ਪੂਰਵਾਂਚਲ 'ਚ ਕੋਈ ਵੀ ਸ਼ੁਭ ਕਾਰਜ ਕਰਨ ਤੋਂ ਪਹਿਲਾਂ ਦਹੀਂ ਖਾਉਂਦੇ ਹਨ। ਬੀਜੇਪੀ 21 ਸਾਲਾਂ ਤੋਂ ਦਿੱਲੀ ਦੀ ਸੱਤਾ ਤੋਂ ਬਾਹਰ ਹੈ। ਸ਼ਾਇਦ ਦਹੀਂ ਅਤੇ ਗੁੜ ਨਾਲ ਹੀ ਗੱਲ ਬਣ ਜਾਵੇ। ਇਸ ਵਾਰ ਭਾਜਪਾ ਅਤੇ ਆਮ ਆਦਮੀ ਪਾਰਟੀ ਵਿਚਾਲੇ ਦਿੱਲੀ ਚੋਣਾਂ 'ਚ ਹਨੂਮਾਨ ਭਗਤ ਬਣਨ ਦਾ ਮੁਕਾਬਲਾ ਹੈ।
ਇਨ੍ਹਾਂ ਦਿਨੀਂ ਦਿੱਲੀ ਦੇ ਸੀਐਮ ਅਰਵਿੰਦ ਕੇਜਰੀਵਾਲ ਬਜਰੰਗਬਾਲੀ ਦੇ ਮੰਦਰ ਜਾ ਰਹੇ ਹਨ। ਹਨੂੰਮਾਨ ਚਾਲੀਸਾ ਗਾ ਰਹੇ ਹਨ। ਮਨੋਜ ਨੇ ਕਿਹਾ ਕਿ ਇਹ ਸਭ ਪਾਖੰਡ ਹੈ। ਮਨੋਜ ਤਿਵਾੜੀ ਨੇ ਕੇਜਰੀਵਾਲ 'ਤੇ ਝੂਠੇ ਹਨੂਮਾਨ ਭਗਤ ਹੋਣ ਦਾ ਇਲਜ਼ਾਮ ਲਾਇਆ। ਉਨ੍ਹਾਂ ਕਿਹਾ ਕਿ ਜੁੱਤੀ ਖੋਲ੍ਹਣ ਤੋਂ ਬਾਅਦ ਅਰਵਿੰਦ ਬਿਨਾਂ ਹੱਥ ਧੋਤੇ ਮੰਦਰ ਗਏ ਸੀ। ਉਹ ਕਿਹੜੇ ਭਗਤ ਹਨ?
ਮਨੋਜ ਤਿਵਾੜੀ ਦਾ ਕਹਿਣਾ ਹੈ ਕਿ ਵੋਟਿੰਗ ਖ਼ਤਮ ਹੁੰਦੇ ਹੀ ਸ਼ਾਹੀਨ ਬਾਗ 'ਤੇ ਵਿਰੋਧ ਪ੍ਰਦਰਸ਼ਨ ਖ਼ਤਮ ਹੋ ਜਾਵੇਗਾ। ਦਿੱਲੀ 'ਚ ਪੂਰਬੀਆ ਦੇ ਲਗਪਗ 27% ਵੋਟਰ ਹਨ। ਮਨੋਜ ਤਿਵਾੜੀ ਦੀ ਦਿੱਲੀ ਭਾਜਪਾ ਪ੍ਰਧਾਨ ਵਜੋਂ ਨਿਯੁਕਤੀ ਪਿੱਛੇ ਵੀ ਇਹ ਇੱਕ ਸਭ ਤੋਂ ਵੱਡਾ ਕਾਰਨ ਸੀ।