‘ਜ਼ੀਰੋ’ ਦੇ ਪ੍ਰਮੋਸ਼ਨ ਸੈੱਟ ‘ਤੇ ਅੱਗ ਲੱਗ ਗਈ ਜਿਸ ‘ਚ ਸ਼ਾਹਰੁਖ ਖ਼ਾਨ ਤੇ ਬਾਕੀ ਸਭ ਬਚ ਗਏ ਪਰ ਫ਼ਿਲਮ ਦੇ ਸੈੱਟ ਨੂੰ ਕਾਫੀ ਨੁਕਸਾਨ ਹੋਇਆ। ਇਹ ਅੱਗ ਵੀਰਵਾਰ ਦੀ ਸ਼ਾਮ 4:30 ਵਜੇ ਲੱਗੀ, ਜਿਸ ਦਾ ਕਾਰਨ ਸ਼ੋਰਟ-ਸਰਕਿਟ ਕਿਹਾ ਜਾ ਰਿਹਾ ਹੈ। ਜਦੋਂ ਸੈੱਟ ‘ਤੇ ਅੱਗ ਲੱਗੀ ਕਿੰਗ ਖ਼ਾਨ ਵੀ ਉੱਥੇ ਹੀ ਮੌਜੂਦ ਸੀ।
ਇਹ ਸੈੱਟ ਮੁੰਬਈ ਦੇ ਗੋਰੇਗਾਂਓ ‘ਚ ਲੱਗਿਆ ਸੀ, ਜਿਸ ‘ਚ ਸ਼ਾਹਰੁਖ ਫ਼ਿਲਮ ਦੇ ਪੈਚਵਰਕ ਦੀ ਸ਼ੂਟਿੰਗ ਕਰ ਰਹੇ ਸੀ। ਫ਼ਿਲਮ ਦਾ ਟ੍ਰੇਲਰ ਸ਼ਾਹਰੁਖ ਨੇ ਆਪਣੇ ਜਨਮ ਦਿਨ ਮੌਕੇ 2 ਨਵੰਬਰ ਨੂੰ ਰਿਲੀਜ਼ ਕੀਤਾ ਸੀ। ਫੈਨਸ ਨੂੰ ‘ਜ਼ੀਰੋ’ ਦਾ ਟ੍ਰੇਲਰ ਤੇ ਸੌਂਗਸ ਕਾਫੀ ਪਸੰਦ ਆਏ। ਹੁਣ ਤੋਂ ਹੀ ਫ਼ਿਲਮ ਨੂੰ ਹਿੱਟ ਕਰਾਰ ਦੇ ਦਿੱਤਾ ਗਿਆ ਹੈ। ‘ਜ਼ੀਰੋ’ ਦਾ ਡਾਇਰੈਕਸ਼ਨ ਆਨੰਦ ਐਲ ਰਾਏ ਨੇ ਕੀਤੀ ਹੈ।