1- ਰਣਵੀਰ ਸਿੰਘ ਅਤੇ ਵਾਣੀ ਕਪੂਰ ਦੀ ਆਗਾਮੀ ਫਿਲਮ 'ਬੇਫਿਕਰੇ' ਦਾ ਨਵਾਂ ਗਾਣਾ 'ਲਬੋਂ ਕਾ ਕਾਰੋਬਾਰ' ਰਿਲੀਜ਼ ਹੋ ਗਿਆ ਹੈ। ਫਿਲਮ ਦਾ ਇਹ ਪਹਿਲਾ ਗਾਣਾ ਸ਼ਾਨਦਾਰ ਹੈ, ਜਿਸ 'ਚ ਕਿੱਸ ਦੇ ਮਹਤਵ ਨੂੰ ਦਿਖਾਇਆ ਗਿਆ ਹੈ। ਇਸ ਗਾਣੇ ਨੂੰ ਆਵਾਜ਼ ਪੈਪੌਨ ਨੇ ਦਿੱਤੀ ਹੈ। ਇਹ ਫਿਲਮ 9ਦਸੰਬਰ ਨੂੰ ਰਿਲੀਜ਼ ਹੋਵੇਗੀ।
2- ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਅਕੀਰਾ' ਦੇ ਨਿਰਦੇਸ਼ਕ ਏ ਆਰ ਮੁਰੁਗਾਦੌਸ ਦਾ ਕਹਿਣਾ ਹੈ ਕਿ ਉਹ ਫਿਲਮ ਬਣਾਉਂਦੇ ਸਮੇਂ ਦਰਸ਼ਕ ਦੇ ਨਜ਼ਰੀਏ ਤੋਂ ਸੋਚਦੇ ਹਨ। ਨਿਰਦੇਸ਼ਕ ਨੇ ਆਈਏਐਨਐਸ ਨੂੰ ਦੱਸਿਆ ਕਿ ਮੈਂ ਨਿਰਦੇਸ਼ਕ ਦੇ ਤੌਰ 'ਤੇ ਫਿਲਮਾਂ ਨਹੀਂ ਬਣਾਉਂਦਾ। ਮੈਂ ਦਰਸ਼ਕ ਬਣ ਜਾਂਦਾ ਹਾਂ ਤੇ ਸੋਚਦਾ ਹਾਂ ਕਿ ਦਰਸ਼ਕ ਮੇਰੀ ਫਿਲਮ 'ਚ ਕੀ ਕੁਝ ਵੇਖਣਾ ਪਸੰਦ ਕਰਨਗੇ। ਸਫਲਤਾ ਲਈ ਮੇਰੇ ਕੋਲ ਕੋਈ ਗੁਪਤ ਸੂਤਰ ਨਹੀਂ ਹੈ।
3- ਅਭਿਨੇਤਰੀ ਦੀਪਿਕਾ ਪਾਦੁਕੋਣ ਨੇ ਆਪਣੇ ਆਲੇ ਦੁਆਲੇ ਦੇ ਲੋਕਾਂ ਦੇ ਚਿਹਰਿਆਂ 'ਤੇ ਮੁਸਕਰਾਹਟ ਲਿਆਉਣ ਦਾ ਜ਼ਿੰਮਾ ਲਿਆ ਹੈ। ਸੂਤਰਾਂ ਮੁਤਾਬਕ ਦੀਪਿਕਾ ਨੇ ਆਪਣੀ ਟੀਮ ਨੂੰ ਮੁਸਕਰਾਉਣ ਦੀ ਆਦਤ ਪਾਉਣ ਲਈ ਕਿਹਾ ਹੈ। ਦੀਪਿਕਾ ਨੇ ਕਿਹਾ ਮੁਸਕਰਾਹਟ ਜਾਦੂਈ ਅਸਰ ਕਰਦੀ ਹੈ। ਇਹ ਮਹਤਵਪੂਰਨ ਹੈ ਕਿ ਮੁਸ਼ਕਲ ਵਕਤ 'ਚ ਵੀ ਮੁਸਕੁਰਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇ।
4- ਮਸ਼ਹੂਰ ਬਾਲੀਵੁੱਡ ਅਭਿਨੇਤਰੀ ਰਹੀ ਮਮਤਾ ਕੁਲਕਰਣੀ ਨੇ ਆਪਣੇ ਉੱਤੇ ਲੱਗੇ ਤਮਾਮ ਇਲਜ਼ਾਮਾਂ ਨੂੰ ਖਾਰਜ ਕੀਤਾ ਹੈ ਤੇ ਕਿਹਾ ਹੈ ਕਿ ਉਹ ਜੋਗਣ ਹੈ। ਮਮਤਾ 'ਤੇ 200 ਕਰੋੜ ਰੁਪਏ ਦੇ ਡਰੱਗ ਰੈਕੇਟ 'ਚ ਸ਼ਾਮਲ ਹੋਣ ਦੇ ਇਲਜ਼ਾਮ ਹਨ। ਮਮਤਾ ਨੇ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਅਤੇ ਗ੍ਰਹਿ ਰਾਜ ਮੰਤਰੀ ਨੂੰ ਚਿੱਠੀ ਲਿਖ ਮਹਾਰਾਸ਼ਟਰ ਪੁਲਿਸ ਵਿਰੁਧ ਕਾਰਵਾਈ ਦੀ ਮੰਗ ਕੀਤੀ ਜਿਨਾਂ ਉਸ ਨੂੰ ਮਾਮਲੇ 'ਚ ਘਸੀਟਿਆ ਹੈ।
5- ਪੀਐਮ ਮੋਦੀ ਨੂੰ ਟੈਗ ਕਰ ਟਵੀਟ ਕਰਨਵਾਲੇ ਕਪਿਲ ਦੇ ਟਵੀਟ 'ਤੇ ਜਦੋਂ ਦਿਨ ਭਰ ਵਿਵਾਦ ਹੋਇਆ ਤਾਂ ਉਹਨਾਂ ਦੇ ਸੁਰ ਬਦਲ ਗਏ। ਕਪਿਲ ਦਾ ਕਹਿਣਾ ਹੈ ਕਿ ਉਨ੍ਹਾਂ ਭ੍ਰਿਸ਼ਟਾਚਾਰ ਵਿਰੁੱਧ ਆਵਾਜ਼ ਚੁਕੀ ਹੈ ਨਾ ਕਿ ਕਿਸੇ ਸਿਆਸੀ ਪਾਰਟੀ ਦੇ ਵਿਰੁੱਧ। ਕਪਿਲ ਸ਼ਰਮਾ ਨੇ ਕੱਲ੍ਹ ਟਵੀਟ ਕੀਤਾ ਸੀ ਕਿ ਬੀਐਮਸੀ ਅਧਿਕਾਰੀ ਰਿਸ਼ਵਤ ਮੰਗ ਰਹੇ ਨੇ ਕਿ ਇਹ ਹਨ ਚੰਗੇ ਦਿਨ.. ?
