ਮਿਲੀ ਜਾਣਕਾਰੀ ਅਨੁਸਾਰ ਛੱਤੀਸਗੜ੍ਹ ਵਿੱਚ ਇਸ ਵਾਇਰਸ ਨੇ ਤਾਕਤ ਇੰਨੀ ਵਧਾ ਲਈ ਹੈ ਕਿ 30 ਡਿਗਰੀ ਤਾਪਮਾਨ ਵਿੱਚ ਮਰਨ ਵਾਲਾ ਐੱਚ1 ਐੱਨ1 ਹੁਣ 42 ਡਿਗਰੀ ਤਾਪਮਾਨ ਵਿੱਚ ਵੀ ਲੋਕਾਂ ਨੂੰ ਆਪਣੀ ਲਪੇਟ ਵਿੱਚ ਲੈਂਦਾ ਦਿਖਾਈ ਦੇ ਰਿਹਾ ਹੈ। ਮਾਹਰ ਇਸ ਦਾ ਤੋੜ ਲੱਭ ਰਹੇ ਹਨ, ਪਰ ਉਹ ਇਸ ਲਈ ਚਿੰਤਤ ਹਨ ਕਿ ਅਗਲੇ ਚਾਰ-ਪੰਜ ਮਹੀਨਿਆਂ ਤੱਕ ਇਸ ਰਾਜ ਵਿੱਚ ਤਾਪਮਾਨ ਘੱਟ ਰਹੇਗਾ।
ਅਜਿਹੇ ਵਿੱਚ ਸਵਾਈਨ ਫਲੂ ਦਾ ਹਮਲਾ ਹੋਰ ਤੇਜ਼ ਹੋ ਸਕਦਾ ਹੈ। ਸਭ ਤੋਂ ਵੱਧ ਮੌਤਾਂ ਰਾਏਪੁਰ ਅਤੇ ਦੁਰਗ ਜ਼ਿਲ੍ਹੇ ਵਿੱਚ 12-12 ਲੋਕਾਂ ਦੀਆਂ ਹੋਈਆਂ। ਬਾਲੋਦ ਵਿੱਚ ਪੰਜ, ਬਿਲਾਸਪੁਰ ਵਿੱਚ ਚਾਰ ਲੋਕਾਂ ਦੀ ਮੌਤ ਹੋਈ ਹੈ। ਹੁਣ ਤੱਕ ਸਰਕਾਰੀ ਅਤੇ ਨਿੱਜੀ ਹਸਪਤਾਲਾਂ ਵਿੱਚ 900 ਤੋਂ ਵੱਧ ਸੈਂਪਲ ਭੇਜੇ ਗਏ ਹਨ। ਇਨ੍ਹਾਂ ਵਿੱਚ 400 ਲੋਕਾਂ ਦੀ ਰਿਪੋਰਟ ਪਾਜੀਟਿਵ ਆਈ ਹੈ।