ਹੁਸ਼ਿਆਰਪੁਰ: ਵਿਆਹ ਦੀ ਖੁਸ਼ੀ ਦਾ ਮਾਹੌਲ ਉਸ ਸਮੇਂ ਮਾਤਮ 'ਚ ਤਬਦੀਲ ਹੋ ਗਿਆ ਜਦੋਂ ਹੁਸ਼ਿਆਰਪੁਰ ਰੋਡ 'ਤੇ ਸਵੇਰੇ 6:30 ਵਜੇ ਇੱਕ ਦਰਦਨਾਕ ਹਾਦਸੇ 'ਚ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਮਿਲੀ ਜਾਣਕਾਰੀ ਮੁਤਾਬਕ ਹਾਦਸੇ 'ਚ ਮਰਨ ਵਾਲਿਆਂ 'ਚ ਲਾੜੇ ਦਾ ਭਰਾ ਵੀ ਸ਼ਾਮਲ ਸੀ। ਦੱਸ ਦਈਏ ਕਿ ਵਿਆਹ ਤੋਂ ਵਾਪਸੀ ਦੌਰਾਨ ਕਾਰ ਟਰਾਲੇ ਨਾਲ ਟੱਕਰਾ ਗਈ। ਇਹ ਹਾਦਸਾ ਇੰਨਾ ਭਿਆਨਕ ਸੀ ਕਿ ਇਸ 'ਚ ਲਾੜੇ ਦੇ ਭਰਾ ਸਣੇ ਹੋਰ ਤਿੰਨ ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਹਾਦਸੇ ਦੀ ਜਾਣਕਾਰੀ ਮਿਲਦੇ ਹੀ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰ ਮੌਕੇ 'ਤੇ ਪਹੁੰਚੇ। ਹਾਦਸੇ 'ਚ ਮਾਰੇ ਗਏ ਸਾਰੇ ਲਾੜੇ ਦੇ ਰਿਸ਼ਤੇਦਾਰ ਸੀ। ਇਹ ਸਾਰੇ ਇੱਕ ਕਾਰ 'ਚ ਸਵਾਰ ਗੜ੍ਹਦੀਵਾਲਾ, ਫਤਿਹਪੁਰ ਆ ਰਹੇ ਸੀ। ਫਿਲਹਾਲ ਮ੍ਰਿਤਕਾਂ ਦੀ ਦੇਹ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤੀ ਗਈ ਹੈ। ਹਾਦਸੇ 'ਚ ਮਰਨ ਵਾਲਿਆਂ ਦੀ ਜਾਣਕਾਰੀ:
  • ਰਜਤ ਪੁੱਤਰ ਕੁਲਦੀਪ ਸਿੰਘ, ਜੰਮੂ ਵਿੱਚ ਫੌਜ 'ਚ ਤਾਇਨਾਤ ਸੀ।
  • ਰਜਿੰਦਰ (26) ਪੁੱਤਰ ਕੁਲਦੀਪ ਸਿੰਘ, ਲਾੜੇ ਦਾ ਮਾਮਾ।
  • ਸੁਰਜੀਤ ਕੁਮਾਰ, ਪੁੱਤਰ ਕਰਤਾਰ ਸਿੰਘ ਲਾੜੇ ਦਾ ਮਾਸੜ, ਪੰਜਾਬ ਪੁਲਿਸ 'ਚ ਏਐਸਆਈ, ਗੁਰਦਾਸਪੁਰ 'ਚ ਤਾਇਨਾਤ ਸੀ।
  • ਮਨਪ੍ਰੀਤ ਪੁੱਤਰ ਰਵਿੰਦਰ ਸਿੰਘ ਨਿਵਾਸੀ ਲੁਧਿਆਣਾ।