ਗੱਲਬਾਤ ਦੌਰਾਨ ਰਾਣਾ ਰਣਬੀਰ ਨੇ ਦੱਸਿਆ ਕਿ ਇਸ ਫ਼ਿਲਮ 'ਚ 11 ਨਵੇਂ ਕਲਾਕਾਰਾਂ ਨੂੰ ਮੌਕਾ ਦਿੱਤਾ ਗਿਆ ਹੈ। ਨਾਲ ਹੀ ਉਨ੍ਹਾਂ ਇਹ ਵੀ ਦੱਸਿਆ ਕਿ ਗਾਇਕ ਜੈਜ਼ੀ ਬੀ ਵਲੋਂ ਫ਼ਿਲਮ 'ਚ ਕੈਮਿਓ ਕੀਤਾ ਗਿਆ ਹੈ। ਇਹ ਫ਼ਿਲਮ 20 ਮਾਰਚ ਨੂੰ ਸਿਨੇਮਾ ਘਰਾਂ 'ਚ ਲੱਗਣ ਜਾ ਰਹੀ ਹੈ। 'ਪੋਸਤੀ' ਤੋਂ ਬਾਅਦ ਰਾਣਾ ਰਣਬੀਰ ਆਪਣੇ ਦਰਸ਼ਕਾਂ ਲਈ ਅਗਲੀ ਫਿਲਮ 'ਮਾਂ' ਲੈ ਕੇ ਆਏ ਹਨ।
ਇਸ ਦੇ ਲੇਖਕ ਵੀ ਰਾਣਾ ਰਣਬੀਰ ਹੀ ਹਨ ਤੇ ਗਿੱਪੀ ਗਰੇਵਾਲ ਹੀ ਇਸ ਦੇ ਨਿਰਮਾਤਾ ਹਨ। 'ਮਾਂ' 'ਚ ਮੁੱਖ ਭੂਮਿਕਾ 'ਚ ਬੱਬਲ ਰਾਏ ਨਜ਼ਰ ਆਉਣਗੇ, ਜਦਕਿ ਫ਼ਿਲਮ ਦੇ ਨਿਰਦੇਸ਼ਕ ਬਲਜੀਤ ਸਿੰਘ ਦਿਓ ਹਨ। ਗੌਰਤਲਬ ਹੈ ਕਿ ਇਸ ਤੋਂ ਪਹਿਲਾਂ ਗਿੱਪੀ ਗਰੇਵਾਲ ਤੇ ਰਾਣਾ ਰਣਬੀਰ 'ਅਰਦਾਸ' ਫ਼ਿਲਮ ਆਪਣੇ ਦਰਸ਼ਕਾਂ ਲਈ ਲੈ ਕੇ ਆਏ ਸੀ, ਜਿਸ ਨੂੰ ਉਨ੍ਹਾਂ ਦੇ ਫੈਨਸ ਵੱਲੋਂ ਭਰਵਾਂ ਹੁੰਗਾਰਾ ਮਿਲਿਆ ਸੀ।