Universe Getting Destroyed: ਸੂਰਜ ਨੇ ਆਪਣੀ ਅੱਧੀ ਉਮਰ ਪੂਰੀ ਕਰ ਲਈ ਹੈ, ਸੂਰਜ ਲਗਭਗ 5 ਅਰਬ ਸਾਲਾਂ ਵਿੱਚ ਨਸ਼ਟ ਹੋ ਜਾਵੇਗਾ। ਜਦੋਂ ਸੂਰਜ ਹੀ ਨਹੀਂ ਰਹੇਗਾ ਤਾਂ ਧਰਤੀ 'ਤੇ ਜਿਉਣ ਦੀ ਉਮੀਦ ਕਿਵੇਂ ਕੀਤੀ ਜਾ ਸਕਦੀ ਹੈ? ਵਿਗਿਆਨੀਆਂ ਨੇ ਵੀ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਧਰਤੀ ਵੀ ਇੱਕ ਦਿਨ ਤਬਾਹ ਹੋ ਜਾਵੇਗੀ। ਹੁਣ ਵਿਗਿਆਨੀਆਂ ਰਾਹੀਂ ਕੀਤੀ ਗਈ ਨਵੀਂ ਖੋਜ ਵਿੱਚ ਹੋਰ ਵੀ ਹੈਰਾਨ ਕਰਨ ਵਾਲੀ ਅਤੇ ਡਰਾਉਣੀ ਜਾਣਕਾਰੀ ਸਾਹਮਣੇ ਆਈ ਹੈ। ਵਿਗਿਆਨੀਆਂ ਨੇ ਖੋਜ ਕੀਤੀ ਹੈ ਕਿ ਬ੍ਰਹਿਮੰਡ ਹੌਲੀ-ਹੌਲੀ ਤਬਾਹ ਹੋ ਰਿਹਾ ਹੈ। ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਇੱਕ ਦਿਨ ਇਹ ਇੱਕ ਵੱਡੇ ਸੰਕਟ ਨਾਲ ਖ਼ਤਮ ਹੋ ਜਾਵੇਗਾ।
ਕੋਲੰਬੀਆ ਦੇ ਯੂਨੀਵਰਸਿਡੇਡ ਈਸੀਸੀਆਈ ਦੇ ਸਾਬਕਾ ਮੈਂਬਰ ਲੂਜ਼ ਐਂਜੇਲਾ ਗਾਰਸੀਆ ਨੇ ਇਸ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦਾ ਇਹ ਦਾਅਵਾ ਵਿਗਿਆਨੀਆਂ ਦੀ ਟੀਮ ਦੇ ਅੰਕੜਿਆਂ 'ਤੇ ਆਧਾਰਿਤ ਹੈ, ਜਿਸ ਨੂੰ ਡਾਰਕ ਐਨਰਜੀ ਸਪੈਕਟ੍ਰੋਸਕੋਪਿਕ ਯੰਤਰ ਦੀ ਵਰਤੋਂ ਕਰਕੇ ਇਕੱਠਾ ਕੀਤਾ ਗਿਆ ਸੀ। ਇਸ ਡੇਟਾ ਦੇ ਰਾਹੀਂ ਵਿਗਿਆਨੀਆਂ ਨੇ ਬ੍ਰਹਿਮੰਡ ਦਾ ਡੂੰਘਾ ਨਕਸ਼ਾ ਬਣਾਇਆ। ਇਸ ਨਕਸ਼ੇ ਰਾਹੀਂ ਐਂਜੇਲਾ ਗਾਰਸੀਆ ਨੇ ਪੁਸ਼ਟੀ ਕੀਤੀ ਕਿ ਬ੍ਰਹਿਮੰਡ ਦੀ ਡਾਰਕ ਐਨਰਜੀ ਸਮੇਂ ਦੇ ਨਾਲ ਘੱਟ ਰਹੀ ਹੈ।
ਬ੍ਰਹਿਮੰਡ 'ਤੇ ਵੱਡਾ ਸੰਕਟ
