Toothpaste: ਅਸੀਂ ਆਪਣੇ ਦੰਦਾਂ ਦੀ ਦੇਖਭਾਲ ਲਈ ਰੋਜ਼ਾਨਾ ਬੁਰਸ਼ ਕਰਦੇ ਹਾਂ। ਇਸ ਦੇ ਲਈ ਹਰ ਕੋਈ ਵੱਖ-ਵੱਖ ਤਰ੍ਹਾਂ ਦੇ ਟੂਥਪੇਸਟ ਦੀ ਵਰਤੋਂ ਕਰਦਾ ਹੈ। ਬਾਜ਼ਾਰ ਵਿੱਚ ਇੱਕ ਤੋਂ ਵੱਧ ਕੇ ਇੱਕ ਟੁੱਥਪੇਸਟ ਉਪਲਬਧ ਹਨ। ਕਈ ਵਾਰ ਅਜਿਹਾ ਹੁੰਦਾ ਹੈ ਕਿ ਅਸੀਂ ਆਪਣੇ ਲਈ ਵਧੀਆ ਟੂਥਪੇਸਟ ਦੀ ਚੋਣ ਨਹੀਂ ਕਰ ਪਾਉਂਦੇ ਹਾਂ। ਕਈ ਵਾਰ ਲੋਕ ਆਪਣੇ ਦੰਦਾਂ ਦੀ ਜ਼ਰੂਰਤ ਨੂੰ ਸਮਝੇ ਬਿਨਾਂ ਕਿਸੇ ਵੀ ਤਰ੍ਹਾਂ ਦੇ ਟੂਥਪੇਸਟ ਦੀ ਵਰਤੋਂ ਕਰਦੇ ਹਨ ਅਤੇ ਉਨ੍ਹਾਂ ਨੂੰ ਇਸ ਦਾ ਨੁਕਸਾਨ ਵੀ ਝੱਲਣਾ ਪੈਂਦਾ ਹੈ।
ਇਸ ਗੱਲ ਨੂੰ ਧਿਆਨ 'ਚ ਰੱਖਦੇ ਹੋਏ ਸਾਨੂੰ ਟੂਥਪੇਸਟ ਖਰੀਦਦੇ ਸਮੇਂ ਹਮੇਸ਼ਾ ਕੁਝ ਖਾਸ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ। ਇਕ ਮਾਹਰ ਨੇ ਦੱਸਿਆ ਕਿ ਲੋਕਾਂ ਨੂੰ ਟੂਥਪੇਸਟ ਖਰੀਦਣ ਸਮੇਂ ਕਿਹੜੀਆਂ ਗੱਲਾਂ ਦਾ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਉਨ੍ਹਾਂ ਮੁਤਾਬਕ ਟੂਥਪੇਸਟ ਖਰੀਦਦੇ ਸਮੇਂ ਇਸ ਗੱਲ ਨਾਲ ਕੋਈ ਫਰਕ ਨਹੀਂ ਪੈਂਦਾ ਕਿ ਇਹ ਕਿਸ ਬ੍ਰਾਂਡ ਦਾ ਹੈ ਜਾਂ ਇਸ ਦਾ ਫਲੇਵਰ ਕੀ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਕੀ ਇਸ ਵਿੱਚ ਮੁੱਖ ਸਮੱਗਰੀ ਫਲੋਰਾਈਡ ਹੈ ਜਾਂ ਨਹੀਂ।
ਇਹ ਵੀ ਪੜ੍ਹੋ: ਕੁੜੀਆਂ ਨੂੰ ਰੂਟੀਨ ਚੈਕਅੱਪ 'ਚ ਕਰਵਾਉਣੇ ਚਾਹੀਦੇ ਇਹ ਟੈਸਟ, ਨਹੀਂ ਤਾਂ ਇਸ ਖਤਰਨਾਕ ਬਿਮਾਰੀ ਦਾ ਹੋ ਸਕਦੀਆਂ ਸ਼ਿਕਾਰ
