ਫਿਲਮ ਡਾਇਰੈਕਟਰ ਪ੍ਰਸ਼ਾਂਤ ਨੀਲ ਨੇ ਟਵੀਟ ਕੀਤਾ ਕਿ ਉਨ੍ਹਾਂ ਨੇ ਆਪਣੀ ਮੋਸਟ ਅਵੇਟਡ ਐਕਸ਼ਨ ਡਰਾਮਾ ਫਿਲਮ ਕੇ.ਜੀ.ਐਫ: ਚੈਪਟਰ 2 ਦੇ ਕਲਾਈਮੈਕਸ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਇਹ ਫਿਲਮ ਸਾਲ 2018 ਦੀ ਫਿਲਮ ਕੇਜੀਐਫ ਇਕ ਦਾ ਸੀਕੁਅਲ ਹੈ ਜਿਸ ਵਿੱਚ ਸਾਊਥ ਦੇ ਅਦਾਕਾਰ ਯਸ਼ ਮੁੱਖ ਭੂਮਿਕਾ ਵਿੱਚ ਹਨ।
ਅਦਾਕਾਰ ਸੰਜੇ ਦੱਤ ਵੀ ‘ਕੇਜੀਐਫ: ਚੈਪਟਰ 2’ ਵਿੱਚ ਅਹਿਮ ਕਿਰਦਾਰ ਵਿਚ ਹਨ। ਸੰਜੇ ਦੱਤ ਪਹਿਲੀ ਵਾਰ ਕਿਸੇ ਕੰਨੜ ਫਿਲਮ ਵਿੱਚ ਕੰਮ ਕਰ ਰਹੇ ਹਨ। ਨੀਲ ਨੇ ਫਿਲਮ ਦੀ ਸ਼ੂਟਿੰਗ ਖਤਮ ਹੋਣ ਤੋਂ ਬਾਅਦ ਫਿਲਮ ਦੀ ਕਾਸਟ ਅਤੇ ਫਿਲਮ ਪ੍ਰੋਡਕਸ਼ਨ ਦੇ ਟੀਮ ਦੇ ਮੈਂਬਰਾਂ ਦੀ ਤਸਵੀਰ ਟਵੀਟ ਕੀਤੀ ਹੈ।
ਟਵੀਟ ਕੀਤਾ ਕਿ ਥਕਾਵਟ ਭਰਿਆ ਸ਼ੂਟ ਖਤਮ ਹੋ ਗਿਆ ਹੈ। ਸਾਡੀ ਜ਼ਬਰਦਸਤ ਟੀਮ ਨੇ ਆਪਣਾ ਕੰਮ ਪੂਰਾ ਕੀਤਾ। ਨੀਲ ਨੇ ਇਹ ਵੀ ਲਿਖਿਆ ਕਿ ਸੰਜੇ ਦੱਤ ਅਸਲ ਜ਼ਿੰਦਗੀ ਵਿਚ ਇਕ ਸੱਚਾ ਯੋਧਾ ਹੈ। ਅਗਸਤ ਵਿਚ, 61 ਸਾਲਾ ਸੰਜੇ ਦੱਤ ਨੇ ਐਲਾਨ ਕੀਤਾ ਕਿ ਸੀ ਉਹ ਕੈਂਸਰ ਨਾਲ ਆਪਣੀ ਲੜਾਈ ਲੜਨ ਲਈ ਆਪਣੀਆਂ ਫ਼ਿਲਮ ਤੋਂ ਬ੍ਰੇਕ ਲੈ ਰਹੇ ਹਨ। ਪਰ ਮੁੜ ਸੰਜੇ ਦੱਤ ਨੇ ਨਵੰਬਰ ਵਿੱਚ ਫਿਲਮ ਦੀ ਸ਼ੂਟਿੰਗ ਦੁਬਾਰਾ ਸ਼ੁਰੂ ਕੀਤੀ।
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