ਪੰਜਾਬੀ ਇੰਡਸਟਰੀ ਦੇ ਦੇਸੀ ਰੌਕਸਟਾਰ ਗਿੱਪੀ ਗਰੇਵਾਲ ਆਪਣੀ ਗਾਇਕੀ ਤੇ ਅਦਾਕਾਰੀ ਦੇ ਅੰਦਾਜ਼ ਕਰਕੇ ਫੇਮੱਸ ਹਨ। ਅੱਜਕਲ੍ਹ ਗਿੱਪੀ ਆਪਣੀ ਆਉਣ ਵਾਲੀਆਂ ਫ਼ਿਲਮ ਦੇ ਮਿਊਜ਼ਿਕ ਐਲਬਮ ਦੇ ਵਿਚ ਰੁਝੇ ਹੋਏ ਹਨ। ਗਿੱਪੀ ਗਰੇਵਾਲ ਨੇ ਕੁਝ ਸਮਾਂ ਪਹਿਲਾਂ ਆਪਣੀ ਆਉਣ ਵਾਲੀ ਐਲਬਮ ਬਾਰੇ ਇੱਕ ਹਿੰਟ ਦਿੱਤਾ ਸੀ। ਪਰ ਹੁਣ ‘ਕੈਰੀ ਔਨ ਜੱਟਾ’ ਵਾਲੇ ਗਿੱਪੀ ਨੇ ਨਵੀਂ ਐਲਬਮ ਦਾ ਅਪਡੇਟ ਦੇ ਦਿੱਤਾ ਹੈ।
ਗਿੱਪੀ ਨੇ ਕਲੀਅਰ ਕੀਤਾ ਕਿ ਐਲਬਮ ਪੂਰੀ ਤਰ੍ਹਾਂ ਤਿਆਰ ਹੈ ਅਤੇ ਇਸ ਹਫਤੇ ਜਲਦੀ ਹੀ ਇਸਦਾ ਟਾਈਟਲ ਐਲਾਨ ਕੀਤਾ ਜਾਏਗਾ। ਨਾਲ ਹੀ ਉਨ੍ਹਾਂ ਨੇ ਸਾਂਝਾ ਕੀਤਾ ਕਿ ਉਨ੍ਹਾਂ ਦੀ ਐਲਬਮ ਵਿੱਚ ਬਹੁਤ ਜ਼ਿਆਦਾ ਕੋਲੈਬੋਰੇਸ਼ਨ ਨਹੀਂ ਹੈ ਅਤੇ ਐਲਬਮ ਅਗਸਤ ਦੇ ਪਹਿਲੇ ਜਾਂ ਦੂਜੇ ਹਫ਼ਤੇ ਵਿੱਚ ਰਿਲੀਜ਼ ਕੀਤੀ ਜਾਏਗੀ।
ਗਿੱਪੀ ਨੇ ਅੱਗੇ ਕਿਹਾ, ਉਹ ਬਹੁਤ ਖੁਸ਼ ਹੈ ਕਿ ਕਰਨ ਔਜਲਾ, ਸਿੱਧੂ ਮੂਸੇਵਾਲਾ ਅਤੇ ਦਿਲਜੀਤ ਦੁਸਾਂਝ ਵੀ ਇੰਨਾ ਵਧੀਆ ਮਿਊਜ਼ਿਕ ਲੈ ਕੇ ਅੱਗੇ ਆ ਰਹੇ ਹਨ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਆਪਣੀ ਫਿਲਮ 'ਵਾਰਨਿੰਗ' ਬਾਰੇ, ਕਿਹਾ ਕਿ ਫਿਲਮ ਵੀ ਅਗਸਤ ਜਾਂ ਸਤੰਬਰ ਵਿਚ ਵੱਡੇ ਪਰਦੇ 'ਤੇ ਰਿਲੀਜ਼ ਹੋ ਸਕਦੀ ਹੈ।
ਗਿੱਪੀ ਗਰੇਵਾਲ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਹਾਲ ਹੀ ਵਿੱਚ ਗਿੱਪੀ ਨੇ ਆਪਣੇ ਸਿੰਗਲ ਟਰੈਕ 'ਜਦੋਂ ਨੱਚਦੀ ਤੂੰ' ਰਿਲੀਜ਼ ਕੀਤਾ ਸੀ। ਇੰਨੀ ਦਿੰਨੀ ਗਿੱਪੀ ਗਰੇਵਾਲ ਕੈਨੇਡਾ ਵਿਚ ਆਪਣੀ ਫੈਮਿਲੀ ਦੇ ਨਾਲ ਟਾਈਮ ਸਪੈਂਡ ਕਰ ਰਹੇ ਹਨ। ਗਿੱਪੀ ਆਪਣੇ ਬੱਚਿਆਂ ਦੇ ਨਾਲ ਤਸਵੀਰਾਂ ਤੇ ਵੀਡਿਓਜ਼ ਅਕਸਰ ਹੀ ਸ਼ੇਅਰ ਕਰਦੇ ਰਹਿੰਦੇ ਹਨ ਜਿਨ੍ਹਾਂ ਨੂੰ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।