2016 'ਚ ਰਿਲੀਜ਼ ਹੋਈ ਫਿਲਮ 'ਦੰਗਲ' ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ ਅਜਿਹਾ ਮੁਕਾਮ ਬਣਾ ਰਹੀ ਹੈ, ਜੋ ਸ਼ਾਇਦ ਹੀ ਬਾਲੀਵੁੱਡ ਦੀ ਕੋਈ ਫਿਲਮ ਤੋੜ ਸਕੇ। ਪਿਛਲੇ ਦਿਨੀਂ ਖਬਰ ਆਈ ਸੀ ਕਿ ਚੀਨ 'ਚ 'ਦੰਗਲ' ਬਹੁਤ ਪਸੰਦ ਕੀਤੀ ਗਈ। 'ਦੰਗਲ' ਦੇ ਇਕ ਗਾਣੇ 'ਤੇ ਚੀਨ ਦੇ ਨੌਜਵਾਨਾਂ ਨੇ ਵੀਡੀਓ ਬਣਾ ਕੇ ਯੂ-ਟਿਊਬ 'ਤੇ ਵੀ ਪਾਇਆ ਸੀ। ਹੁਣ ਦੱਸਿਆ ਜਾ ਰਿਹਾ ਹੈ ਕਿ ਚੀਨ ਤੋਂ ਬਾਅਦ ਫਿਲਮ ਨੂੰ ਹਾਂਗਕਾਂਗ 'ਚ ਵੀ ਬਹੁਤ ਪਸੰਦ ਕੀਤਾ ਜਾ ਰਿਹਾ ਹੈ। ਫਿਲਮ ਚੰਗੀ ਕਮਾਈ ਕਰ ਰਹੀ ਹੈ।
ਆਮਿਰ ਦੰਗਲ ਰਾਹੀਂ ਭਾਰਤ ਦੇ ਨਾਲ-ਨਾਲ ਓਵਰਸੀਜ਼ 'ਚ ਵੀ ਬਾਕਸ ਆਫਿਸ ਦੇ ਕਿੰਗ ਬਣ ਚੁੱਕੇ ਹਨ। ਓਵਰਸੀਜ਼ 'ਚ 100 ਕਰੋੜ ਦਾ ਅੰਕੜਾ ਪਾਰ ਕਰਨ ਵਾਲੀ ਪਹਿਲੀ ਬਾਲੀਵੁੱਡ ਫਿਲਮ 'ਦੰਗਲ' ਹੈ। 'ਦੰਗਲ' ਕਰਕੇ ਆਮਿਰ ਖਾਨ ਦੇ ਸਿਰ ਬਹੁਤ ਸਾਰੇ ਰਿਕਾਰਡ ਸੱਜ ਗਏ ਹਨ।