ਈਸ਼ਾ ਨੇ ਵੀ ਪਿਤਾ ਦੇ ਖੇਤੋਂ ਆਈਆਂ ਸਬਜ਼ੀਆਂ ਨਾਲ ਤਸਵੀਰ ਖਿੱਚਵਾ ਕੇ ਆਪਣੇ ਇੰਸਟਾਗ੍ਰਾਮ 'ਤੇ ਪਾਈ। ਨਾਲ ਹੀ ਉਨ੍ਹਾਂ ਇਸ ਤਸਵੀਰ ਲਈ ਖ਼ਾਸ ਕੈਪਸ਼ਨ ਲਿਖਿਆ ਹੈ। ਈਸ਼ਾ ਨੇ ਲਿਖਿਆ ਹੈ ਕਿ ਪਾਪਾ ਨੇ ਖੇਤਾਂ 'ਚੋਂ ਤਾਜ਼ੀਆਂ ਸਬਜ਼ੀਆਂ ਭੇਜੀਆਂ ਹਨ, ਖਾਣ ਜਾ ਰਹੀ ਹਾਂ। ਸਿੱਧੀਆਂ ਖੇਤੋਂ ਆਈਆਂ ਹਨ, ਜੋ ਕਿਸੇ ਆਸ਼ੀਰਵਾਦ ਤੋਂ ਘੱਟ ਨਹੀਂ ਹੈ।
ਹੇਮਾ ਮਾਲਿਨੀ ਤੇ ਧਰਮਿੰਦਰ ਦੀ ਧੀ ਈਸ਼ਾ ਦਿਓਲ ਹਾਲ ਹੀ ਵਿੱਚ ਦੂਜੇ ਬੱਚੇ ਦੀ ਮਾਂ ਬਣੀ ਹੈ। ਬੱਚਿਆਂ ਦੇ ਨਾਨਾ ਯਾਨੀ ਧਰਮਿੰਦਰ ਜ਼ਿਆਦਾਤਰ ਸਮਾਂ ਆਪਣੇ ਖੇਤਾਂ ਵਿੱਚ ਹੀ ਗੁਜ਼ਾਰਦੇ ਹਨ ਤੇ ਖ਼ੂਬ ਵੀਡੀਓਜ਼ ਵੀ ਪਾਉਂਦੇ ਰਹਿੰਦੇ ਹਨ। ਧਰਮਿੰਦਰ ਕਿਸਾਨ ਪਰਿਵਾਰ 'ਚ ਪੈਦਾ ਹੋਏ ਤੇ ਫ਼ਿਲਮੀ ਜਗਤ ਦੀ ਸਿਖਰ ਛੂਹਣ ਦੇ ਬਾਵਜੂਦ ਆਪਣੀ ਮਿੱਟੀ ਨਾਲ ਜੁੜੇ ਰਹਿੰਦੇ ਹਨ।