6- ਦੂਜੇ ਪਾਸੇ ਬੀਐਮਸੀ ਸੂਤਰਾਂ ਮੁਤਾਬਕ ਕਪਿਲ ਗੈਰਕਾਨੂੰਨੀ ਨਿਰਮਾਣ ਕਰਵਾਉਣਾ ਚਾਹੁੰਦੇ ਸਨ। ਜਿਸ ਲਈ ਉਨ੍ਹਾਂ ਨੂੰ ਨੋਟਿਸ ਵੀ ਭੇਜਿਆ ਗਿਆ ਤੇ ਗੈਰਕਾਨੂੰਨੀ ਨਿਰਮਾਣ ਤੋੜਿਆ ਵੀ ਗਿਆ ਸੀ। ਕਪਿਲ ਸ਼ਰਮਾ ਦੇ ਇਲਜ਼ਾਮਾਂ 'ਤੇ ਬੀਐਮਸੀ ਨੇ ਕਿਹਾ ਸੀ ਕਿ ਕਪਿਲ ਰਿਸ਼ਵਤ ਮੰਗਣ ਵਾਲੇ ਦਾ ਨਾਮ ਦੱਸਣ ਜਦਕਿ ਇਸ ਸਬੰਧੀ ਕਪਿਲ ਦਾ ਕੋਈ ਜਵਾਬ ਨਹੀਂ ਆਇਆ।
7-ਪ੍ਰੈਗਨੈਂਟ ਹੋਣ ਦੇ ਬਾਵਜੂਦ ਅਭਿਨੇਤਰੀ ਕਰੀਨਾ ਕਪੂਰ ਨੇ ਛੁੱਟੀ ਨਹੀਂ ਲਈ ਬੀਤੇ ਦਿਨੀਂ ਕਰੀਨਾ ਨੇ ਇ੍ਕਰ ਐਡ ਦੀ ਸ਼ੂਟਿੰਗ ਕੀਤੀ ਜਿੱਥੇ ਇੱਕ ਵਾਰ ਫਿਰ ਰੀਨਾ ਦਾ ਬੇਬੀ ਬੰਪ ਦਿਖਿਆ। ਕਰੀਨਾ ਪਹਿਲਾਂ ਬਿਨਾਂ ਮੇਕਅਪ ਅਤੇ ਫਿਰ ਮੇਕਅਪ ਦੇ ਨਾਲ ਕੈਮਰੇ 'ਚ ਕੈਦ ਹੋਈ ।
8- ਮੁੰਬਈ ਵਿੱਚ ਨਵਾਜ਼ੂਦੀਨ ਸਿਦਿਕੀ ਦੀ ਫਿਲਮ 'ਫਰੀਕੀ ਅਲੀ' ਦੀ ਸਕ੍ਰੀਨਿੰਗ ਰਖੀ ਗਈ ਜਿਸ 'ਚ ਡੇਜੀ ਸ਼ਾਹ ਐਲੀ ਅਵਰਾਮ ਸਨਾ ਖਾਨ ਅਤੇ ਸੋਹਾ ਅਲੀ ਖਾਨ ਵਰਗੀਆਂ ਅਦਾਕਾਰਾ ਪਹੁੰਚੀਆਂ ਇਸਦੇ ਇਲਾਵਾ ਅਭਿਨੇਤਾ ਸੁਨੀਲ ਸ਼ੇਟੀ ਅਤੇ ਫਿਲਮ ਦੇ ਨਿਰਦੇਸ਼ਕ ਸੋਹੇਲ ਖਾਨ ਵੀ ਦਿਖੇ।
9- ਮਸ਼ਹੂਰ ਪੰਜਾਬੀ ਗਾਇਕ ਸੁਖ ਈ ਦਾ ਨਵਾਂ ਗੀਤ 'ਸੁਸਾਈਡ' ਰਿਲੀਜ਼ ਹੋ ਗਿਆ ਜਿਸਨੇ ਆਉਂਦੇ ਸਾਰ ਹੀ ਧਮਾਲ ਮਚਾ ਦਿੱਤਾ । ਗੀਤ 'ਚ ਸੁਖ ਈ ਕੁੜੀ ਨੂੰ ਮਨਾਉਣ ਲਈ ਸੁਸਾਈਡ ਕਰਨ ਦੀ ਧਮਕੀ ਦਿੰਦੇ ਨਜ਼ਰ ਆਉਂਦੇ ਨੇ। ਇਸਤੋਂ ਪਹਿਲਾਂ ਉਹ 'ਸੈਂਡ ਸਾਂਗ' ਅਤੇ 'ਜੈਗੁਆਰ' ਵਰਗੇ ਸਪਰਹਿਟ ਟਰੈਕਸ ਨਾਲ ਵਖਰੀ ਪਛਾਣ ਬਣਾ ਚੁਕੇ ਹਨ।