਿਆ ਰਾਏ ਵੱਖਰੇ ਤੌਰ 'ਤੇ ਪਹੁੰਚੇ ਸਨ। ਉਦੋਂ ਤੋਂ ਹੀ ਦੋਹਾਂ ਵਿਚਾਲੇ ਤਣਾਅ ਦੀਆਂ ਖਬਰਾਂ ਆਉਣ ਲੱਗੀਆਂ ਸਨ। ਹਾਲਾਂਕਿ ਇਨ੍ਹਾਂ ਖਬਰਾਂ ਨੂੰ ਅਭਿਸ਼ੇਕ ਬੱਚਨ ਨੇ ਇਕ ਇੰਟਰਵਿਊ ਦੌਰਾਨ ਨਕਾਰ ਦਿੱਤਾ ਸੀ। ਹੁਣ ਇਸ ਦੌਰਾਨ ਐਸ਼ਵਰਿਆ ਅਤੇ ਐਸ਼ਵਰਿਆ ਦਾ ਇੱਕ ਸਾਲ ਪੁਰਾਣਾ ਇੰਟਰਵਿਊ ਵਾਇਰਲ ਹੋ ਰਿਹਾ ਹੈ।
ਅਭਿਸ਼ੇਕ ਅਤੇ ਐਸ਼ਵਰਿਆ ਵਿਚਾਲੇ ਪਹਿਲਾਂ ਹੁੰਦੀ ਸੀ ਲੜਾਈ
ਦਰਅਸਲ, 2010 ਵਿੱਚ ਇੱਕ ਇੰਟਰਵਿਊ ਦੌਰਾਨ ਅਭਿਸ਼ੇਕ ਬੱਚਨ ਅਤੇ ਐਸ਼ਵਰਿਆ ਰਾਏ ਨੂੰ ਪੁੱਛਿਆ ਗਿਆ ਸੀ ਕਿ ਉਹ ਕਿੰਨੀ ਵਾਰ ਲੜਦੇ ਹਨ। ਇਸ 'ਤੇ ਜਵਾਬ ਦਿੰਦੇ ਹੋਏ ਐਸ਼ਵਰਿਆ ਰਾਏ ਨੇ ਕਿਹਾ, ''ਓਹ ਹਰ ਰੋਜ਼। ਉਸ ਦੇ ਬਿਆਨ 'ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਅਭਿਸ਼ੇਕ ਬੱਚਨ ਨੇ ਕਿਹਾ, "ਪਰ ਉਹ ਲੜਾਈਆਂ ਨਹੀਂ ਸਨ ਪਰ ਕਿਸੇ ਗੱਲ 'ਤੇ ਸਹਿਮਤ ਨਾ ਹੋਣ ਕਰਕੇ ਹੁੰਦਾ ਹੈ। ਉਹ ਜ਼ਿਆਦਾਤਰ ਸੀਰੀਅਸ ਨਹੀਂ ਹੈਲਥੀ ਝਗੜੇ ਹੁੰਦੇ ਹਨ। ਨਹੀਂ ਤਾਂ ਇਹ ਅਸਲ ਵਿੱਚ ਬੋਰਿੰਗ ਹੋ ਜਾਏਗੀ।" ਉਥੇ ਹੀ ਅਭਿਸ਼ੇਕ ਬੱਚਨ ਨੇ ਖੁਲਾਸਾ ਕੀਤਾ ਸੀ ਕਿ ਉਹ ਲੜਾਈ ਤੋਂ ਬਾਅਦ ਮਾਫੀ ਮੰਗਦੇ ਸਨ।
ਅਭਿਸ਼ੇਕ ਬੱਚਨ ਕਰ ਲੈਂਦੇ ਸੀ ਸੁਲ੍ਹਾ
ਬਾਲੀਵੁੱਡ ਅਭਿਨੇਤਾ ਅਭਿਸ਼ੇਕ ਬੱਚਨ ਨੇ ਖੁਲਾਸਾ ਕੀਤਾ ਕਿ, "ਉਹ ਲੜਾਈ ਤੋਂ ਬਾਅਦ ਸੁਲ੍ਹਾ ਕਰਨ ਵਾਲੇ ਪਹਿਲੇ ਹੁੰਦੇ ਹਨ। ਉਨ੍ਹਾਂ ਦਾ ਅਤੇ ਐਸ਼ਵਰਿਆ ਦਾ ਇਹ ਨਿਯਮ ਹੈ ਕਿ ਲੜਾਈ ਹੋਣ 'ਤੇ ਵੀ ਉਹ ਨਹੀਂ ਸੌਂਦੇ। ਅਤੇ ਸਾਰੇ ਪੁਰਸ਼ਾਂ ਦੇ ਬਚਾਅ ਵਿੱਚ, ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ, ਅੱਧੇ ਸਮੇਂ ਲਈ ਅਸੀਂ ਮਾਫੀ ਮੰਗਣ ਦਾ ਕਾਰਨ ਇਹ ਹੀ ਦੱਸਦੇ ਹਾਂ ਕਿ ਅਸੀਂ ਬਹੁਤ ਨੀਂਦ ਵਿੱਚ ਹਾਂ ਅਤੇ ਸੌਣ ਲਈ ਜਾਣਾ ਚਾਹੁੰਦੇ ਹਾਂ, ਇਸ ਤੋਂ ਇਲਾਵਾ, ਔਰਤਾਂ ਸਭ ਤੋਂ ਵਧੀਆ ਹੁੰਦੀਆਂ ਹਨ ਅਤੇ ਉਹ ਹਮੇਸ਼ਾ ਸਹੀ ਹੁੰਦੀਆਂ ਹਨ, ਜਿੰਨੀ ਜਲਦੀ ਮਰਦ ਇਹ ਕਰਦੇ ਹਨ, ਉੱਨਾ ਹੀ ਬਿਹਤਰ ਹੈ। ਦੱਸ ਦੇਈਏ ਕਿ ਤਲਾਕ ਦੀਆਂ ਖਬਰਾਂ ਵਿਚਾਲੇ ਅਭਿਸ਼ੇਕ ਬੱਚਨ ਨੇ ਆਪਣੀ ਮੰਗਣੀ ਦੀ ਅੰਗੂਠੀ ਦਿਖਾਉਂਦੇ ਹੋਏ ਤਲਾਕ ਦੀਆਂ ਖਬਰਾਂ ਨੂੰ ਖਾਰਜ ਕਰ ਦਿੱਤਾ ਸੀ ਅਤੇ ਕਿਹਾ ਸੀ ਕਿ ਅਸੀਂ ਅਤੇ ਐਸ਼ਵਰਿਆ ਅਜੇ ਵੀ ਇਕੱਠੇ ਹਾਂ।