ਮੁੰਬਈ: ਆਪਣੇ ਸਮੇਂ ਦੀ ਬੇਹੱਦ ਖੂਬਸੂਰਤ ਅਦਾਕਾਰਾ ਅਤੇ ਸਾਬਕਾ ਮਿਸ ਇੰਡੀਆ ਸੰਗੀਤਾ ਬਿਜਲਾਨੀ ਨੇ ਹਾਲ ਹੀ 'ਚ ਆਪਣਾ 60ਵਾਂ ਜਨਮਦਿਨ ਮਨਾਇਆ। ਉਨਾਂ ਦਾ ਜਨਮ 9 ਜੁਲਾਈ 1960 ਨੂੰ ਮੁੰਬਈ 'ਚ ਹੋਇਆ ਸੀ। ਉਨ੍ਹਾਂ ਨੂੰ ਦੇਖ ਕੇ ਇਹ ਕਹਿਣਾ ਮੁਸ਼ਕਿਲ ਹੋਵੇਗਾ ਕਿ ਉਹ 60 ਸਾਲ ਦੀ ਹੈ। ਕਿਉਂਕਿ ਅੱਜ ਵੀ ਸੰਗੀਤਾ ਨੇ ਆਪਣੇ ਆਪ ਨੂੰ ਬਹੁਤ ਫਿੱਟ ਰੱਖਿਆ ਹੋਇਆ ਹੈ।
ਸ਼ੁਰੂਆਤ ਤੋਂ ਹੀ ਉਹ ਆਪਣੀ ਪ੍ਰੋਫੈਸ਼ਨਲ ਲਾਈਫ ਤੋਂ ਜ਼ਿਆਦਾ ਆਪਣੀ ਨਿੱਜੀ ਲਾਈਫ ਨੂੰ ਲੈਕੇ ਚਰਚਾ 'ਚ ਰਹੀ ਹੈ। ਸੁਪਰਸਟਾਰ ਸਲਮਾਨ ਖਾਨ ਦੇ ਨਾਲ ਉਨਾਂ ਦਾ ਨਾਂਅ ਸੁਰਖੀਆਂ 'ਚ ਸੀ। ਇੱਥੋਂ ਤਕ ਕਿ ਕੁਝ ਸੂਤਰਾਂ ਤੋਂ ਪਤਾ ਲੱਗਾ ਕਿ ਦੋਵੇਂ ਵਿਆਹ ਕਰਵਾਉਣ ਵਾਲੇ ਸਨ। ਕਿਹਾ ਜਾਂਦਾ ਹੈ ਕਿ ਦੋਵਾਂ ਦੇ ਵਿਆਹ ਦੇ ਕਾਰਡ ਵੀ ਛਪ ਚੁੱਕੇ ਸਨ ਪਰ ਆਖਰੀ ਮੌਕੇ 'ਤੇ ਸੰਗੀਤਾ ਨੇ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ।
ਸੰਗੀਤਾ ਨੂੰ ਬਚਪਨ ਤੋਂ ਹੀ ਗਲੈਮਰ ਵਰਲਡ ਨਾਲ ਪਿਆਰ ਸੀ। ਉਨਾਂ ਸਾਲ 1980 'ਚ ਮਿਸ ਇੰਡੀਆ ਦਾ ਖਿਤਾਬ ਜਿੱਤਿਆ। ਇਸ ਸਭ ਤੋਂ ਬਾਅਦ ਉਹ ਮੌਡਲਿੰਗ ਦੇ ਨਾਲ-ਨਾਲ ਫ਼ਿਲਮਾਂ 'ਚ ਇਕ ਵੱਡਾ ਨਾਂਅ ਬਣ ਗਈ ਸੀ। ਇਸ ਦੌਰਾਨ ਸੰਗੀਤਾ ਅਤੇ ਅਦਾਕਾਰ ਸਲਮਾਨ ਖ਼ਾਨ ਇਕ-ਦੂਜੇ ਨੂੰ ਦਿਲ ਦੇ ਬੈਠੇ ਸਨ। ਇਕ ਰਿਪੋਰਟ ਮੁਤਾਬਕ ਦੋਵੇਂ 27 ਮਈ, 1994 ਨੂੰ ਵਿਆਹ ਕਰਨ ਵਾਲੇ ਸਨ। ਸੰਗੀਤਾ ਦੇ ਮੁਤਾਬਕ ਸਲਮਾਨ ਨੇ ਖੁਦ ਆਪਣੇ ਵਿਆਹ ਦੀ ਤਾਰੀਖ ਤੈਅ ਕੀਤੀ ਸੀ।
ਕੋਰੋਨਾ ਵਾਇਰਸ ਕਾਰਨ ਹੋ ਰਹੀਆਂ ਮੌਤਾਂ ਦੀ ਦਰ ਘਟਾਏਗਾ ਇਹ ਟੀਕਾ
ਸੰਗੀਤਾ ਤੇ ਸਲਮਾਨ ਨੇ ਸਾਲ 1986 'ਚ ਇਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਸੀ। ਉਸ ਸਮੇਂ ਸੰਗੀਤਾ ਫ਼ਿਲਮਾਂ 'ਚ ਨਹੀਂ ਆਈ ਸੀ। ਖ਼ਬਰਾਂ ਦੀ ਮੰਨੀਏ ਤਾਂ ਦੋਵੇਂ ਕਰੀਬ 10 ਸਾਲ ਰਿਲੇਸ਼ਨਸ਼ਿਪ 'ਚ ਸਨ। ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਉਨਾਂ ਦਾ ਪ੍ਰੇਮ ਭਰਿਆ ਰਿਸ਼ਤਾ ਵਿਆਹ ਤਕ ਪਹੁੰਚ ਗਿਆ ਸੀ। ਸਲਮਾਨ ਨੇ ਖੁਦ ਫ਼ਿਲਮ ਨਿਰਮਾਤਾ ਕਰਨ ਜੌਹਰ ਦੇ ਲੋਕਪ੍ਰਿਯ ਚੈਟ ਸ਼ੋਅ ਕਾਫੀ ਵਿੱਦ ਕਰਨ 'ਚ ਇਹ ਗੱਲ ਕਬੂਲ ਕੀਤੀ ਕਿ ਸੰਗੀਤਾ ਨੇ ਵਿਆਹ ਦਾ ਕਾਰਡ ਛਪਵਾਇਆ ਸੀ।
ਵਿਕਾਸ ਦੁਬੇ ਨੂੰ ਮੰਤਰੀ ਨੇ ਦਿੱਤੀ ਸੀ ਪਨਾਹ, ਵੱਡਾ ਖ਼ੁਲਾਸਾ!
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