ਮੁੰਬਈ: ਕੰਨੜ ਸਟਾਰ ਕਿੱਚਾ ਸੁਦੀਪ ਵੱਲੋਂ ਹਿੰਦੀ ਬਾਰੇ ਦਿੱਤਾ ਬਿਆਨ ਇੰਡਸਟਰੀ 'ਚ ਵਿਵਾਦ ਦਾ ਵਿਸ਼ਾ ਬਣ ਗਿਆ ਹੈ। ਇਸ ਵਿਵਾਦ 'ਤੇ ਅਜੇ ਦੇਵਗਨ ਨੇ ਜਵਾਬੀ ਕਾਰਵਾਈ ਕੀਤੀ, ਜਦਕਿ ਮਨੋਜ ਬਾਜਪਾਈ ਤੇ ਨਵਾਜ਼ੂਦੀਨ ਸਿੱਦੀਕੀ ਨੇ ਸਾਊਥ ਇੰਡਸਟਰੀ ਦਾ ਸਮਰਥਨ ਕੀਤਾ ਪਰ ਇਸ ਦੌਰਾਨ ਇਸ ਵਿਵਾਦ ਵਿੱਚ ਕੰਗਨਾ ਰਣੌਤ ਦਾ ਨਾਮ ਵੀ ਜੁੜ ਗਿਆ ਹੈ। ਦਰਅਸਲ ਕੰਗਨਾ ਆਪਣੀ ਫਿਲਮ ਧਾਕੜ ਦੇ ਟ੍ਰੇਲਰ ਲਾਂਚ 'ਤੇ ਪਹੁੰਚੀ ਸੀ।
ਜਿੱਥੇ ਉਨ੍ਹਾਂ ਕਿਹਾ ਕਿ ਸੰਵਿਧਾਨ ਨੇ ਹਿੰਦੀ ਨੂੰ ਰਾਸ਼ਟਰੀ ਭਾਸ਼ਾ ਵਜੋਂ ਚੁਣਿਆ ਹੈ ਤੇ ਸਾਨੂੰ ਇਸ ਦਾ ਸਨਮਾਨ ਕਰਨਾ ਚਾਹੀਦਾ ਹੈ। ਕੰਗਨਾ ਨੇ ਰਾਏ ਦਿੰਦੇ ਹੋਏ ਕਿਹਾ ਕਿ ਮੇਰਾ ਮੰਨਣਾ ਹੈ ਤਾਂ ਸੰਸਕ੍ਰਿਤ ਨੂੰ ਰਾਸ਼ਟਰੀ ਭਾਸ਼ਾ ਹੋਣੀ ਚਾਹੀਦੀ ਹੈ। ਨਾਲ ਹੀ ਉਨ੍ਹਾਂ ਕਿਹਾ ਕਿ ਇਸ ਦੇਸ਼ ਦੇ ਨੌਜਵਾਨਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।
ਸੰਸਕ੍ਰਿਤ ਸਭ ਤੋਂ ਪੁਰਾਣੀ
ਇਸ ਪੂਰੇ ਵਿਵਾਦ ਬਾਰੇ ਗੱਲ ਕਰਦਿਆਂ ਕੰਗਨਾ ਨੇ ਕਿਹਾ, ''ਸਾਡੇ ਕੋਲ ਸਿਸਟਮ ਤੇ ਸਮਾਜ 'ਚ ਕਈ ਤਰ੍ਹਾਂ ਦੇ ਲੋਕ ਹਨ ਜੋ ਵੱਖ-ਵੱਖ ਸੱਭਿਆਚਾਰ, ਰਿਸ਼ਤੇ ਤੇ ਭਾਸ਼ਾਵਾਂ ਨਾਲ ਸਬੰਧਤ ਹਨ। ਆਪਣੇ ਸੱਭਿਆਚਾਰ 'ਤੇ ਮਾਣ ਕਰਨਾ ਹਰ ਵਿਅਕਤੀ ਦਾ ਜਨਮ-ਸਿੱਧ ਅਧਿਕਾਰ ਹੈ। ਮੈਂ ਪਹਾੜੀ ਹੋਣ ਦੇ ਨਾਤੇ ਮੈਨੂੰ ਆਪਣੇ ਸੱਭਿਆਚਾਰ ਤੇ ਭਾਸ਼ਾ 'ਤੇ ਮਾਣ ਹੈ।
