ਦਰਅਸਲ ਆਸਟ੍ਰੇਲੀਆ ਸ਼ੋਅ ਦੌਰਾਨ ਚੰਦਨ ਦੀ ਲੜਾਈ ਸ਼ੋਅ 'ਚ ਕੰਮ ਕਰਨ ਵਾਲੀ ਇੱਕ ਲੜਕੀ ਨਾਲ ਹੋ ਗਈ। ਉਹ ਲੜਕੀ ਜਦ ਰੋਂਦੇ ਹੋਏ ਕਪਿਲ ਕੋਲ ਪਹੁੰਚੀ ਤਾਂ ਉਸ ਨੇ ਗੁੱਸੇ 'ਚ ਚੰਦਨ 'ਤੇ ਹੱਥ ਉਠਾ ਦਿੱਤਾ। ਦੋਵਾਂ 'ਚ ਵੱਡੀ ਲੜਾਈ ਹੋ ਗਈ। ਸ਼ੋਅ ਖ਼ਤਮ ਹੁੰਦੇ ਹੀ ਚੰਦਨ ਆਪਣਾ ਬੈਗ ਉਠਾ ਕੇ ਚਲਿਆ ਗਿਆ ਤੇ 5 ਦਿਨ ਤੱਕ ਉਸ ਦਾ ਕੋਈ ਅਤਾ-ਪਤਾ ਨਹੀਂ ਚੱਲਿਆ।
ਫਲਾਈਟ ਲੈਣ ਤੋਂ ਇੱਕ ਘੰਟੇ ਪਹਿਲਾਂ ਚੰਦਨ ਵਾਪਸ ਆਇਆ ਤਾਂ ਕਪਿਲ ਉਸ 'ਤੇ ਹੋਰ ਵੀ ਭੜਕ ਗਿਆ। ਇਹ ਗੱਲ ਨੂੰ ਲੈ ਕੇ ਸੁਨੀਲ ਗਰੋਵਰ ਤੇ ਕਪਿਲ ਵਿਚਕਾਰ ਵੀ ਬਹਿਸ ਹੋਈ। ਕਪਿਲ ਦਾ ਇਹ ਮੰਨਣਾ ਹੈ ਕਿ ਸੁਨੀਲ ਨੇ ਪੂਰੀ ਗੱਲ ਜਾਣੇ ਬਿਨ੍ਹਾਂ ਹੀ ਉਸ ਨਾਲ ਲੜਾਈ ਕੀਤੀ।
ਕਪਿਲ ਨੇ ਇਹ ਵੀ ਦੱਸਿਆ ਕਿ ਉਸ ਦੀ ਸੁਨੀਲ ਨਾਲ ਇੰਨੀ ਵੱਡੀ ਲੜਾਈ ਨਹੀਂ ਜਿੰਨੀ ਮੀਡੀਆ ਨੇ ਬਣਾਈ ਹੈ। ਕਪਿਲ ਦਾ ਕਹਿਣਾ ਹੈ ਕਿ ਸੁਨੀਲ ਉਸ ਦੇ ਭਰਾ ਦੀ ਤਰ੍ਹਾਂ ਹੈ ਤੇ ਉਹ ਅੱਜ ਵੀ ਉਸ ਨਾਲ ਬਹੁਤ ਪਿਆਰ ਕਰਦਾ ਹੈ। ਉਹ ਚਾਹੁੰਦਾ ਸੀ ਕਿ ਸੁਨੀਲ ਉਸ ਦੀ ਫਿਲਮ ਦਾ ਟ੍ਰੇਲਰ ਲਾਂਚ ਕਰਨ ਆਵੇ ਪਰ ਆਪਣੇ ਸ਼ੋਅ ਕਾਰਨ ਉਹ ਕੈਨੇਡਾ 'ਚ ਹੈ।