ਬਾਕਸ ਆਫਿਸ 'ਤੇ ਫਿਲਮ 'ਡਿਅਰ ਜ਼ਿੰਦਗੀ' ਨੇ ਪਹਿਲੇ ਦਿਨ ਚੰਗੀ ਸ਼ੁਰੂਆਤ ਕੀਤੀ ਹੈ। ਫਿਲਮ ਨੇ ਪਹਿਲੇ ਦਿਨ 8.75 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਨੋਟਬੰਦੀ ਤੋਂ ਬਾਅਦ ਕਿਹਾ ਜਾ ਰਿਹਾ ਸੀ ਕਿ ਹੋਰ ਫਿਲਮਾਂ ਵਾਂਗ ਆਲੀਆ ਅਤੇ ਸ਼ਾਹਰੁਖ ਦੀ ਫਿਲਮ 'ਤੇ ਵੀ ਗਹਿਰਾ ਅਸਰ ਪਏਗਾ, ਪਰ ਬਾਕਸ ਆਫਿਸ ਕੁਲੈਕਸ਼ਨ ਕੁਝ ਹੋਰ ਹੀ ਕਹਾਣੀ ਦੱਸ ਰਹੀ ਹੈ।
ਆਲੀਆ ਅਤੇ ਸ਼ਾਹਰੁਖ ਦੀ ਫਿਲਮ ਨੂੰ ਚੰਗਾ ਰਿਸਪਾਂਸ ਮਿਲ ਰਿਹਾ ਹੈ। ਫਿਲਮ ਇੱਕ ਕੁੜੀ ਕਾਏਰਾ ਅਤੇ ਸਾਈਕੈਟਰਿਸਟ ਜਹਾਂਗੀਰ ਖ਼ਾਨ ਦੀ ਕਹਾਣੀ ਹੈ। ਫਿਲਮ ਦੱਸਦੀ ਹੈ ਕਿ ਅਸੀਂ ਕਿਵੇਂ ਜ਼ਿੰਦਗੀ ਨੂੰ ਖੁਸ਼ੀ ਨਾਲ ਜੀ ਸਕਦੇ ਹਨ।
ਫਿਲਮ ਦਾ ਨਿਰਦੇਸ਼ਨ ਗੌਰੀ ਸ਼ਿੰਦੇ ਨੇ ਕੀਤਾ ਹੈ। ਉਹਨਾਂ ਨੇ 4 ਸਾਲ ਪਹਿਲਾਂ ਸ੍ਰੀਦੇਵੀ ਨਾਲ 'ਇੰਗਲਿਸ਼ ਵਿੰਗਲਿਸ਼' ਬਣਾਈ ਸੀ।