ਮੁੰਬਈ: ਹਾਲ ਹੀ ਦੇ ਵਿੱਚ ਕਰਨ ਜੌਹਰ ਨੇ ਸੰਜੇ ਕਪੂਰ ਦੀ ਬੇਟੀ ਸ਼ਨਾਇਆ ਕਪੂਰ ਨੂੰ ਲਾਂਚ ਕਰਨ ਦੀ ਅਨਾਊਸਮੈਂਟ ਕੀਤੀ ਸੀ। ਇਸ ਦੇ ਨਾਲ ਹੀ ਹੁਣ ਸੈਫ ਅਲੀ ਖ਼ਾਨ ਦੇ ਬੇਟੇ ਇਬਰਾਹਿਮ ਅਲੀ ਖ਼ਾਨ ਦੇ ਡੈਬਿਊ ਨਾਲ ਜੁੜੀ ਖ਼ਬਰ ਵੀ ਸਾਹਮਣੇ ਆਈ ਹੈ। ਦੱਸ ਦਈਏ ਕਿ ਰਿਪੋਰਟਸ ਦੇ ਮੁਤਾਬਿਕ ਕਰਨ ਜੌਹਰ ਵਲੋਂ ਬਣਾਈ ਜਾ ਰਹੀ ਰੋਮਾਂਟਿਕ ਫ਼ਿਲਮ ਵਿੱਚ ਰਣਵੀਰ ਸਿੰਘ ਅਤੇ ਆਲੀਆ ਭੱਟ ਨੂੰ ਫਾਈਨਲ ਮੰਨਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਇਸ ਫ਼ਿਲਮ ਤੋਂ ਸੈਫ ਅਲੀ ਖ਼ਾਨ ਦਾ ਬੇਟਾ ਇਬਰਾਹਿਮ ਅਲੀ ਖ਼ਾਨ ਵੀ ਬਾਲੀਵੁੱਡ ਵਿੱਚ ਕਦਮ ਰੱਖਣ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ ਵੱਡੀ ਗੱਲ ਇਹ ਹੈ ਕੀ ਇਬਰਾਹਿਮ ਬਤੌਰ ਹੀਰੋ ਨਹੀਂ ਸਗੋਂ ਅੱਸੀਸਟੈਂਟ ਡਾਇਰੈਕਟਰ ਵਜੋਂ ਇਸ ਫ਼ਿਲਮ 'ਚ ਸ਼ਾਮਲ ਹੋਣਗੇ। ਜੇ ਸਭ ਕੁਝ ਪਲਾਨਿੰਗ ਮੁਤਾਬਕ ਹੁੰਦਾ ਹੈ ਤਾਂ ਇਹ ਫ਼ਿਲਮ ਇਸ ਸਾਲ ਜੂਨ-ਜੁਲਾਈ ਤੋਂ ਫਲੋਰ 'ਤੇ ਆਵੇਗੀ। ਰਿਪੋਰਟਸ ਤਾਂ ਇਹ ਵੀ ਹਨ ਕਿ ਫਿਲਹਾਲ ਇਬਰਾਹਿਮ ਦੀ ਹੀਰੋ ਬਣਾਉਣ ਦੀ ਕੋਈ ਪਲਾਨਿੰਗ ਨਹੀਂ ਹੈ।
ਖ਼ਬਰਾਂ ਹਨ ਕਿ ਉਹ ਸਿਰਫ ਇਸ ਲਈ ਫ਼ਿਲਮ ਵਿਚ ਸ਼ਾਮਲ ਹੋਣਾ ਚਾਹੁੰਦਾ ਹੈ ਕਿਉਂਕਿ ਇਬਰਾਹਿਮ ਫ਼ਿਲਮ ਮੇਕਿੰਗ ਸਿੱਖਣਾ ਚਾਹੁੰਦਾ ਹੈ। ਦੱਸ ਦਈਏ ਕਿ ਇਬਰਾਹਿਮ ਇਸ ਵੇਲੇ ਆਪਣੀ ਪੜ੍ਹਾਈ ਪੂਰੀ ਕਰ ਰਿਹਾ ਹੈ ਅਤੇ ਇਸ ਸਮੇਂ ਇਹ ਫਾਈਨਲ ਨਹੀਂ ਹੈ ਕਿ ਉਹ ਅਦਾਕਾਰੀ ਵਿੱਚ ਕਦਮ ਰੱਖਣਾ ਚਾਹੁੰਦਾ ਹੈ ਜਾਂ ਕੈਮਰੇ ਦੇ ਪਿੱਛੇ ਹੀ ਰਹਿਣਾ ਚਾਹੁੰਦਾ ਹੈ। ਪਰ ਇਸ ਬਾਰੇ ਹਾਲ ਹੀ ਵਿੱਚ ਜਦੋਂ ਸੈਫ ਅਲੀ ਖ਼ਾਨ ਤੋਂ ਬਾਰੇ ਪੁੱਛਿਆ ਗਿਆ ਤਾਂ ਸੈਫ ਨੇ ਕਿਹਾ, "ਇਬਰਾਹਿਮ ਦਾ ਬਾਲੀਵੁੱਡ ਵਿਚ ਡੈਬਿਊ ਰਿਤਿਕ ਰੋਸ਼ਨ ਵਾਂਗ ਹੋਣਾ ਚਾਹੀਦਾ ਹੈ। ਜਿਸ ਤਰ੍ਹਾਂ ਰਿਤਿਕ ਰੋਸ਼ਨ ਨੇ ਬਾਲੀਵੁੱਡ ਵਿੱਚ ਧਮਾਕੇਦਾਰ ਐਂਟਰੀ ਕੀਤੀ ਸੀ, ਇਬਰਾਹਿਮ ਨੂੰ ਵੀ ਉਸੇ ਤਰ੍ਹਾਂ ਐਂਟਰੀ ਕਰਨੀ ਚਾਹੀਦਾ ਹੈ।"
ਜੇਕਰ ਕਰਨ ਜੌਹਰ ਦੀ ਫ਼ਿਲਮ ਬਾਰੇ ਗੱਲ ਕਰੀਏ ਤਾਂ ਇਹ ਇੱਕ ਮੋਡਰਨ ਲਵ ਸਟੋਰੀ ਹੋਵੇਗੀ। ਨਾਲ ਹੀ ਇਹ ਇੱਕ ਲਾਈਟ ਹਾਰਟਡ ਵਾਲੀ ਕਹਾਣੀ ਹੋਵੇਗੀ ਜਿਸ ਵਿਚ ਕੋਈ ਸੋਸ਼ਲ ਮੈਸੇਜ ਨਹੀਂ ਹੋਵੇਗਾ।
ਇਹ ਵੀ ਪੜ੍ਹੋ: ਭਗਵੰਤ ਮਾਨ ਦਾ ਵੱਡਾ ਐਲਾਨ, ਕਿਸਾਨ ਅੰਦੋਲਨ ਦੇ ਨਾਲ ਹੀ ਹੁਣ ਛਿੜੇਗਾ ਬਿਜਲੀ ਅੰਦੋਲਨ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904