ਮੁੰਬਈ: ਆਮਿਰ ਖਾਨ ਨਾਲ ਵਿਵੋ ਫੋਨ ਦੇ ਇਸ਼ਤਿਹਾਰ 'ਚ ਕੰਮ ਕਰ ਚੁੱਕੀ ਟੈਲੀਵਿਜ਼ਨ ਅਦਾਕਾਰ ਸੇਜਲ ਸ਼ਰਮਾ ਨੇ ਮੁੰਬਈ 'ਚ ਸਿਥਤ ਆਪਣੇ ਘਰ 'ਚ ਖੁਦਕੂਸ਼ੀ ਕਰ ਲਈ। ਸੇਜਲ ਸਟਾਰ ਪਲੱਸ ਦੇ ਨਾਟਕ "ਦਿਲ ਤੋ ਹੈਪੀ ਹੈ ਜੀ" ਤੋਂ ਮਸ਼ਹੂਰ ਹੋਈ ਸੀ। ਪੁਲਿਸ ਮੁਤਾਬਕ ਸੇਜਲ ਆਪਣੀ ਨਿਜੀ ਜ਼ਿੰਦਗੀ 'ਚ ਕਾਫੀ ਪਰੇਸ਼ਾਨ ਰਹਿੰਦੀ ਸੀ। ਉਸਦੇ ਘਰ 'ਚੋਂ ਇੱਕ ਸੁਸਾਇਡ ਨੋਟ ਵੀ ਬਰਾਮਦ ਹੋਇਆ ਹੈ, ਜਿਸ 'ਚ ਉਸ ਨੇ ਆਪਣੇ ਖੁਦਕੂਸ਼ੀ ਪਿੱਛੇ ਨਿਜੀ ਕਾਰਨ ਦੱਸੇ ਹਨ।

ਸੇਜਲ ਮੀਰਾ ਰੋਡ ਦੇ ਕੀ ਰਾਇਲ ਨੇਸਟ ਸੁਸਾਇਟੀ 'ਚ ਦੋਸਤਾਂ ਨਾਲ ਰਹਿੰਦੀ ਸੀ। ਟੈਲੀਵਿਜ਼ਨ 'ਤੇ ਆਉਣ ਤੋਂ ਪਹਿਲਾਂ ਸੇਜਲ ਬਹੁਤ ਸਾਰੇ ਇਸ਼ਤਿਹਾਰਾਂ 'ਚ ਕੰਮ ਕਰ ਚੁੱਕੀ ਹੈ। ਮੂਲ ਰੂਪ 'ਚ ਰਾਜਸਥਾਨ ਦੀ ਰਹਿਣ ਵਾਲੀ ਸੇਜਲ ਆਪਣੇ ਮਾਤਾ-ਪਿਤਾ ਦੀ ਇੱਛਾ ਦੇ ਵਿਰੁੱਧ ਜਾ ਕੇ ਤਿੰਨ ਸਾਲ ਪਹਿਲਾਂ ਮੁੰਬਈ ਆਈ ਸੀ।

ਗੌਰਤਲਬ ਹੈ ਕਿ ਕੁੱਝ ਸਮਾਂ ਪਹਿਲਾਂ ਹੀ ਟੈਲੀਵਿਜ਼ਨ ਦੇ ਮਸ਼ਹੂਰ ਅਦਾਕਾਰ ਕੁਸ਼ਲ ਪੰਜਾਬੀ ਨੇ ਵੀ ਨਿੱਜੀ ਜ਼ਿੰਦਗੀਆਂ 'ਚ ਪਰੇਸ਼ਾਨੀਆਂ ਦੇ ਚੱਲਦੇ ਖੁਦਕੂਸ਼ੀ ਕਰ ਲਈ ਸੀ।