ਉਸ ਨੇ ਕਿਹਾ ਕਿ ਜਿਵੇਂ ਸਾਡਾ ਦੇਸ਼ ਹੈ, ਇਹ ਪੂਰੀ ਇਕਾਈ ਹੈ। ਸਾਨੂੰ ਸਭ ਨੂੰ ਇੱਕ ਧਾਗਾ ਚਾਹੀਦਾ ਹੈ ਜੋ ਚੱਲ ਸਕਦਾ ਹੈ। ਸਾਨੂੰ ਸਾਰਿਆਂ ਨੂੰ ਆਪਣੇ ਸੰਵਿਧਾਨ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ ਤੇ ਇਸ ਨੇ ਹਿੰਦੀ ਨੂੰ ਰਾਸ਼ਟਰੀ ਭਾਸ਼ਾ ਬਣਾਇਆ ਹੈ। ਜੇਕਰ ਦੇਖਿਆ ਜਾਵੇ ਤਾਂ ਤਾਮਿਲ ਹਿੰਦੀ ਨਾਲੋਂ ਪੁਰਾਣੀ ਹੈ ਪਰ ਸੰਸਕ੍ਰਿਤ ਇਸ ਤੋਂ ਵੀ ਪੁਰਾਣੀ ਹੈ। ਜੇਕਰ ਤੁਸੀਂ ਮੇਰੇ 'ਤੇ ਵਿਸ਼ਵਾਸ ਕਰਦੇ ਹੋ, ਤਾਂ ਮੈਨੂੰ ਲੱਗਦਾ ਹੈ ਕਿ ਸੰਸਕ੍ਰਿਤ ਨੂੰ ਰਾਸ਼ਟਰੀ ਭਾਸ਼ਾ ਹੋਣੀ ਚਾਹੀਦੀ ਹੈ।
ਇਹ ਲੋਕ ਹਿੰਦੀ ਨੂੰ ਨਹੀਂ ਦਿੱਲੀ ਨੂੰ ਨਕਾਰ ਰਹੇ
ਕੰਗਨਾ ਨੇ ਅੱਗੇ ਕਿਹਾ ਕਿ ਕੰਨੜ, ਤਾਮਿਲ ਤੋਂ ਗੁਜਰਾਤੀ ਤੇ ਹਿੰਦੀ ਸਭ ਇਸ ਸੰਸਕ੍ਰਿਤ ਤੋਂ ਆਏ ਹਨ। ਸੰਸਕ੍ਰਿਤ ਨੂੰ ਨਾ ਬਣਾ ਕੇ ਹਿੰਦੀ ਨੂੰ ਰਾਸ਼ਟਰੀ ਭਾਸ਼ਾ ਕਿਉਂ ਬਣਾਇਆ? ਹਾਲਾਂਕਿ ਮੇਰੇ ਕੋਲ ਜਵਾਬ ਨਹੀਂ। ਇਹ ਤਾਂ ਉਸ ਸਮੇਂ ਲਏ ਫੈਸਲੇ ਹਨ ਪਰ ਜਦੋਂ ਖਾਲਿਸਤਾਨ ਦੀ ਮੰਗ ਹੁੰਦੀ ਹੈ ਤਾਂ ਕਹਿੰਦੇ ਹਨ ਕਿ ਅਸੀਂ ਹਿੰਦੀ ਨੂੰ ਨਹੀਂ ਮੰਨਦੇ। ਸਾਡੇ ਦੇਸ਼ ਦੇ ਨੌਜਵਾਨਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।
ਇਹ ਲੋਕ ਸੰਵਿਧਾਨ ਦਾ ਅਪਮਾਨ ਕਰ ਰਹੇ ਹਨ। ਤਾਮਿਲ ਲੋਕ ਇੱਕ ਵੱਖਰਾ ਰਾਸ਼ਟਰ ਚਾਹੁੰਦੇ ਸਨ। ਬੰਗਾਲ ਦੇ ਲੋਕ ਗਣਰਾਜ ਦੀ ਮੰਗ ਕਰਦੇ ਹਨ ਤੇ ਕਹਿੰਦੇ ਹਨ ਕਿ ਅਸੀਂ ਹਿੰਦੀ ਭਾਸ਼ਾ ਨੂੰ ਭਾਸ਼ਾ ਨਹੀਂ ਸਮਝਦੇ। ਇਸ ਲਈ ਤੁਸੀਂ ਹਿੰਦੀ ਤੋਂ ਇਨਕਾਰ ਨਹੀਂ ਕਰ ਰਹੇ ਹੋ, ਤੁਸੀਂ ਦਿੱਲੀ ਨੂੰ ਇਨਕਾਰ ਕਰ ਰਹੇ ਹੋ ਕਿ ਉੱਥੇ ਕੋਈ ਕੇਂਦਰ ਸਰਕਾਰ ਨਹੀਂ ਹੈ।