Badshah Honey Singh Fight: ਇੱਕ ਸਮਾਂ ਸੀ ਜਦੋਂ ਪੰਜਾਬੀ ਇੰਡਸਟਰੀ ਵਿੱਚ ਮਸ਼ਹੂਰ ਰੈਪਰ ਯੋ ਯੋ ਹਨੀ ਸਿੰਘ ਅਤੇ ਬਾਦਸ਼ਾਹ ਦੀ ਦੋਸਤੀ ਦੀ ਮਿਸਾਲ ਦਿੱਤੀ ਜਾਂਦੀ ਸੀ। ਉਨ੍ਹਾਂ ਨੇ ਮਿਲ ਕੇ ਮਾਫੀਆ ਮੁੰਡੀਰ ਨਾਂ ਦਾ ਬੈਂਡ ਬਣਾਇਆ ਸੀ, ਜੋ ਕਾਫੀ ਮਸ਼ਹੂਰ ਹੋਇਆ ਸੀ। ਇਸ ਬੈਂਡ ਨੇ 'ਖੋਲ ਬੋਤਲ', 'ਬੇਗਾਨੀ ਨਾਰ ਬੁਰੀ' ਅਤੇ 'ਦਿੱਲੀ ਕੇ ਦੀਵਾਨੇ' ਵਰਗੇ ਕਈ ਹਿੱਟ ਗੀਤ ਦਿੱਤੇ। ਫਿਰ ਸਾਲ 2012 ਵਿੱਚ ਇਹ ਬੈਂਡ ਟੁੱਟ ਗਿਆ। ਜਿਸ ਤੋਂ ਬਾਅਦ ਦੋਹਾਂ ਦੀ ਦੋਸਤੀ 'ਚ ਦਰਾਰ ਆ ਗਈ। ਹਾਲ ਹੀ ਵਿੱਚ ਇੱਕ ਪੋਡਕਾਸਟ ਵਿੱਚ ਇਸ ਬਾਰੇ ਗੱਲ ਕਰਦੇ ਹੋਏ, ਬਾਦਸ਼ਾਹ ਨੇ ਕਈ ਰਾਜ਼ ਖੋਲ੍ਹੇ ਹਨ। ਉਨ੍ਹਾਂ ਕਿਹਾ ਕਿ ਹਨੀ ਸਿੰਘ ਸਵੈ-ਕੇਂਦਰਿਤ
(Self Centered) ਹੈ। ਜੋ ਸਿਰਫ਼ ਆਪਣੀਆਂ ਹੀ ਗੱਲਾਂ ਵੱਲ ਧਿਆਨ ਦਿੰਦੇ ਸਨ। ਇਸੇ ਕਰਕੇ ਸਾਡਾ ਬੈਂਡ ਟੁੱਟ ਗਿਆ।
ਅਣਬਣ ਤੋਂ ਬਾਅਦ ਦੋਸਤੀ ਵਿੱਚ ਆਈ ਦਰਾਰ
'ਪਾਣੀ ਪਾਣੀ' ਫੇਮ ਗਾਇਕ ਨੇ ਦੱਸਿਆ ਕਿ 'ਸਾਲ ਪਹਿਲਾਂ ਮੇਰੇ ਅਤੇ ਹਨੀ ਵਿਚਾਲੇ ਮਾਮੂਲੀ ਅਣਬਣ ਹੋ ਗਈ। ਕਿਉਂਕਿ ਉਸ ਸਮੇਂ ਉਹ ਕੰਮ ਵੀ ਕਰਦਾ ਸੀ ਅਤੇ ਡਰਦਾ ਵੀ ਸੀ। ਉਸ ਦੌਰਾਨ ਹਨੀ ਮੇਰੀ ਰਾਡਾਰ ਤੋਂ ਬਾਹਰ ਸੀ। ਜਦੋਂ ਮੈਂ ਉਸ ਨੂੰ ਫੋਨ ਕੀਤਾ ਤਾਂ ਉਸ ਨੇ ਮੇਰਾ ਫੋਨ ਨਹੀਂ ਚੁੱਕਿਆ। ਇਸ ਤੋਂ ਬਾਅਦ ਸਾਡੇ ਵਿਚਾਲੇ ਦਰਾਰ ਪੈ ਗਈ ਅਤੇ ਅਸੀਂ ਦੁਬਾਰਾ ਕਦੇ ਇਕੱਠੇ ਨਹੀਂ ਹੋ ਸਕੇ, ਹਾਂ ਜੇਕਰ ਅਸੀਂ ਇਕੱਠੇ ਹੁੰਦੇ ਤਾਂ ਸ਼ਾਇਦ ਹੁਣ ਹਾਲਾਤ ਬਹੁਤ ਵੱਖਰੇ ਹੁੰਦੇ..
