ਚੰਡੀਗੜ੍ਹ: ਇਸ ਸਮੇਂ ਪੰਜਾਬੀ ਐਕਟਰ ਅਤੇ ਸਿੰਗਰ ਐਮੀ ਵਿਰਕ ਆਪਣੀ ਜ਼ਿੰਦਗੀ ਖੂਬ ਮੌਜ ਮਸਤੀ ਨਾਲ ਜੀ ਰਹੇ ਹਨ। ਹਾਲ ਹੀ 'ਚ ਐਮੀ ਵਿਰਕ ਦੀ ਫਿਲਮਾੰ ਪੁਆੜਾ ਅਤੇ ਕਿਸਮਤ-2 ਨੇ ਸਿਨੇਮਾਘਰਾਂ 'ਚ ਦਸਤੱਕ ਦਿੱਤੀ ਅਤੇ ਫੈਨਸ ਨੇ ਇਨ੍ਹਾਂ ਫਿਲਮਾਂ ਨੂੰ ਖਬੂ ਪਿਆਰ ਦਿੱਤਾ। ਜਿਸ ਤੋਂ ਬਾਅਦ ਹੁਣ ਐਮੀ ਨੇ ਆਪਣੀ ਇਹ ਹੋਰ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ।
ਇਸ ਦੀ ਜਾਣਕਾਰੀ ਐਮੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ 'ਤੇ ਇੱਕ ਪੋਸਟ ਸ਼ੇਅਰ ਕਰਕੇ ਦਿੱਤੀ। ਐਮੀ ਵਿਰਕ ਨੇ ਆਪਣੀ ਅਗਲੀ ਆਉਣ ਵਾਲੀ ਫਿਲਮ 'ਦੇ ਦੇ ਗੇਦਾ' ਦੇ ਪੋਸਟਰ ਦਾ ਖੁਲਾਸਾ ਕਰਕੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਐਮੀ ਨੇ ਇਸ ਖ਼ਬਰ ਨੂੰ ਸਾਂਝਾ ਕਰਨ ਲਈ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ ਹੈਂਡਲ 'ਤੇ ਜ਼ਿਕਰ ਕੀਤਾ ਕਿ ਫਿਲਮ ਦੇ ਦੇ ਗੇਦਾ 18 ਫਰਵਰੀ, 2022 ਨੂੰ ਰਿਲੀਜ਼ ਹੋਣ ਵਾਲੀ ਹੈ।
ਫਿਲਮ ਦੇ ਦੇ ਗੇਡਾ ਐਮੀ ਵਿਰਕ ਦੇ ਆਪਣੇ ਪ੍ਰੋਡਕਸ਼ਨ ਹਾਊਸ 'ਐਮੀ ਵਿਰਕ ਪ੍ਰੋਡਕਸ਼ਨ' ਦੇ ਅਧੀਨ ਰਿਲੀਜ਼ ਹੋਵੇਗੀ। ਜੇਕਰ ਪੋਸਟਰ ਦੀ ਗੱਲ ਕਰੀਏ ਤਾੰ ਇਸ ਦਾ ਪੋਸਟਰ ਕਾਫੀ ਦਿਲਚਸਪ ਲੱਗ ਰਿਹਾ ਹੈ ਕਿਉਂਕਿ ਇਸ ਵਿੱਚ ਢੋਲ ਵਜਾਉਂਦੇ ਇੱਕ ਆਦਮੀ ਅਤੇ ਔਰਤ ਇਸ ਵੱਲ ਝੁਕਦੇ ਦਿਖਾਈ ਦੇ ਰਹੇ ਹਨ। ਇਹ ਫਿਲਮ ਰਾਕੇਸ਼ ਧਵਨ ਨੇ ਲਿਖੀ ਹੈ, ਜੋ ਕਿ ਪੰਜਾਬੀ ਉਦਯੋਗ ਦੇ ਉੱਘੇ ਲੇਖਕਾਂ ਚੋਂ ਇੱਕ ਹੈ।
ਇਸ ਤੋਂ ਇਲਾਵਾ ਇਸ ਫਿਲਮ ਬਾਰੇ ਅਜੇ ਹੋਰ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਐਮੀ ਨੇ ਪੋਸਟਰ ਸ਼ੇਅਰ ਕਰਦਿਆਂ ਕਿਹਾ, 'ਅਗਲੇ ਸਾਲ ਦੀ ਪਹਿਲ ਫਿਲਮ 18feb.'
ਐਮੀ ਵਿਰਕ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਸ ਕੋਲ ਸਾਲ 2022 ਦੇ ਲਈ ਬਹੁਤ ਸਾਰੇ ਪ੍ਰੋਜੈਕਟ ਹਨ। ਉਨ੍ਹਾਂ ਨੇ 'ਸ਼ੇਰ ਬੱਗਾ' ਅਤੇ 'ਬਾਜਰੇ ਦਾ ਸੀਟਾ' ਪੁਸ਼ਟੀ ਕਰਦਿਆੰ ਇਨ੍ਹਾਂ ਦੀ ਰਿਲੀਜ਼ ਡੇਟ ਅਤੇ ਕੁਝ ਹੋਰ ਪ੍ਰੋਜੈਕਟਾਂ ਬਾਰੇ ਵੀ ਦੱਸੀਆ ਹੈ। ਐਮੀ ਲਈ 2021 ਸਕਸੈਸਫੁਲ ਸਾਲ ਰਿਹਾ ਕਿਉਂਕਿ ਉਸ ਦੀਆਂ ਕੁਝ ਵੱਡੀਆਂ ਫਿਲਮਾਂ ਰਿਲੀਜ਼ ਹੋਈਆਂ ਜਿਵੇਂ ਕਿ 'ਪੂਆੜਾ', 'ਕਿਸਮਤ 2' ਅਤੇ ਇਸ ਸਾਲ ਦੋ ਫਿਲਮਾਂ ਹੋਰ ਰਿਲੀਜ਼ ਹੋਣੀਆਂ ਅਜੇ ਬਾਕੀ ਹਨ।
ਦੇ ਦੇ ਗੇਦਾ 18 ਫਰਵਰੀ ਨੂੰ 2022 ਦੇ ਵੈਲੇਨਟਾਈਨ ਹਫਤੇ ਵਿੱਚ ਰਿਲੀਜ਼ ਹੋਵੇਗੀ ਅਤੇ ਅਸੀਂ ਨਵੇਂ ਸਾਲ ਵਿੱਚ ਵੀ ਉਸਨੂੰ ਵੱਡੇ ਪਰਦੇ 'ਤੇ ਦੇਖਣ ਲਈ ਇੰਤਜ਼ਾਰ ਨਹੀਂ ਕਰ ਸਕਦੇ। ਹੁਣ ਇਸ ਫਿਲਮ 'ਚ ਐਮੀ ਕਿਸ ਤਰ੍ਹਾਂ ਦੀ ਕਹਾਣੀ ਪੇਸ਼ ਕਰਨਗੇ ਇਹ ਤਾੰ ਫਿਲਮ ਬਾਰੇ ਹੋਰ ਜਾਣਕਾਰੀ ਮਿਲਣ ਤੋਂ ਬਾਅਦ ਹੀ ਪਤਾ ਲੱਗੇਗਾ।
ਇਹ ਵੀ ਪੜ੍ਹੋ:
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/