ਮੁੰਬਈ: ਸ਼ਰਲਿਨ ਚੋਪੜਾ ਨੇ ਰਾਜ ਕੁੰਦਰਾ ਨਾਲ ਪੁਰਾਣੀ ਤਸਵੀਰ ਸਾਂਝੀ ਕੀਤੀ ਹੈ। ਦਰਅਸਲ ਅਦਾਕਾਰਾ ਸ਼ਰਲਿਨ ਰਾਜ ਕੁੰਦਰਾ ਖਿਲਾਫ ਖੁੱਲ੍ਹ ਕੇ ਬੋਲ ਰਹੀ ਹੈ। ਰਾਜ ਕੁੰਦਰਾ ਨੂੰ ਪੋਰਨੋਗ੍ਰਾਫੀ ਕੇਸ 'ਚ ਮੁੰਬਈ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਸੀ।
ਸ਼ਰਲਿਨ ਚੋਪੜਾ ਨੇ ਟਵੀਟ ਕਰਦਿਆਂ ਇਹ ਪੁਰਾਣੀ ਤਸਵੀਰ ਸਾਂਝੀ ਕੀਤੀ ਹੈ।
ਸ਼ਰਲਿਨ ਨੇ ਹਿੰਦੀ 'ਚ ਕੈਪਸ਼ਨ ਦਿੰਦਿਆਂ ਤਸਵੀਰ ਸਾਂਝੀ ਕੀਤੀ ਹੈ। ਉਨ੍ਹਾਂ ਲਿਖਿਆ, '29 ਮਾਰਚ, 2016 ਦਾ ਦਿਨ ਸੀ। ਆਮਸਪ੍ਰਾਇਮ ਵੱਲੋਂ ਆਯੋਜਿਤ 'ਦ ਸ਼ਰਲਿਨ ਚੋਪੜਾ' ਐਪ ਦਾ ਪਹਿਲਾ ਕੰਟੈਂਟ ਸ਼ੂਟ ਹੋਣ ਜਾ ਰਿਹਾ ਸੀ। ਮੇਰੇ ਲਈ ਇਹ ਇਕ ਨਵਾਂ ਤਜ਼ਰਬਾ ਸੀ। ਕਿਉਂਕਿ ਮੈਂ ਪਹਿਲਾਂ ਕਦੇ ਕਿਸੇ ਐਪ ਨਾਲ ਜੁੜੀ ਹੀ ਨਹੀਂ ਸੀ। ਉਮੀਦ ਤੇ ਜੋਸ਼ ਦਾ ਮਾਹੌਲ ਸੀ।'