ਯੁਨਾਨ ਪ੍ਰਾਂਤ ਦਾ ਇੱਕ ਵਿਅਕਤੀ ਸੋਮਵਾਰ ਨੂੰ ਇੱਕ ਬੱਸ ਵਿੱਚ ਕੰਮ ਲਈ ਸ਼ੈਂਡਾਂਗ ਪ੍ਰਾਂਤ ਵਾਪਸ ਆ ਰਿਹਾ ਸੀ ਜਿਸ ਦੌਰਾਨ ਉਸ ਦੀ ਮੌਤ ਹੋ ਗਈ। ਬੱਸ ਵਿੱਚ ਸਵਾਰ 32 ਹੋਰ ਲੋਕਾਂ ਨੇ ਵੀ ਹੰਤਾਵਾਇਰਸ ਨਾਲ ਪੌਜ਼ੇਟਿਵ ਟੈਸਟ ਕੀਤਾ ਹੈ।
ਰੋਗ ਨਿਯੰਤਰਣ ਤੇ ਰੋਕਥਾਮ ਕੇਂਦਰ (ਸੀਡੀਸੀ) ਦੇ ਅਨੁਸਾਰ, ਹੰਤਾਵਾਇਰਸ ਵਿਸ਼ਾਣੂਆਂ ਦਾ ਇੱਕ ਪਰਿਵਾਰ ਹੈ ਜੋ ਮੁੱਖ ਤੌਰ ਤੇ ਚੂਹਿਆਂ ਰਾਹੀਂ ਫੈਲਦਾ ਹੈ ਤੇ ਲੋਕਾਂ ਵਿੱਚ ਭਾਂਤ ਭਾਂਤ ਦੀਆਂ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ।
ਇਹ ਹੰਤਾਵਾਇਰਸ ਪਲਮਨਰੀ ਸਿੰਡਰੋਮ (HPS) ਤੇ ਹੰਤਾਵਾਇਰਸ ਰੀਨਲ ਸਿੰਡਰੋਮ ਦੇ ਨਾਲ ਹੈਮੋਰਹੈਜਿਕ ਬੁਖਾਰ (HFRS)ਦਾ ਕਾਰਨ ਬਣ ਸਕਦਾ ਹੈ।
ਇਹ ਬਿਮਾਰੀ ਹਵਾ ਰਾਹੀਂ ਨਹੀਂ ਫੈਲਦੀ ਤੇ ਸਿਰਫ ਲੋਕਾਂ ਵਿੱਚ ਪਿਸ਼ਾਬ, ਮਲ, ਚੂਹੇ ਦੇ ਥੁੱਕ ਦੇ ਸੰਪਰਕ ਵਿੱਚ ਆਉਣ ਤੇ ਕਿਸੇ ਲਾਗ ਵਾਲੇ ਮੇਜ਼ਬਾਨ ਵੱਲੋਂ ਵੱਢੇ ਜਾਣ ਤੇ ਫੈਲ ਸਕਦੀ ਹੈ।
ਕੀ ਨੇ ਹੰਤਾਵਾਇਰਸ ਦੇ ਲੱਛਣ
ਹੰਤਾਵਾਇਰਸ (HPS) ਦੇ ਮੁਢਲੇ ਲੱਛਣਾਂ ਵਿੱਚ ਥਕਾਵਟ, ਬੁਖਾਰ ਤੇ ਮਾਸਪੇਸ਼ੀ ਦੇ ਦਰਦ ਦੇ ਨਾਲ-ਨਾਲ ਸਿਰ ਦਰਦ, ਚੱਕਰ ਆਉਣੇ, ਠੰਢ ਲੱਗਣਾ ਤੇ ਪੇਟ ਦੀਆਂ ਸਮੱਸਿਆਵਾਂ ਸ਼ਾਮਲ ਹਨ। ਸੀਡੀਸੀ ਅਨੁਸਾਰ ਜੇ ਇਲਾਜ ਨਾ ਕੀਤਾ ਗਿਆ ਤਾਂ ਇਹ ਖੰਘ ਤੇ ਸਾਹ ਦੀ ਕਮੀ ਦਾ ਕਾਰਨ ਬਣ ਸਕਦਾ ਹੈ ਤੇ ਮੌਤ ਹੋ ਸਕਦੀ ਹੈ। ਇਸ ਨਾਲ ਮੌਤ ਦੀ ਦਰ 38 ਫੀਸਦ ਹੈ।
ਹਾਲਾਂਕਿ ਹੰਤਾਵਾਇਰਸ (HFRS) ਦੇ ਮੁਢਲੇ ਲੱਛਣ ਵੀ (HPS) ਜਿਹੇ ਰਹਿੰਦੇ ਹਨ, ਇਹ ਘੱਟ ਬਲੱਡ ਪ੍ਰੈਸ਼ਰ, ਗੰਭੀਰ ਸਦਮਾ, ਨਾੜੀ ਲੀਕ ਹੋਣਾ ਤੇ ਗੁਰਦੇ ਦੀ ਗੰਭੀਰ ਅਸਫਲਤਾ ਦਾ ਕਾਰਨ ਬਣ ਸਕਦਾ ਹੈ।
HPS ਵਿਅਕਤੀ ਤੋਂ ਦੂਸਰੇ ਵਿਅਕਤੀ ਨੂੰ ਨਹੀਂ ਹੋ ਸਕਦਾ, ਜਦੋਂ ਕਿ ਲੋਕਾਂ ਵਿੱਚ HFRS ਦਾ ਸੰਚਾਰ ਬਹੁਤ ਘੱਟ ਹੁੰਦਾ ਹੈ। ਸੀਡੀਸੀ ਦੇ ਅਨੁਸਾਰ, ਚੂਹਿਆਂ ਦੀ ਆਬਾਦੀ ਨੂੰ ਨਿਯੰਤਰਣ ਕਰਨਾ ਹੰਤਾਵਾਇਰਸ ਦੀ ਲਾਗ ਨੂੰ ਰੋਕਣ ਲਈ ਮੁਢਲੀ ਰਣਨੀਤੀ ਹੈ।