ਚਾਹ ਪ੍ਰੇਮੀ ਜਾਣ ਹੈਰਾਨੀ ਹੋਏਗੀ ਕਿ ਇੱਕ ਕੱਪ Lemon Tea ਸਿਹਤ ਲਈ ਕਿੰਨਾ ਫਾਇਦੇਮੰਦ ਹੁੰਦਾ ਹੈ। ਸੁਆਦੀ ਹੋਣ ਤੋਂ ਇਲਾਵਾ, ਇਹ ਡ੍ਰਿੰਕ ਵੀ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੈ ਜੋ ਤੁਹਾਡੀ ਸਿਹਤ ਨੂੰ ਬਿੱਗ ਬੂਸਟ ਦੇ ਸਕਦਾ ਹੈ।
ਇਮਿਊਨਿਟੀ ਵਧਾਉਣ ਲਈ ਰੋਜ਼ਾਨਾ ਇਸ ਡਰਿੰਕ ਦਾ ਕਰੋ ਸੇਵਨ:
ਇਹ ਮੰਨਿਆ ਜਾਂਦਾ ਹੈ ਕਿ ਤਾਜ਼ੇ ਨਿੰਬੂ ਤੋਂ ਬਣੀ ਗਰਮ ਚਾਹ ਦੀ ਵਰਤੋਂ ਤੁਹਾਡੇ ਜ਼ੁਕਾਮ ਦੇ ਲੱਛਣਾਂ ਨੂੰ ਦੂਰ ਰੱਖਣ ਲਈ ਕੀਤਾ ਜਾਂਦਾ ਹੈ। ਇਸ ਚਾਹ ਨੂੰ ਤਿਆਰ ਕਰ ਇਸ ‘ਚ ਸ਼ਹਿਦ ਨੂੰ ਮਿਲਾ ਕੇ ਸਵੇਰੇ ਇਸ ਦਾ ਸੇਵਨ ਕਰਨਾ ਸਿਹਤ ਲਈ ਬਹੁਤ ਸਾਰੇ ਲਾਭ ਦੇ ਸਕਦਾ ਹੈ। ਹਾਈਡਰੇਟਿਡ ਰਹਿਣ ਦਾ ਵੀ ਇਹ ਇੱਕ ਵਧੀਆ ਢੰਗ ਹੋ ਸਕਦਾ ਹੈ ਅਤੇ ਜਦੋਂ ਗਰਮੀਆਂ ਚੱਲ ਰਹੀਆਂ ਹਨ ਇਹ ਸਰੀਰ ਦੀ ਊਰਜਾ ਘੱਟਣ ਨਹੀਂ ਦਿੰਦਾ।
ਇਹ ਵੀ ਕਿਹਾ ਜਾਂਦਾ ਹੈ ਕਿ ਨਿੰਬੂ ਵਾਲੀ ਚਾਹ ਵਿਟਾਮਿਨ ਸੀ ਨਾਲ ਭਰਪੂਰ ਹੁੰਦੀ ਹੈ, ਜੋ ਐਂਟੀਆਕਸੀਡੈਂਟ ਵਜੋਂ ਕੰਮ ਕਰ ਸਕਦੀ ਹੈ ਅਤੇ ਸੈੱਲਾਂ ਨੂੰ ਨੁਕਸਾਨ ਤੋਂ ਬਚਾ ਸਕਦੀ ਹੈ। ਇਹ ਦੰਦਾਂ ਦੀ ਸਿਹਤ ਲਈ ਬਹੁਤ ਵਧੀਆ ਹੈ ਅਤੇ ਜ਼ਖ਼ਮਾਂ ਨੂੰ ਠੀਕ ਕਰਨ ਵਿਚ ਵੀ ਮਦਦ ਕਰ ਸਕਦੀ ਹੈ।
ਪਾਚਕ ਕਿਰਿਆ (Metabolism) ਨੂੰ ਵਧਾਉਣ ਲਈ ਵੀ ਹੈਰਾਨੀਜਨਕ:
ਨਿੰਬੂ ਦੀ ਚਾਹ ਪਾਚਕ ਕਿਰਿਆ ਲਈ ਵੀ ਮਦਦਗਾਰ ਹੈ। ਵਿਗਿਆਨਕ ਤੌਰ ‘ਤੇ ਇਹ ਇਸ ਲਈ ਹੈ ਕਿਉਂਕਿ ਚਾਹ ਸਰੀਰ ਚੋਂ ਜ਼ਹਿਰੀਲੇ ਪਦਾਰਥਾਂ ਨੂੰ ਬਾਹਰ ਕੱਢਣ ਅਤੇ ਸਰੀਰ ਨੂੰ ਸਾਫ਼ ਰੱਖਣ ਵਿੱਚ ਮਦਦ ਕਰਦੀ ਹੈ। ਇਹ ਭਾਰ ਘਟਾਉਣ ਲਈ ਵੀ ਅਨੁਕੂਲ ਹੈ।
ਨਿੰਬੂ ਵਾਲੀ ਚਾਹ ਹਾਜ਼ਮੇ ਲਈ ਵੀ ਬਹੁਤ ਚੰਗੀ ਹੈ। ਬੱਸ ਤੁਸੀਂ ਇਸ ‘ਚ ਥੋੜਾ ਜਿਹਾ ਅਦਰਕ ਸ਼ਾਮਲ ਕਰੋ, ਜੋ ਬਦਹਜ਼ਮੀ ਅਤੇ ਹੋਰ ਗੈਸਟ੍ਰੋਇੰਟੇਸਟਾਈਨਲ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਉਣ ਲਈ ਕਾਰਗਰ ਹੋ ਸਕਦਾ ਹੈ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904