ਐਨਰਜੀ ਡਰਿੰਕ ਬੜੇ ਖਤਰਨਾਕ, ਨੁਕਸਾਨ ਜਾਣ ਕੇ ਕਹੋਗੇ ਤੋਬਾ!

ਸ਼ਰਕਰਾ ਤੇ ਕੈਫੀਨ ਦੀ ਉੱਚ ਮਾਤਰਾ ਵਾਲੇ ਐਨਰਜੀ ਡਰਿੰਕਸ ਦੀ ਹੁਣ ਤਕ ਸਰੀਰ ਦੀ ਤਾਕਤ ਵਧਾਉਣ ਦੇ ਰੂਪ 'ਚ ਮਾਰਕੀਟਿੰਗ ਹੁੰਦੀ ਰਹੀ ਹੈ।

ਇਹ ਮਾਨਸਿਕ ਸਿਹਤ ਨੂੰ ਪ੍ਰਭਾਵਿਤ ਕਰਨ ਦੇ ਨਾਲ ਬਲੱਡ ਪ੍ਰੈਸ਼ਰ ਤੇ ਮੋਟਾਪੇ ਨੂੰ ਵੀ ਵਧਾ ਸਕਦਾ ਹੈ।

ਬਾਜ਼ਾਰ 'ਚ ਇਸ ਨੂੰ ਸੀਮਤ ਕਰਨ ਲਈ ਸਖ਼ਤ ਰੈਗੂਲੇਟਰੀ ਬਣਨੀ ਚਾਹੀਦੀ ਹੈ। ਡਰਿੰਕ 'ਚ ਵਰਤੀ ਗਈ ਕੈਫੀਨ ਦੀ ਹੱਦ ਤੈਅ ਹੋਣੀ ਚਾਹੀਦੀ ਹੈ।

ਚੰਡੀਗੜ੍ਹ: ਆਮ ਧਾਰਨਾ ਤੋਂ ਉਲਟ ਐਨਰਜੀ ਡਰਿੰਕ ਸਿਹਤ ਲਈ ਨੁਕਸਾਨਦੇਹ ਸਾਬਤ ਹੋਇਆ ਹੈ।

'ਫਰੰਟੀਅਰਜ਼ ਇਨ ਪਬਲਕਿ ਹੈਲਥ' ਨਾਮਕ ਮੈਗਜੀਨ 'ਚ ਛਪੀ ਖੋਜ 'ਚ ਕਿਹਾ ਗਿਆ ਹੈ ਕਿ ਐਨਰਜੀ ਡਰਿੰਕ ਦੇ ਬੱਚਿਆਂ ਤੇ ਨੌਜਵਾਨਾਂ ਦੇ ਪੀਣ 'ਤੇ ਰੋਕ ਲੱਗਣੀ ਚਾਹੀਦੀ ਹੈ।

ਇਸ ਦੀ ਵਰਤੋਂ ਨਾਲ ਸੁਭਾਅ ਗੁੱਸੇ ਵਾਲਾ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਇਹ ਡਰਿੰਕ ਕਿਡਨੀ, ਦਿਲ, ਦੰਦ ਤੇ ਪੇਟ 'ਤੇ ਅਸਰ ਕਰ ਸਕਦਾ ਹੈ।

ਹਾਰਵਰਡ ਟੀ.ਐਚ. ਚੈਨ ਸਕੂਲ ਆਫ ਪਬਲਕਿ ਹੈਲਥ ਦੇ ਖੋਜਕਾਰਾਂ ਨੇ ਪਤਾ ਲਾਇਆ ਕਿ ਅਜਿਹੇ ਡਰਿੰਕ ਵਿਅਕਤੀ ਦੇ ਵਿਵਹਾਰ 'ਚ ਵੀ ਬਦਲਾਅ ਲਿਆ ਸਕਦੇ ਹਨ।