ਮੁੰਬਈ: ਫ਼ਿਲਮ 'ਲੂਪ ਲਪੇਟਾ' ਦੇ ਨਿਰਮਾਤਾਵਾਂ ਨੇ ਹਾਲ ਹੀ ਵਿੱਚ ਇਸ ਦੇ ਮੁੱਖ ਅਦਾਕਾਰਾਂ ਦੀ ਫਸਟ ਲੁੱਕ ਨੂੰ ਸ਼ੇਅਰ ਕੀਤਾ ਹੈ। ਲੋਕਾਂ ਨੇ ਇਸ ਨੂੰ ਖੂਬ ਪਸੰਦ ਕੀਤਾ। ਹੁਣ ਮੰਗਲਵਾਰ ਨੂੰ ਫ਼ਿਲਮ ਦੇ ਨਿਰਮਾਤਾਵਾਂ ਨੇ ਇਸ ਫਿਲਮ ਦੀ ਰਿਲੀਜ਼ ਤਰੀਕ ਦਾ ਐਲਾਨ ਕਰਦਿਆਂ ਕਿਹਾ ਕਿ 'ਲੂਪ ਲਪੇਟਾ' 22 ਅਕਤੂਬਰ, 2021 ਨੂੰ ਦੇਸ਼ ਭਰ ਦੇ ਸਿਨੇਮਾ ਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਇਸ ਫਿਲਮ ਦਾ ਨਿਰਮਾਤਾ ਵੀ ਉਨ੍ਹਾਂ ਲੋਕਾਂ 'ਚ ਸ਼ਾਮਲ ਹੈ, ਜਿਸ ਨੇ ਦੁਬਾਰਾ ਫ਼ਿਲਮਾਂ ਸ਼ੁਰੂ ਕਰਨ ਦਾ ਇਰਾਦਾ ਬਣਾਇਆ ਹੈ। ਦੱਸ ਦਈਏ ਕਿ ਫ਼ਿਲਮ ਦੀਆਂ ਤਿਆਰੀਆਂ ਪਿਛਲੇ ਸਾਲ ਅਕਤੂਬਰ ਤੋਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਸੀ। ਫਿਲਮ ਦੀ ਸ਼ੂਟਿੰਗ ਨਵੰਬਰ ਤੋਂ ਮੁੰਬਈ ਤੇ ਗੋਆ ਵਿਚ ਕੀਤੀ ਗਈ ਤੇ ਤੈਅ ਸਮੇਂ 'ਤੇ ਸ਼ੈਡਿਊਲ 'ਤੇ ਪੂਰਾ ਹੋ ਗਿਆ। ਮੌਜੂਦਾ ਸਥਿਤੀ ਵਿੱਚ ਫਿਲਮ ਦੇ ਪੋਸਟ-ਪ੍ਰੋਡਕਸ਼ਨ ਦਾ ਕੰਮ ਚੱਲ ਰਿਹਾ ਹੈ।
"ਲੂਪ ਲਪੇਟਾ" ਇੱਕ ਨਵੇਂ ਜ਼ਮਾਨੇ ਦੀ, ਦਿਲਚਸਪ ਰੋਲਰ-ਕੋਸਟਰ ਦੀ ਸਵਾਰੀ ਹੈ। ਇਸ ਦੀ ਕਹਾਣੀ ਇੱਕ ਲੜਕੀ (ਸਾਵੀ) ਦੇ ਆਸਪਾਸ ਘੁੰਮਦੀ ਹੈ ਜੋ ਅਜਿਹੀ ਸਥਿਤੀ ਵਿਚ ਹੈ ਜਿਸ ਦਾ ਪ੍ਰੇਮੀ (ਸੱਤਿਆ) ਅਣਜਾਣੇ ਵਿੱਚ ਮੁਸ਼ਕਲ 'ਚ ਫਸਿਆ ਹੋਇਆ ਹੈ।
ਮਸ਼ਹੂਰ ਇਸ਼ਤਿਹਾਰ ਫਿਲਮ ਨਿਰਮਾਤਾ ਆਕਾਸ਼ ਭਾਟੀਆ ਵੱਲੋਂ ਨਿਰਦੇਸ਼ਤ, "ਲੂਪ ਲਪੇਟਾ" ਸੋਨੀ ਪਿਕਚਰਜ਼ ਫਿਲਮਜ਼ ਇੰਡੀਆ, ਐਲਪਿਸਸ ਐਂਟਰਟੇਨਮੈਂਟ (ਤਨੁਜ ਗਰਗ, ਅਤੁਲ ਕਾਸਬੇਕਰ) ਤੇ ਆਯੁਸ਼ ਮਹੇਸ਼ਵਰੀ ਵੱਲੋਂ ਤਿਆਰ ਕੀਤੀ ਗਈ ਹੈ। ਦੱਸ ਦੇਈਏ ਕਿ ਉਹ “ਨੀਰਜਾ”, “102 ਨਾਟ ਆਊਟ”, “ਪੈਡਮੈਨ”, “ਤੁਮਹਾਰੀ ਸੁਲੂ” ਤੇ “ਸ਼ਕੁੰਤਲਾ ਦੇਵੀ” ਵਰਗੀਆਂ ਫਿਲਮਾਂ ਦਾ ਨਿਰਮਾਤਾ ਵੀ ਹੈ।
ਇਹ ਵੀ ਪੜ੍ਹੋ: UK MP's on Farmes Law: ਬ੍ਰਿਟਿਸ਼ ਪਾਰਲੀਮੈਂਟ 'ਚ ਕਿਸਾਨ ਅੰਦੋਲਨ 'ਤੇ ਚਰਚਾ ਤੋਂ ਭੜਕਿਆ ਭਾਰਤ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904