ਦਰਅਸਲ ਕਪਿਲ ਨੇ ਸੈਲੇਬ੍ਰਿਟੀ ਇੰਪ੍ਰੈਸ਼ਨ ਕਲਾਕਾਰ ਭਾਵਨਾ ਜਸਰਾ ਨੂੰ ਆਪਣੀ ਰਾਜਕੁਮਾਰੀ ਅਨਾਇਰਾ ਸ਼ਰਮਾ ਦੇ ਹੱਥ ਤੇ ਪੈਰ ਦੇ ਕਲੇਅ ਇੰਪ੍ਰੈਸ਼ਨ ਲੈਣ ਲਈ ਬੁਲਾਇਆ ਸੀ। ਇਸ ਨਾਲ ਜੁੜੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖ਼ੂਬ ਵਾਇਰਲ ਹੋ ਰਹੀਆਂ ਹਨ। ਤਸਵੀਰਾਂ 'ਚ ਕਪਿਲ ਸ਼ਰਮਾ ਕਲੇਅ ਨੂੰ ਹੱਥ 'ਚ ਫੜ੍ਹੇ ਨਜ਼ਰ ਆ ਰਹੇ ਹਨ, ਜਿਸ 'ਚ ਅਨਾਇਰਾ ਦੇ ਛੋਟੇ-ਛੋਟੇ ਹੱਥ ਪਾਏ ਹੋਏ ਹਨ। ਅਨਾਇਰਾ ਆਪਣੀ ਮੰਮੀ ਦੀ ਗੋਦੀ 'ਚ ਸੁੱਤੀ ਨਜ਼ਰ ਆ ਰਹੀ ਹੈ। ਇਨ੍ਹਾਂ ਤਸਵੀਰਾਂ 'ਚ ਕਪਿਲ ਦੇ ਨਾਲ ਭਾਵਨਾ ਵੀ ਨਜ਼ਰ ਆ ਰਹੀ ਹੈ।
ਹਰ ਕੋਈ ਕਪਿਲ ਸ਼ਰਮਾ ਤੇ ਗਿੰਨੀ ਦੀ ਬੇਟੀ ਅਨਾਇਰਾ ਦੀ ਝਲਕ ਦੇਖਣ ਲਈ ਬੇਤਾਬ ਨਜ਼ਰ ਆ ਰਿਹਾ ਸੀ। ਜਦ ਪਹਿਲੀ ਵਾਰ ਕਪਿਲ ਨੇ ਆਪਣੀ ਬੇਟੀ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸੀ ਤਾਂ ਉਹ ਪਲ਼ ਉਨ੍ਹਾਂ ਦੇ ਫੈਂਸ ਲਈ ਬੇਹੱਦ ਖ਼ਾਸ ਪਲ਼ ਸੀ।