ਵਿਗਿਆਨੀਆਂ ਨੇ ਕਿਹਾ ਕਿ ਧਰਤੀ ਅਤੇ ਸੂਰਜ ਦੀ ਹੋਂਦ ਕਿਵੇਂ ਖਤਮ ਹੋ ਜਾਵੇਗੀ, ਇਹ ਪਹਿਲਾਂ ਹੀ ਸਾਹਮਣੇ ਆ ਚੁੱਕਾ ਹੈ। ਖਾਸ ਕਰਕੇ ਸੂਰਜ ਬਾਰੇ ਤਾਂ ਇਹ ਦੱਸਿਆ ਗਿਆ ਹੈ ਕਿ ਇਹ 5 ਅਰਬ ਸਾਲ ਬਾਅਦ ਨਸ਼ਟ ਹੋ ਜਾਵੇਗਾ। ਨਸ਼ਟ ਹੋਣ ਤੋਂ ਪਹਿਲਾਂ ਇਹ ਇੱਕ ਅਦਭੁਤ ਲਾਲ ਤਾਰੇ ਵਿੱਚ ਬਦਲ ਜਾਵੇਗਾ। ਹੁਣ ਬ੍ਰਹਿਮੰਡ ਬਾਰੇ ਇਹ ਰਿਪੋਰਟ ਹੈਰਾਨ ਕਰਨ ਵਾਲੀ ਹੈ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਡਾਰਕ ਐਨਰਜੀ ਦੇ ਲਗਾਤਾਰ ਕਮਜ਼ੋਰ ਹੋਣ ਕਾਰਨ ਬ੍ਰਹਿਮੰਡ ਵਿੱਚ ਇੱਕ ਵੱਡਾ ਸੰਕਟ ਖੜ੍ਹਾ ਹੋ ਗਿਆ ਹੈ, ਜੋ ਇਸ ਦੇ ਵਿਨਾਸ਼ ਨਾਲ ਹੀ ਖ਼ਤਮ ਹੋਵੇਗਾ।
ਖੋਜ 'ਚ ਲੱਗੇ ਵਿਗਿਆਨੀਆਂ ਮੁਤਾਬਕ ਬ੍ਰਹਿਮੰਡ ਦੇ ਤਬਾਹ ਹੋਣ 'ਚ ਅਜੇ ਲੱਖਾਂ ਸਾਲ ਬਾਕੀ ਹਨ ਪਰ ਡਾਰਕ ਐਨਰਜੀ ਸਪੈਕਟਰੋਸਕੋਪਿਕ 'ਤੇ ਕੰਮ ਕਰ ਰਹੇ ਵਿਗਿਆਨੀਆਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਦੁਨੀਆ ਦਾ ਭਵਿੱਖ ਧੁੰਦਲਾ ਹੈ। ਵਿਗਿਆਨੀਆਂ ਅਨੁਸਾਰ ਬ੍ਰਹਿਮੰਡ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਇਸ ਲਈ, ਇਸਦੀ ਊਰਜਾ ਜੋ ਪਰਮਾਣੂ ਬਣਾਉਂਦੀ ਹੈ, ਲਗਾਤਾਰ ਕਮਜ਼ੋਰ ਹੁੰਦੀ ਜਾ ਰਹੀ ਹੈ।
ਇਹ ਵੀ ਪੜ੍ਹੋ: Parenting Tips: ਗਰਮੀਆਂ 'ਚ ਛੋਟੇ ਬੱਚਿਆਂ ਦੀ ਕਿੰਨੀ ਵਾਰ ਕਰਨੀ ਚਾਹੀਦੀ ਮਾਲਿਸ਼? ਜਾਣੋ ਹਰ ਸਵਾਲ ਦਾ ਜਵਾਬ
ਹੌਲੀ-ਹੌਵੀ ਹੋਵੇਗਾ ਤਬਾਹ
