ਸਰਗੁਣ ਮਹਿਤਾ ਤੇ ਐਮੀ ਵਿਰਕ ਦੀ ਫ਼ਿਲਮ 'ਕਿਸਮਤ-2' ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਜਿਸ ਦੇ ਸ਼ੁਰੂਆਤ 'ਚ ਫ਼ਿਲਮ ਕਿਸਮਤ ਦਾ ਇਕ ਸੀਨ ਦਿਖਾਇਆ ਗਿਆ, ਜਿਥੇ ਐਮੀ ਵਿਰਕ ਤੇ ਸਰਗੁਣ ਮਹਿਤਾ ਦੇ ਕਿਰਦਾਰ ਆਪਣੇ ਅਧੂਰੇ ਪਿਆਰ ਦੀ ਗੱਲ ਕਰ ਰਹੇ ਹਨ। ਉਥੇ ਬਾਣੀ ਸ਼ਿਵ ਨੂੰ ਕਹਿੰਦੀ ਹੈ ਕਿ ਜੇ ਇਸ ਵਾਰ ਨਹੀਂ ਅਗਲੇ ਜਨਮ ਆਪਾ ਮਿਲਾਂਗੇ।"
ਉਸ ਤੋਂ ਬਾਅਦ ਟੀਜ਼ਰ 'ਚ ਦਿਖਾਇਆ ਗਿਆ ਕਿ ਦੋਵਾਂ ਦੀ ਮੁਲਾਕਾਤ ਇਕ ਅਲਗ ਜਗ੍ਹਾ 'ਤੇ ਇਕ ਨਵੇਂ ਜਨਮ 'ਚ ਹੁੰਦੀ ਹੈ। ਬਾਕੀ ਹੁਣ ਦੋਵਾਂ ਦੀ ਕਿਸਮਤ 'ਚ ਹੋਰ ਕਿਹੜੇ ਬਦਲਾਅ ਹੋਣਗੇ ਇਹ ਤਾਂ 24 ਸਤੰਬਰ ਨੂੰ ਫ਼ਿਲਮ ਦੇ ਰਿਲੀਜ਼ ਹੋਣ 'ਤੇ ਪਤਾ ਲਗੇਗਾ।
ਫ਼ਿਲਮ ਨੂੰ ਜਗਦੀਪ ਸਿੱਧੂ ਨੇ ਲਿਖਿਆ ਤੇ ਡਾਇਰੈਕਟ ਕੀਤਾ ਹੈ। ਜਗਦੀਪ ਨੇ ਫ਼ਿਲਮ 'ਕਿਸਮਤ' ਨੂੰ ਬਣਾਇਆ ਸੀ। ਇਸ ਵਾਰ ਵੀ ਜਗਦੀਪ ਸਿੱਧੂ ਦੀ ਕਹਾਣੀ 'ਚ ਕੋਈ ਨਾ ਕੋਈ ਟ੍ਰੈਜਡੀ ਜ਼ਰੂਰ ਹੋਏਗੀ। ਦੂਜੇ ਪਾਸੇ ਫ਼ਿਲਮ ਦੇ ਗਾਣੇ ਜਾਨੀ ਤੇ ਬੀ ਪ੍ਰਾਕ ਨੇ ਹੀ ਤਿਆਰ ਕੀਤੇ ਹਨ। ਦੋਵਾਂ ਨੇ ਫ਼ਿਲਮ ਕਿਸਮਤ ਤੇ ਸੁਫਨਾ ਦੇ ਗਾਣੇ ਬਣਾਏ ਸੀ। ਜਿਸ ਨੂੰ ਕਿ ਰਿਪਿਟ 'ਤੇ ਅੱਜ ਵੀ ਸੁਣਿਆ ਜਾਂਦਾ ਹੈ।
ਫਿਲਮ 'ਕਿਸਮਤ-2' ਸ਼ੂਟ ਪੂਰਾ ਹੋ ਗਿਆ ਹੈ। ਐਮੀ ਵਿਰਕ, ਸਰਗੁਣ ਮਹਿਤਾ ਤੇ ਤਾਨੀਆ ਸਟਾਰਰ 'ਕਿਸਮਤ 2' ਇਸ ਸਾਲ ਰਿਲੀਜ਼ ਹੋਣ ਵਾਲੀ ਸਭ ਤੋਂ ਮੋਸਟ ਅਵੇਟੇਡ ਫਿਲਮ ਹੈ। ਫਿਲਮ 'ਕਿਸਮਤ 2', 24 ਸਤੰਬਰ, 2021 ਨੂੰ ਰਿਲੀਜ਼ ਹੋਣੀ ਹੈ। ਫਿਲਮ ਦੀ ਸ਼ੂਟਿੰਗ 17 ਅਕਤੂਬਰ 2020 ਨੂੰ ਸ਼ੁਰੂ ਹੋਈ ਸੀ, ਤੇ ਹੁਣ ਜਾ ਕੇ ਇਸ ਫਿਲਮ ਦੀ ਸ਼ੂਟਿੰਗ ਮੁਕੰਮਲ ਹੋਈ ਹੈ।
ਫਿਲਮ ਦੇ ਪਹਿਲੇ ਸ਼ੈਡਿਊਲ ਦੀ ਸ਼ੂਟਿੰਗ ਇੰਡੀਆ 'ਚ ਹੋਈ ਹੈ ਤੇ ਇਸ ਫਿਲਮ ਦੀ ਟੀਮ ਅਗਲੇ ਸ਼ੈਡਿਊਲ ਦੀ ਸ਼ੂਟਿੰਗ ਲਈ ਯੂਕੇ ਗਈ ਸੀ। ਯੂਕੇ 'ਚ ਵੀ COVID-19 ਪਾਬੰਦੀਆਂ ਕਾਰਨ ਸ਼ੂਟਿੰਗ 'ਚ ਦੇਰੀ ਹੋਈ।
ਫਿਲਮ 'ਕਿਸਮਤ 2' ਐਮੀ ਵਿਰਕ ਅਤੇ ਸਰਗੁਣ ਮਹਿਤਾ ਸਟਾਰਰ ਸਾਲ 2018 'ਚ ਫਿਲਮ ਕਿਸਮਤ ਦਾ ਸੀਕੁਅਲ ਹੈ। ਪੰਜਾਬੀ ਸਿਨੇਮਾ ਵਿੱਚ ਬਣੀਆਂ ਹੁਣ ਤਕ ਦੀਆਂ ਬੈਸਟ ਫ਼ਿਲਮਾਂ 'ਚੋਂ ਇਕ ਫਿਲਮ ਕਿਸਮਤ ਹੈ। ਇਸੇ ਕਰਕੇ, ਕਿਸਮਤ 2 ਤੋਂ ਉਮੀਦਾਂ ਹੋਰ ਵੀ ਵੱਧ ਹਨ। ਦਰਸ਼ਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।