ਹਨੀ-ਬਾਦਸ਼ਾਹ ਦਾ ਪਹਿਲਾ ਗੀਤ
ਬਾਦਸ਼ਾਹ ਨੇ ਇਹ ਵੀ ਕਿਹਾ ਕਿ, 'ਮੈਂ ਅਤੇ ਹਨੀ ਨੇ ਉਸ ਸਮੇਂ ਦੌਰਾਨ ਕਈ ਅਜਿਹੇ ਗੀਤ ਬਣਾਏ ਸਨ, ਜੋ ਕਦੇ ਰਿਲੀਜ਼ ਨਹੀਂ ਹੋ ਸਕੇ। ਕਿਉਂਕਿ ਉਦੋਂ ਹਨੀ ਸਵੈ-ਕੇਂਦਰਿਤ ਸੀ ਅਤੇ ਸਿਰਫ ਆਪਣੇ ਕਰੀਅਰ 'ਤੇ ਧਿਆਨ ਕੇਂਦਰਤ ਕਰਦਾ ਸੀ।' ਤੁਹਾਨੂੰ ਦੱਸ ਦੇਈਏ ਕਿ ਬਾਦਸ਼ਾਹ ਪਹਿਲੀ ਵਾਰ ਸਾਲ 2006 ਵਿੱਚ ਇੱਕ ਬੈਂਡ ਨਾਲ ਜੁੜਿਆ ਸੀ। ਫਿਰ ਕਾਫੀ ਮਿਹਨਤ ਤੋਂ ਬਾਅਦ 2011 'ਚ ਹਨੀ ਸਿੰਘ ਨਾਲ ਉਨ੍ਹਾਂ ਦਾ ਪਹਿਲਾ ਗੀਤ 'ਗੇਟ ਅੱਪ ਜਵਾਨੀ' ਆਇਆ ਸੀ। ਇਸ ਗੀਤ ਨੂੰ ਲੋਕਾਂ ਨੇ ਕਾਫੀ ਪਸੰਦ ਵੀ ਕੀਤਾ ਹੈ।
ਹਨੀ ਉਨ੍ਹਾਂ ਨੂੰ ਕੋਰੇ ਕਾਗਜ਼ਾਂ 'ਤੇ ਦਸਤਖਤ ਕਰਵਾਉਂਦਾ ਸੀ...
ਗਾਇਕ ਨੇ ਇਸ ਦੌਰਾਨ ਇਹ ਵੀ ਖ਼ੁਲਾਸਾ ਕੀਤਾ ਕਿ, 'ਅਸੀਂ ਫਿਰ ਹਨੀ ਨੂੰ ਬਹੁਤ ਸਮਝਾਇਆ ਕਿ ਅਸੀਂ ਵੀ ਬਹੁਤ ਸਾਰੇ ਗੀਤ ਤਿਆਰ ਕੀਤੇ ਹਨ, ਇਸ ਲਈ ਤੁਸੀਂ ਉਨ੍ਹਾਂ ਬਾਰੇ ਵੀ ਸੋਚੋ, ਸਿਰਫ਼ ਆਪਣੇ 'ਤੇ ਧਿਆਨ ਨਾ ਦਿਓ, ਇਕ ਪਾਸੇ ਸਾਨੂੰ ਭਰਾ ਕਹਿੰਦਾ ਹੈ, ਪਰ ਦੂਜੇ ਪਾਸੇ ਸਾਡੇ ਸੰਘਰਸ਼ਾਂ ਨੂੰ ਨਜ਼ਰਅੰਦਾਜ਼ ਕਰ ਰਹੇ ਸੀ। ਇੰਨਾ ਹੀ ਨਹੀਂ ਹਨੀ ਨੇ ਸਾਡੇ ਕੋਲੋਂ ਕਾਗਜ਼ਾਂ 'ਤੇ ਦਸਤਖਤ ਵੀ ਕਰਵਾਏ ਸੀ, ਉਹ ਬਹੁਤ ਮੁਸ਼ਕਲ ਸਮਾਂ ਸੀ।