ਮੁੰਬਈ: ਸ਼੍ਰੱਧਾ ਕਪੂਰ ਤੇ ਸੁਸ਼ਾਂਤ ਸਿੰਘ ਰਾਜਪੂਤ ਜਲਦੀ ਹੀ ਫ਼ਿਲਮ ‘ਛਿਛੋਰੇ’ ‘ਚ ਰੋਮਾਂਸ ਕਰਦੇ ਨਜ਼ਰ ਆਉਣ ਵਾਲੇ ਹਨ। ਫ਼ਿਲਮ ਨੂੰ ਨਿਤੇਸ਼ ਤਿਵਾੜੀ ਨੇ ਡਾਇਰੈਕਟ ਕੀਤਾ ਹੈ। ਜਦੋਂ ਤੋਂ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋਈ ਹੈ, ਉਦੋਂ ਤੋਂ ਫ਼ਿਲਮ ਲਗਾਤਾਰ ਸੁਰਖੀਆਂ ‘ਚ ਹੈ। ਹੁਣ ਫ਼ਿਲਮ ਨਾਲ ਜੁੜੀ ਇੱਕ ਹੋਰ ਖ਼ਬਰ ਸਾਹਮਣੇ ਆਈ ਹੈ ਜਿਸ ‘ਚ ਫ਼ਿਲਮ ਦੇ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ।
ਜੀ ਹਾਂ, ਫ਼ਿਲਮ ਦੇ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ। ਇਸ ਮੁਤਾਬਕ ਫ਼ਿਲਮ ਇਸੇ ਸਾਲ 30 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਇਸ ਖ਼ਬਰ ਨੂੰ ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਵੀ ਟਵੀਟ ਕਰ ਕੰਫਰਮ ਕੀਤਾ ਹੈ। ‘ਛਿਛੋਰੇ’ ‘ਚ ਸ਼੍ਰੱਧਾ ਕਪੂਰ ਤੇ ਸੁਸ਼ਾਂਤ ਸਿੰਘ ਐਕਸ਼ਨ ਤੇ ਰੋਮਾਂਸ ਡ੍ਰਾਮਾ ਕਰਦੇ ਨਜ਼ਰ ਆਉਣਗੇ।
ਫ਼ਿਲਮ ਦਾ ਪੋਸਟਰ ਪਹਿਲਾਂ ਹੀ ਰਿਲੀਜ਼ ਹੋ ਚੁੱਕਿਆ ਹੈ ਜੋ ਦੇਖਣ ਨੂੰ ਕਾਫੀ ਮਜ਼ੇਦਾਰ ਸੀ। ਇਸ ਪੋਸਟਰ ‘ਚ ਫ਼ਿਲਮ ਦਾ ਕੈਪਸ਼ਨ ਵੀ ਦਿੱਤਾ ਗਿਆ ਹੈ, “ਬਹੁਤ ਦਿਲਚਸਪ ਹੈ ਕੁੱਤੇ ਕੀ ਦੁਮ, ਟੇਢੀ ਕੀ ਟੇਢੀ।” ਇਸ ਤੋਂ ਇਲਾਵਾ ਸ਼੍ਰੱਧਾ ਡਾਂਸ ਫ਼ਿਲਮ ਏਬੀਸੀਡੀ ਤੇ ਦੂਜੀ ਫ਼ਿਲਮ ਸਾਹੋ ‘ਚ ਕਾਫੀ ਬਿਜ਼ੀ ਹੈ।