Salman Khan Old Video: ਸਲਮਾਨ ਖਾਨ 1992 ਵਿੱਚ ਆਮਿਰ ਖਾਨ, ਰਵੀਨਾ ਟੰਡਨ, ਦਿਵਿਆ ਭਾਰਤੀ, ਜੂਹੀ ਚਾਵਲਾ ਅਤੇ ਕੁਮਾਰ ਸਾਨੂ ਅਤੇ ਉਦਿਤ ਨਾਰਾਇਣ ਵਰਗੇ ਕਈ ਪ੍ਰਸਿੱਧ ਕਲਾਕਾਰਾਂ ਨਾਲ ਵੈਨਕੂਵਰ ਦੇ ਦੌਰੇ 'ਤੇ ਗਏ ਸਨ। ਸਲਮਾਨ ਨੇ ਇੱਕ ਇੰਟਰਵਿਊ ਵਿੱਚ ਦੱਸਿਆ ਕਿ ਜਦੋਂ ਉਨ੍ਹਾਂ ਨੂੰ ਆਮਿਰ, ਦਿਵਿਆ ਅਤੇ ਜੂਹੀ ਦੇ ਨਾਲ ਇੱਕ ਕਮਰਾ ਸਾਂਝਾ ਕਰਨਾ ਪਿਆ ਸੀ।
ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਉਸ ਸਮੇਂ ਦੇ ਇੱਕ ਪੁਰਾਣੇ ਇੰਟਰਵਿਊ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਸਲਮਾਨ ਖਾਨ ਆਪਣਾ ਅਨੁਭਵ ਸਾਂਝਾ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ 'ਚ ਸਲਮਾਨ ਖਾਨ ਨੇ ਦੱਸਿਆ ਕਿ ਕਿਸ ਤਰ੍ਹਾਂ ਉਸ ਸਮੇਂ ਆਮਿਰ ਖਾਨ ਦੀ ਪਤਨੀ ਰੀਨਾ ਦੱਤਾ ਅਤੇ ਉਨ੍ਹਾਂ ਦਾ ਭਰਾ ਵੈਨਕੂਵਰ 'ਚ ਆਪਣੀ ਮਾਂ ਸਲਮਾ ਖਾਨ ਅਤੇ ਭੈਣ ਅਲਵੀਰਾ ਖਾਨ ਨਾਲ ਹੋਟਲ ਦਾ ਕਮਰਾ ਸਾਂਝਾ ਕਰ ਰਹੇ ਸਨ।
ਸਲਮਾਨ ਨੇ ਇਹ ਵੀ ਦੱਸਿਆ ਕਿ ਕਰੀਬ 15-20 ਲੋਕ ਫਰਸ਼ 'ਤੇ ਮੈਟ 'ਤੇ ਸੌਂਦੇ ਸਨ ਅਤੇ ਨਾਸ਼ਤੇ ਅਤੇ ਰਾਤ ਦੇ ਖਾਣੇ 'ਚ ਛੋਲੇ ਖਾਂਦੇ ਸਨ। ਕੈਨੇਡਾ ਦੀ ਪੱਤਰਕਾਰ ਸੁਸ਼ਮਾ ਦੱਤ ਨੇ 1992 'ਚ ਆਈ.ਟੀ.ਐੱਮ.ਬੀ. ਨਾਲ ਇੰਟਰਵਿਊ ਦੌਰਾਨ ਜਦੋਂ ਪੁੱਛਿਆ ਕਿ ਦੌਰੇ ਦੌਰਾਨ ਖਾਣਾ ਕਿਹੋ ਜਿਹਾ ਰਿਹਾ ਤਾਂ ਸਲਮਾਨ ਖਾਨ ਨੇ ਮੂੰਹ ਬਣਾ ਲਿਆ ਅਤੇ ਕਿਹਾ, ''ਕੁਝ ਵੀ ਨਹੀਂ ਹੈ, ਭੁੱਖਾ ਮਾਰ ਦਿੱਤਾ ਹੈ।'' ਖਾਣ ਲਈ ਸਾਨੂੰ ਛੋਲੇ ਦਿੱਤੇ ਜਾਂਦੇ ਸੀ, 15 ਛੋਲੇ ਸਵੇਰ ਨੂੰ 15 ਸ਼ਾਮ ਨੂੰ। ਜਿਹੜੇ ਤੌਲੀਏ ਨੂੰ ਨਹਾਉਣ ਲਈ ਇਸਤੇਮਾਲ ਕਰਦੇ ਹਾਂ, ਉਸੇ ਨੂੰ ਸਿਰਹਾਣਾ ਬਣਾ ਕੇ ਸੌਂਦੇ ਸੀ।
ਰਿਹਾਇਸ਼ ਅਤੇ ਖਾਣੇ ਦੇ ਇੰਤਜ਼ਾਮ ਬਾਰੇ ਪੁੱਛਣ 'ਤੇ ਸਲਮਾਨ ਨੇ ਕਿਹਾ, ''15-20 ਲੋਕ ਇਕ ਕਮਰੇ 'ਚ ਹਨ। ਮੇਰੇ ਨਾਲ ਮੇਰੇ ਕਮਰੇ 'ਚ ਮੇਰਾ ਭਰਾ, ਮੇਰੀ ਮਾਂ, ਮੇਰੀ ਭੈਣ, ਆਮਿਰ ਖਾਨ, ਆਮਿਰ ਦੀ ਪਤਨੀ ਜੂਹੀ ਚਾਵਲਾ, ਜੂਹੀ ਦੀ ਮਾਂ, ਦਿਵਿਆ ਭਾਰਤੀ, ਦਿਵਿਆ ਦੀ ਮਾਂ, ਜੂਹੀ ਦੇ ਪਿਤਾ। ਅਸੀਂ ਸਾਰੇ ਇੱਕ ਕਮਰੇ ਵਿੱਚ ਸੀ।" ਹਾਲ ਹੀ ਵਿੱਚ ਇੱਕ ਫੈਨ ਪੇਜ ਦੁਆਰਾ ਇੰਸਟਾਗ੍ਰਾਮ 'ਤੇ ਇੰਟਰਵਿਊ ਦੀ ਇੱਕ ਕਲਿੱਪ ਸ਼ੇਅਰ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ: ਕਪਿਲ ਸ਼ਰਮਾ ਨੇ ਅਜਿਹਾ ਕੀ ਕੀਤਾ ਕਿ ਸ਼ਾਹਰੁਖ ਖਾਨ ਨੇ ਕਾਰ 'ਚ ਬੁਲਾ ਕੇ ਪੁੱਛਿਆ ਸੀ- 'ਡਰੱਗਜ਼ ਲੈਂਦੇ ਹੋ?'