ਬ੍ਰਿਟਿਸ਼ ਡੇਂਟਿਸਟ ਅਤੇ Impress ਦੇ ਚੀਫ ਆਰਥੋਡੌਨਟਿਸਟ, ਡਾ. ਖਾਲਿਦ ਕਾਸਿਮ ਅਕਸਰ ਦੰਦਾਂ ਨਾਲ ਸਬੰਧਤ ਸੁਝਾਅ ਸਾਂਝੇ ਕਰਦੇ ਹਨ। ਟੂਥਪੇਸਟ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ, 'ਤੁਹਾਨੂੰ ਹਮੇਸ਼ਾ ਫਲੋਰਾਈਡ ਵਾਲੇ ਟੁੱਥਪੇਸਟ ਦੀ ਵਰਤੋਂ ਕਰਨੀ ਚਾਹੀਦੀ ਹੈ, ਇਹ ਸੱਚਮੁੱਚ ਬਹੁਤ ਜ਼ਰੂਰੀ ਹੈ। ਟੂਥਪੇਸਟ ਦੀਆਂ ਵੱਖ-ਵੱਖ ਕਿਸਮਾਂ ਹਨ, ਪਰ ਆਮ ਤੌਰ 'ਤੇ ਤੁਸੀਂ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਹੋ ਕਿ ਤੁਸੀਂ ਜਿਸ ਦੀ ਵਰਤੋਂ ਕਰ ਰਹੇ ਹੋ ਉਸ ਵਿੱਚ ਫਲੋਰਾਈਡ ਹੈ।
ਡਾ. ਖਾਲਿਦ ਨੇ ਕਿਹਾ, 'ਬੱਚਿਆਂ ਲਈ ਇਹ ਬਹੁਤ ਜ਼ਰੂਰੀ ਹੈ ਕਿ ਉਨ੍ਹਾਂ ਨੂੰ ਅਜਿਹੇ ਟੂਥਪੇਸਟ ਵਰਤਣ ਲਈ ਦਿੱਤੇ ਜਾਣ, ਜਿਸ ਵਿਚ ਫਲੋਰਾਈਡ ਦੀ ਮਾਤਰਾ ਘੱਟ ਹੋਵੇ।' ਅਜਿਹਾ ਇਸ ਲਈ ਹੈ ਕਿਉਂਕਿ ਉਨ੍ਹਾਂ ਦੇ ਦੰਦ ਨੌਜਵਾਨਾਂ ਦੇ ਦੰਦਾਂ ਨਾਲੋਂ ਜ਼ਿਆਦਾ ਨਾਜ਼ੁਕ ਹੁੰਦੇ ਹਨ। ਨੌਜਵਾਨਾਂ ਲਈ, ਉੱਚ ਫਲੋਰਾਈਡ ਵਾਲੇ ਟੁੱਥਪੇਸਟ ਵੀ ਕੰਮ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ: ਸਰਦੀਆਂ 'ਚ ਗਠੀਏ ਦਾ ਦਰਦ ਨਹੀਂ ਕਰੇਗਾ ਪਰੇਸ਼ਾਨ, ਇਨ੍ਹਾਂ ਪੰਜ ਜੜ੍ਹੀਆਂ ਬੂਟੀਆਂ ਦੀ ਕਰੋ ਵਰਤੋਂ
ਬ੍ਰਿਟੇਨ ਦੇ ਨੈਸ਼ਨਲ ਹੈਲਥ ਸਰਵਿਸ ਦਾ ਕਹਿਣਾ ਹੈ ਕਿ ਟੂਥਪੇਸਟ ਜਿਸ ਵਿੱਚ 1,350 ਤੋਂ 1,500 ਪੀਪੀਐਮ ਫਲੋਰਾਈਡ ਹੁੰਦਾ ਹੈ, ਜੋ ਕਿ ਬਹੁਤ ਪ੍ਰਭਾਵਸ਼ਾਲੀ ਹੁੰਦਾ ਹੈ। ਹਾਲਾਂਕਿ, ਜੇਕਰ ਤੁਹਾਨੂੰ ਦੰਦ ਸੜਨ ਦਾ ਖ਼ਤਰਾ ਹੈ ਤਾਂ ਤੁਹਾਨੂੰ ਜ਼ਿਆਦਾ ਫਲੋਰਾਈਡ ਵਾਲਾ ਟੂਥਪੇਸਟ ਲੈਣਾ ਚਾਹੀਦਾ ਹੈ। ਬੱਚਿਆਂ ਨੂੰ 1,000ppm ਫਲੋਰਾਈਡ ਵਾਲਾ ਟੁੱਥਪੇਸਟ ਦਿੱਤਾ ਜਾਣਾ ਚਾਹੀਦਾ ਹੈ। ਇਸ ਦਾ ਕਾਰਨ ਇਹ ਹੈ ਕਿ ਬਚਪਨ ਵਿੱਚ ਬੱਚਿਆਂ ਦੇ ਦੰਦ ਬਹੁਤ ਨਾਜ਼ੁਕ ਹੁੰਦੇ ਹਨ, ਅਜਿਹੇ ਵਿੱਚ ਜ਼ਿਆਦਾ ਫਲੋਰਾਈਡ ਉਨ੍ਹਾਂ ਦੇ ਦੰਦਾਂ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।