ਇਸੇ ਦੇ ਚਲਦੇ ਪਾਕਿਸਤਾਨ ਦੇ ਸਿਨੇਮਾਘਰਾਂ ਨੇ ਵੀ ਫਿਲਮਾਂ ਨੂੰ ਹਟਾ ਦਿੱਤਾ ਹੈ। 'ਪਿੰਕ' ਅਤੇ 'ਬੈਨਜੋ' ਨੂੰ ਹਟਾਇਆ ਗਿਆ ਹੈ ਅਤੇ 'ਐਮ ਐਸ ਧੋਨੀ- ਦ ਅਨਟੋਲਡ ਸਟੋਰੀ' ਤਾਂ ਰਿਲੀਜ਼ ਹੀ ਨਹੀਂ ਕੀਤੀ ਗਈ। ਇੱਕ ਸਿਨੇਮਾਘਰ ਦੇ ਮਾਲਕ ਨੇ ਦੱਸਿਆ, ਸਾਨੂੰ ਫਿਲਹਾਲ ਸਰਕਾਰ ਵੱਲੋਂ ਕੁਝ ਨਹੀਂ ਕਿਹਾ ਗਿਆ ਹੈ। ਸਾਡੇ ਕਲਾਕਾਰਾਂ ਨੂੰ ਕੱਢਿਆ ਜਾ ਰਿਹਾ ਹੈ, ਇਸ ਲਈ ਅਸੀਂ ਉਹਨਾਂ ਦੇ ਸਮਰਥਨ 'ਚ ਖੜੇ ਹਾਂ।
ਕੁਝ ਸਿਨੇਮਾਘਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਇਕੱਲੇ ਸਿਨੇਮਾ ਵਿੱਚ ਬੈਨ ਲਾਉਣ ਨਾਲ ਕੁਝ ਨਹੀਂ ਹੋਵੇਗਾ। ਸਾਰਾ ਭਾਰਤੀ ਕਨਟੈਂਟ ਜੋ ਟੀਵੀ ਅਤੇ ਡੀਵੀਡੀ 'ਤੇ ਮਿਲਦਾ ਹੈ, ਉਹ ਵੀ ਬੈਨ ਹੋਣਾ ਚਾਹੀਦਾ ਹੈ।