ਪਾਰਟੀ ‘ਚ ਕਿਸ ਨੇ ਕੀ ਕੀਤਾ ਇਹ ਜਾਣਨ ਲਈ ਹਰ ਕੋਈ ਬੇਤਾਬ ਹੈ ਪਰ ਹਾਲ ਹੀ ਮੀਡੀਆ ਮਿਲਿਆ ‘ਜ਼ੀਰੋ’ ਸਟਾਰ ਕਟਰੀਨਾ ਕੈਫ ਨੂੰ ਜਿਨ੍ਹਾਂ ਨੇ ਦੀਪਵੀਰ ਦੀ ਰਿਸੈਪਸ਼ਨ ‘ਚ ਆਪਣੇ ਵੱਲੋਂ ਕੀਤੀ ਮਸਤੀ ਦੀ ਪੋਲ ਖੁਦ ਹੀ ਖੋਲ੍ਹ ਦਿੱਤੀ। ਉਨ੍ਹਾਂ ਕਿਹਾ ਕਿ ਉਹ ਇਸ ਪਾਰਟੀ ਵਿੱਚ ਜਿੱਥੇ ਖੂਬ ਨੱਚੀ, ਉਥੇ ਹੀ ਉਸ ਨੇ ਪਾਰਟੀ ‘ਚ ਆਊਟ-ਆਫ-ਕੰਟਰੋਲ ਹੋ ਕੇ ਖੂਬ ਚਾਕਲੇਟ ਖਾਧੀ। ਇਸ ਤੋਂ ਬਾਅਦ ਹੁਣ ਉਹ ਅਜਿਹੀ ਗਲਤੀ ਕਦੇ ਨਹੀਂ ਕਰੇਗੀ।
ਕੈਟਰੀਨਾ ਨੇ ਦੀਪਿਕਾ ਤੇ ਰਣਵੀਰ ਦੀ ਤਾਰੀਫ ਕਰਦੇ ਹੋਏ ਕਿਹਾ ਕਿ ਦੋਵੇਂ ਕਾਫੀ ਖੂਬਸੂਰਤ ਲੱਗ ਰਹੇ ਸੀ ਤੇ ਦੋਵਾਂ ਵੱਲੋਂ ਹੋਸਟ ਕੀਤੀ ਪਾਰਟੀ ਵੀ ਕਾਫੀ ਜ਼ਬਰਦਸਤ ਸੀ। ਕੈਟ ਦੇ ਕੰਮ ਦੀ ਗੱਲ ਕਰੀਏ ਤਾਂ ਉਹ ਜਲਦੀ ਹੀ ਕਿੰਗ ਖ਼ਾਨ ਸ਼ਾਹਰੁਖ ਨਾਲ ਫ਼ਿਲਮ ‘ਜ਼ੀਰੋ’ ‘ਚ ਨਜ਼ਰ ਆਉਣ ਵਾਲੀ ਹੈ, ਜੋ 21 ਦਸੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ।