ਚੰਡੀਗੜ੍ਹ: ਪੰਜਾਬੀ ਗਾਇਕ ਤੇ ਅਦਾਕਾਰ ਗਿੱਪੀ ਗਰੇਵਾਲ ਆਮ ਤੌਰ 'ਤੇ ਆਪਣੀਆਂ ਆਉਣ ਵਾਲੀਆਂ ਫ਼ਿਲਮਾਂ ਵਿੱਚ ਅਦਾਕਾਰੀ ਜਾਂ ਗਾਉਣ ਵਾਲੇ ਪ੍ਰੋਜੈਕਟਾਂ ਲਈ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਉਹ ਇਕ ਜਨੂੰਨੀ ਤੇ ਸਨਕੀ ‘ਫੈਨ-ਫੌਲੋਇੰਗ’ ਦਾ ਵੀ ਆਨੰਦ ਲੈਂਦੇ ਹਨ। ਯਕੀਨੀ ਤੌਰ ’ਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਇਸ ਸਮੇਂ ਉਨ੍ਹਾਂ ਦੀ ਆਉਣ ਵਾਲੀ ਮਿਊਜ਼ਿਕ ਐਲਬਮ ਦੀ ਉਡੀਕ ’ਚ ਹਨ।
ਜੇ ਤੁਸੀਂ ਗਿੱਪੀ ਗਰੇਵਾਲ ਦੇ ਪ੍ਰਸ਼ੰਸਕਾਂ ਵਿੱਚੋਂ ਇੱਕ ਹੋ, ਤਾਂ ਤੁਹਾਨੂੰ ਜ਼ਰੂਰ ਪਤਾ ਹੋਣਾ ਚਾਹੀਦਾ ਹੈ ਕਿ ਉਹ ਵੀ ਇੰਡਸਟ੍ਰੀ ਵਿੱਚ ਚੱਲ ਰਹੀ ਐਲਬਮ ਪਾਰਟੀ ਵਿੱਚ ਸ਼ਾਮਲ ਹੋ ਗਏ ਹਨ। ਉਨ੍ਹਾਂ ਪਿੱਛੇ ਜਿਹੇ ਆਪਣੀ ਆਉਣ ਵਾਲੀ ਐਲਬਮ ਦਾ ਐਲਾਨ ਕੀਤਾ ਸੀ ਤੇ ਪ੍ਰਸ਼ੰਸਕ ਇਸ ਲਈ ਉਤਸ਼ਾਹਤ ਹਨ।
ਜਦੋਂ ਪ੍ਰਸ਼ੰਸਕ ਆਪਣੀ ਸਦਾਬਹਾਰ ਮਨਪਸੰਦ ਗਾਇਕ ਗਿੱਪੀ ਗਰੇਵਾਲ ਦੀ ਆਉਣ ਵਾਲੀ ਐਲਬਮ ਦੇ ਨਾਮ ਤੇ ਹੋਰ ਵੇਰਵਿਆਂ ਬਾਰੇ ਅੰਦਾਜ਼ਾ ਲਾਉਣ ਵਿੱਚ ਰੁੱਝੇ ਹੋਏ ਸਨ, ਤਾਂ ਕਲਾਕਾਰ ਨੇ ਖੁਦ ਨਾਮ ਜ਼ਾਹਿਰ ਕੀਤਾ ਸੀ ਪਰ ਬਹੁਤ ਆਮ ਤੇ ਅਸਾਨ ਤਰੀਕੇ ਨਾਲ ਨਹੀਂ।
ਗਿੱਪੀ ਗਰੇਵਾਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਤਸਵੀਰ ਸ਼ੇਅਰ ਕੀਤੀ ਸੀ ਜਿਸ ਵਿੱਚ ਉਹ ਪਿੱਛੇ ਵੱਲ ਮੂੰਹ ਕਰ ਕੇ ਖਲੋਤੇ ਹਨ ਤੇ ਕੈਪਸ਼ਨ ਵਿੱਚ ਉਨ੍ਹਾਂ ਲਿਖਿਆ ਸੀ:
“ਐਲਬਮ ਦਾ ਸਿਰਲੇਖ ਦੱਸੋ ਕੀ ਹੋਵੇਗਾ?
ਫੋਟੋ ਦੇਖੋ ਧਿਆਨ ਨਾਲ। ”
ਚੁਸਤ ਪ੍ਰਸ਼ੰਸਕਾਂ ਨੂੰ ਆਉਣ ਵਾਲੀ ਐਲਬਮ ਦਾ ਨਾਂ ਸਹੀ ਪ੍ਰਾਪਤ ਕਰਨ ਲਈ ਇਹ ਇੱਕ ਇਸ਼ਾਰਾ ਹੀ ਕਾਫ਼ੀ ਹੈ। ਜੇ ਤੁਸੀਂ ਗਿੱਪੀ ਦੀ ਤਸਵੀਰ ਨੂੰ ਨੇੜਿਓਂ ਵੇਖਦੇ ਹੋ, ਤਾਂ ਤੁਹਾਨੂੰ ਇਹ ਅਹਿਸਾਸ ਹੋਵੇਗਾ ਕਿ ਉਨ੍ਹਾਂ ਦੀ ਕਾਲੀ ਜੈਕੇਟ ਇਹ ਸਭ ਪ੍ਰਗਟ ਕਰ ਰਹੀ ਹੈ। ਇਸ ਉੱਤੇ ਪੰਦਰਾਂ ਉਪ–ਸਿਰਲੇਖਾਂ ਨਾਲ ਮੋਟਾ-ਮੋਟਾ ‘ਲਿਮਟਿਡ ਐਡੀਸ਼ਨ’ ਲਿਖਿਆ ਗਿਆ ਹੈ।
ਇਸ ਦਾ ਸਿੱਧਾ ਅਰਥ ਹੈ ਕਿ ਗਰੇਵਾਲ ਦੀ ਆਉਣ ਵਾਲੀ ਐਲਬਮ ਦਾ ਨਾਮ 'ਲਿਮਿਟੇਡ ਐਡੀਸ਼ਨ' ਹੋਵੇਗਾ ਤੇ ਇਸ ਵਿੱਚ ਕੁੱਲ 15 ਗਾਣੇ ਸ਼ਾਮਲ ਹੋਣਗੇ। ਗਾਣਿਆਂ ਦੇ ਨਾਮ ਅਤੇ ਉਨ੍ਹਾਂ ਦੇ ਵੇਰਵੇ ਇਸ ਤਸਵੀਰ ਵਿਚ ਸਪੱਸ਼ਟ ਨਹੀਂ ਹਨ, ਪਰ ਸਾਨੂੰ ਯਕੀਨ ਹੈ ਕਿ ਉਹ ਬਹੁਤ ਜਲਦੀ ਹੈਰਾਨ ਕਰਨ ਜਾ ਰਿਹਾ ਹੈ।
ਹਾਲ ਹੀ ਵਿੱਚ ਵੀ, ਗਿੱਪੀ ਗਰੇਵਾਲ ਨੇ ਇੰਸਟਾਗ੍ਰਾਮ ਉੱਤੇ ਆਪਣੀ ਐਲਬਮ ਦਾ ਐਲਾਨ ਕਰਨ ਲਈ ਪੋਸਟਾਂ ਸਾਂਝੀਆਂ ਕੀਤੀਆਂ ਹਨ ਤੇ ਸਭ ਤੋਂ ਪਿਆਰਾ ਸੀ ਜਦੋਂ ਗੁਰਬਾਜ਼ ਆਪਣੇ ਪਿਤਾ ਦੇ ਆਉਣ ਵਾਲੇ ਪ੍ਰੋਜੈਕਟ ਦਾ ਇੱਕ ਗਾਣਾ ਸੁਣ ਰਿਹਾ ਸੀ। ਐਲਬਮ ਰਿਲੀਜ਼ ਕਰਨ ਦੀ ਮਿਤੀ ਦਾ ਐਲਾਨ ਹਾਲੇ ਨਹੀਂ ਕੀਤਾ ਗਿਆ ਹੈ ਪਰ ਵੇਰਵੇ ਜਲਦੀ ਹੀ ਸਾਹਮਣੇ ਆਉਣ ਦੀ ਆਸ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin