ਮੁੰਬਈ: ਦੀਪਿਕਾ ਪਾਦੁਕੋਨ ਨੇ ਆਪਣੇ ਬਾਕਸਟਬਾਲ ਸਕਿੱਲ ਨਾਲ ਆਪਣੇ ਪਤੀ ਤੇ ਐਕਟਰ ਰਣਵੀਰ ਸਿੰਘ ਨੂੰ ਪਛਾੜ ਦਿੱਤਾ। ਮੰਗਲਵਾਰ ਨੂੰ ਬੈਡਮਿੰਟਨ ਖਿਡਾਰੀ ਪ੍ਰਕਾਸ਼ ਪਾਦੂਕੋਨ ਦੀ ਧੀ ਤੇ 'ਪਦਮਾਵਤ' ਐਕਟਰਸ ਨੇ ਵੀਡੀਓ ਸ਼ੇਅਰ ਕੀਤਾ ਹੈ।

ਇਸ ਵੀਡੀਓ ‘ਚ ਬਾਸਕਟਬਾਲ ਖੇਡ ਰਹੀ ਦੀਪਿਕਾ ਨੂੰ ਬਾਸਕਟ ‘ਚ ਬਾਲ ਪਾਉਂਦੇ ਦਿਖਾਇਆ ਗਿਆ ਹੈ। ਉਂਝ ਦੱਸ ਦਈਏ ਕਿ ਦੀਪਿਕਾ ਬਾਸਕਟਬਾਲ ਕੋਰਟ ‘ਚ ਇਕੱਲੇ ਹੀ ਖੇਡਦੀ ਨਜ਼ਰ ਆ ਰਹੀ ਹੈ। ਇਸ ਨੂੰ ਸਲੋ ਮੋਸ਼ਨ ‘ਚ ਸ਼ੂਟ ਕੀਤਾ ਗਿਆ ਹੈ। ਵੀਡੀਓ ਦਾ ਕੈਪਸ਼ਨ ਵੀ ਸ਼ੇਅਰ ਕੀਤਾ ਗਿਆ ਹੈ। ਇਸ ਨੂੰ ਇੰਸਟਾਗ੍ਰਾਮ ‘ਤੇ ਹੁਣ ਤਕ 30 ਲੱਖ ਤੋਂ ਜ਼ਿਆਦਾ ਵਿਊਜ਼ ਮਿਲ ਚੁੱਕੇ ਹਨ ਤੇ 5000 ਤੋਂ ਜ਼ਿਆਦਾ ਲੋਕ ਕੁਮੈਂਟਾਂ ‘ਚ ਦੀਪਿਕਾ ਦੀ ਫਿੱਟਨੈਸ ਤੇ ਸਪੋਰਟ ਸਕਿੱਲ ਦੀ ਤਾਰੀਫ ਕਰ ਚੁੱਕੇ ਹਨ। ਜੇਕਰ ਦੀਪਿਕਾ ਦੀਆਂ ਫ਼ਿਲਮਾਂ ਦੀ ਗੱਲ ਕਰੀਏ ਤਾਂ ਵਿਆਹ ਤੋਂ ਬਾਅਦ ਦੀਪਿਕਾ ਜਲਦੀ ਹੀ ਫ਼ਿਲਮ ‘ਛਪਾਕ’ ‘ਚ ਨਜ਼ਰ ਆਉਣ ਵਾਲੀ ਹੈ।