Sunny Deol Sanjay Dutt: ਸੰਨੀ ਦਿਓਲ ਤੇ ਸੰਜੇ ਦੱਤ ਇਹ ਦੋਵੇਂ ਹੀ ਕਲਾਕਾਰ 90ਆਂ ਦੇ ਦਹਾਕਿਆਂ ਦੇ ਟੌਪ ਹੀਰੋ ਰਹੇ ਹਨ। ਦੋਵਾਂ ਦੀ ਜ਼ਬਰਦਸਤ ਫੈਨ ਫਾਲੋਇੰਗ ਹੈ। ਦੋਵਾਂ ਨੇ ਇਕੱਠੇ ਕਈ ਫਿਲਮਾਂ 'ਚ ਕੰਮ ਕੀਤਾ ਹੈ। ਅੱਜ ਅਸੀਂ ਤੁਹਾਨੂੰ ਸੰਨੀ ਦਿਓਲ ਤੇ ਸੰਜੇ ਦੱਤ ਨਾਲ ਜੁੜਿਆ ਇੱਕ ਦਿਲਚਸਪ ਕਿੱਸਾ ਦੱਸਣ ਜਾ ਰਹੇ ਹਾਂ। ਇਹ ਕਿੱਸਾ ਹੈ ਸਾਲ 1992 ਦਾ, ਜਦੋਂ ਸੰਨੀ ਦਿਓਲ ਤੇ ਸੰਜੇ ਦੱਤ 'ਕਸ਼ਤਰੀਯ' ਫਿਲਮ 'ਚ ਕੰਮ ਕਰ ਰਹੇ ਸੀ। ਇੱਕ ਮਲਟੀ ਸਟਾਰਰ ਫਿਲਮ ਸੀ। ਇਸ ਫਿਲਮ 'ਚ ਕਾਫੀ ਕਲਾਕਾਰਾਂ ਨੇ ਇਕੱਠੇ ਕੰਮ ਕੀਤਾ ਸੀ।
ਇਹ ਵੀ ਪੜ੍ਹੋ: ਪਰਮੀਸ਼ ਵਰਮਾ ਨੇ ਕਿਸ ਕੋਲੋਂ ਮੰਗੀ ਮੁਆਫੀ? ਸੋਸ਼ਲ ਮੀਡੀਆ ਪੋਸਟ ਬਣੀ ਚਰਚਾ ਦਾ ਵਿਸ਼ਾ
ਫਿਲਮ ਦੀ ਸ਼ੂਟਿੰਗ ਵੱਖੋ ਵੱਖ ਲੋਕੇਸ਼ਨਾਂ 'ਤੇ ਹੁੰਦੀ ਸੀ। ਇਸੇ ਤਰ੍ਹਾਂ ਇੱਕ ਵਾਰ ਫਿਲਮ ਦੀ ਸ਼ੂਟਿੰਗ ਮੁੰਬਈ ਤੋਂ ਬਾਹਰ ਹੋਈ ਤਾਂ ਫਿਲਮ ਦੀ ਪੂਰੀ ਟੀਮ ਇੱਕ ਹੋਟਲ 'ਚ ਠਹਿਰੀ ਹੋਈ ਸੀ। ਇੱਥੇ ਸ਼ੂਟਿੰਗ ਤੋਂ ਬਾਅਦ ਸੰਜੇ ਦੱਤ ਰੋਜ਼ ਰਾਤ ਨੂੰ ਸ਼ਰਾਬ ਪੀ ਕੇ ਨਸ਼ੇ 'ਚ ਰੌਲਾ ਪਾਉਂਦੇ ਹੁੰਦੇ ਸੀ। ਇਸ ਗੱਲ ਤੋਂ ਸੰਜੇ ਤੋਂ ਪੂਰੀ ਫਿਲਮ ਦੀ ਟੀਮ ਨਾਰਾਜ਼ ਰਹਿੰਦੀ ਸੀ।
ਇੱਕ ਵਾਰ ਹੋਇਆ ਇਹ ਕਿ ਪੂਰਾ ਦਿਨ ਗਰਮੀ 'ਚ ਸ਼ੂਟਿੰਗ ਕਰਨ ਤੋਂ ਬਾਅਦ ਫਿਲਮ ਦੀ ਟੀਮ ਥੱਕ ਗਈ ਸੀ। ਜਦੋਂ ਰਾਤ ਨੂੰ ਸਾਰੇ ਆਪੋ ਆਪਣੇ ਕਮਰੇ 'ਚ ਸੌਣ ਲਈ ਗਏ ਤਾਂ ਸੰਜੇ ਦੱਤ ਨੇ ਫਿਰ ਸ਼ਰਾਬ ਪੀ ਕੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਸੰਜੇ ਦੇ ਨਾਲ ਵਾਲੇ ਕਮਰੇ 'ਚ ਠਹਿਰੇ ਸੰਨੀ ਦਿਓਲ ਨੂੰ ਉਸ ਦਿਨ ਬਹੁਤ ਗੁੱਸਾ ਆਇਆ। ਉਹ ਗੁੱਸੇ ;ਚ ਬਾਹਰ ਆ ਕੇ ਸੰਜੇ ਦੱਤ ਦੇ ਕਮਰੇ ਦਾ ਦਰਵਾਜ਼ਾ ਬੁਰੀ ਤਰ੍ਹਾਂ ਖੜਕਾਉਣ ਲੱਗੇ। ਜਦੋਂ ਸੰਜੇ ਨੇ ਦਰਵਾਜ਼ਾ ਖੋਲ੍ਹਿਆ ਤਾਂ ਸੰਨੀ ਦਿਓਲ ਨੇ ਗੁੱਸੇ 'ਚ ਉਨ੍ਹਾਂ ਦਾ ਕਾਲਰ ਫੜ ਲਿਆ ਅਤੇ ਕਿਹਾ, 'ਤੂੰ ਅੱਧੀ ਰਾਤ ਨੂੰ ਟਿਕ ਨਹੀਂ ਸਕਦਾ'। ਸੰਨੀ ਦਿਓਲ ਉਸ ਰਾਤ ਸੰਜੇ ਨੂੰ ਕੁੱਟਣ ਦਾ ਮੂਡ ਬਣਾਈ ਬੈਠੇ ਸੀ, ਪਰ ਸੰਜੇ ਦੀ ਹਾਲਤ ਦੇਖ ਕੇ ਸੰਨੀ ਨੇ ਉਨ੍ਹਾਂ ਨੂੰ ਛੱਡ ਦਿੱਤਾ।
ਅਗਲੀ ਸਵੇਰ ਜਦੋਂ ਸੰਜੇ ਦੱਤ ਦਾ ਨਸ਼ਾ ਉੱਤਰਿਆ ਤਾਂ ਉਨ੍ਹਾਂ ਨੇ ਖੁਦ ਜਾ ਕੇ ਸੰਨੀ ਦਿਓਲ ਕੋਲੋਂ ਮੁਆਫੀ ਮੰਗੀ ਅਤੇ ਇਸ ਤੋਂ ਬਾਅਦ ਕਦੇ ਵੀ ਸ਼ਰਾਬ ਪੀ ਕੇ ਹੰਗਾਮਾ ਨਹੀਂ ਕੀਤਾ।