ਡਾਰਕ ਐਨਰਜੀ ਸਪੈਕਟ੍ਰੋਸਕੋਪਿਕ ਇੰਸਟਰੂਮੈਂਟ ਦੇ ਅੰਕੜਿਆਂ ਦੇ ਅਧਿਐਨ ਦੇ ਆਧਾਰ 'ਤੇ, ECCI ਦੇ ਬ੍ਰਹਿਮੰਡ ਵਿਗਿਆਨੀ ਅਤੇ DESI ਟੀਮ ਦੇ ਸਾਬਕਾ ਮੈਂਬਰ ਲੂਜ਼ ਐਂਜੇਲਾ ਗਾਰਸੀਆ ਪੇਨਾਲੋਜ਼ਾ ਨੇ ਪੁਸ਼ਟੀ ਕੀਤੀ ਕਿ ਸਮੇਂ ਦੇ ਨਾਲ ਡਾਰਕ ਐਨਰਜੀ ਦਾ ਪ੍ਰਭਾਵ ਘੱਟ ਰਿਹਾ ਹੈ। Space.com ਨਾਲ ਗੱਲਬਾਤ ਕਰਦਿਆਂ ਗਾਰਸੀਆ ਪੇਨਾਲੋਜ਼ਾ ਨੇ ਕਿਹਾ ਕਿ ਇੱਕ ਦਿਨ ਬ੍ਰਹਿਮੰਡ ਦਾ ਪਸਾਰ ਰੁੱਕ ਜਾਵੇਗਾ ਅਤੇ ਇਹ ਗੁਰੂਤਾਕਰਸ਼ਣ ਦੇ ਪ੍ਰਭਾਵ ਵਿੱਚ ਆਉਣਾ ਸ਼ੁਰੂ ਹੋ ਜਾਵੇਗਾ। ਅਖੀਰ ਵਿੱਚ ਬ੍ਰਹਿਮੰਡ ਖਤਮ ਹੋ ਜਾਵੇਗਾ।
ਸ਼ੁਰੂਆਤ ਵਿੱਚ ਡਰਨ ਦੀ ਗੱਲ ਨਹੀਂ
ਪੈਨਸਿਲਵੇਨੀਆ ਸਟੇਟ ਯੂਨੀਵਰਸਿਟੀ ਦੇ ਮਾਰਟਿਨ ਬੋਜੋਵਾਲਡ ਨੇ ਕਿਹਾ ਕਿ ਸ਼ੁਰੂ ਵਿੱਚ ਡਰਨ ਦੀ ਕੋਈ ਲੋੜ ਨਹੀਂ ਹੈ, ਫਿਲਹਾਲ ਬ੍ਰਹਿਮੰਡ ਦੀ ਡਾਰਕ ਐਨਰਜੀ ਹੌਲੀ-ਹੌਲੀ ਘਟਦੀ ਜਾਵੇਗੀ ਅਤੇ ਇਸ ਦੀ ਘਣਤਾ ਵਧਦੀ ਰਹੇਗੀ, ਹਾਲਾਂਕਿ ਕੁਝ ਸੌ ਸਾਲਾਂ ਬਾਅਦ ਇਹ ਘਣਤਾ ਬਹੁਤ ਵੱਧ ਜਾਵੇਗੀ। ਹਾਲਾਂਕਿ, ਇਹ ਸਪੱਸ਼ਟ ਨਹੀਂ ਹੈ ਕਿ ਇਹ ਕਿਸ ਤਰ੍ਹਾਂ ਦਾ ਹੋਵੇਗਾ। ਵਿਗਿਆਨੀ ਅਜੇ ਵੀ ਇਸ 'ਤੇ ਖੋਜ ਕਰ ਰਹੇ ਹਨ। ਡਾਕਟਰ ਗਾਰਸੀਆ ਮੁਤਾਬਕ ਇਸ ਖੋਜ ਰਾਹੀਂ ਅਸੀਂ ਜਾਣ ਸਕਾਂਗੇ ਕਿ ਬ੍ਰਹਿਮੰਡ ਕਿਵੇਂ ਦਾ ਵਿਹਾਰ ਕਰ ਰਿਹਾ ਹੈ ਅਤੇ ਡਾਰਕ ਐਨਰਜੀ ਇਸ ਦੀ ਬਣਤਰ ਨੂੰ ਕਿਵੇਂ ਬਦਲ ਰਹੀ ਹੈ।
ਇਹ ਵੀ ਪੜ੍ਹੋ: Weight Loss Tips In Summer: ਗਰਮੀਆਂ 'ਚ ਘਟਾਉਣਾ ਚਾਹੁੰਦੇ ਹੋ ਵਜ਼ਨ ਤਾਂ ਅਪਣਾਓ ਇਹ ਤਰੀਕੇ, ਮਿਲੇਗਾ ਫਾਇਦਾ