ਨਵੀਂ ਦਿੱਲੀ: ਸੈਕੰਡਰੀ ਸਿੱਖਿਆ ਬੋਰਡ ਨੇ ਆਪਣੇ ਪਾਠਕ੍ਰਮ ਤੋਂ ਕੁਝ ਮਹੱਤਵਪੂਰਨ ਅਧਿਆਏ ਹਟਾ ਦਿੱਤਾ ਹੈ। ਸੀਬੀਐਸਈ ਦਾ ਇਹ ਕਦਮ ਆਉਣ ਵਾਲੇ ਦਿਨਾਂ ਵਿੱਚ ਰਾਜਨੀਤਕ ਗਤੀਵਿਧੀਆਂ ਨੂੰ ਤੇਜ਼ ਕਰ ਸਕਦਾ ਹੈ। ਕਿਤਾਬਾਂ ਵਿੱਚੋਂ ਅਹਿਮ ਚੈਪਟਰਾਂ ਨੂੰ ਹਟਾਉਣਾ ਸਿਲੇਬਸ ਨੂੰ ਘਟਾਉਣ ਦੇ ਨਾਂ ‘ਤੇ ਕੀਤਾ ਗਿਆ ਹੈ। ਸੰਘਵਾਦ, ਨਾਗਰਿਕਤਾ, ਰਾਸ਼ਟਰਵਾਦ ਨੂੰ ਨਹੀਂ ਜਾਣਨਗੇ ਵਿਦਿਆਰਥੀ: ਮੰਤਰਾਲੇ ਦੇ ਆਦੇਸ਼ ਮਗਰੋਂ ਸੀਬੀਐਸਈ ਨੇ ਇਹ ਐਲਾਨ ਕਰਦਿਆਂ ਕਿਹਾ ਕਿ ਮਹਾਮਾਰੀ ਕਰਕੇ ਇਹ ਕਦਮ ਚੁੱਕਿਆ ਗਿਆ ਹੈ। ਬੋਰਡ ਨੇ 9-12 ਕਲਾਸਾਂ ਵਿੱਚ ਪੜ੍ਹਾਏ ਜਾਂਦੇ ਰਾਜਨੀਤਕ ਵਿਗਿਆਨ ਤੇ ਅਰਥ ਸ਼ਾਸਤਰ ਵਿੱਚ ਸੋਧ ਕੀਤੀ ਹੈ। 11ਵੀਂ ਜਮਾਤ ਵਿੱਚ ਪੜ੍ਹਾਏ ਗਏ ਰਾਜਨੀਤੀ ਸ਼ਾਸਤਰ ਦੇ ਸਿਲੇਬਸ ਚੋਂ ਸੰਘਵਾਦ, ਨਾਗਰਿਕਤਾ, ਰਾਸ਼ਟਰਵਾਦ ਤੇ ਧਰਮ ਨਿਰਪੱਖਤਾ ਵਰਗੇ ਅਧਿਆਇਆਂ ਨੂੰ ਪੂਰੀ ਤਰ੍ਹਾਂ ਹਟਾਉਣ ਦਾ ਫੈਸਲਾ ਕੀਤਾ ਹੈ। ਜਦੋਂਕਿ ‘ਸਥਾਨਕ ਸਰਕਾਰ’ ਚੈਪਟਰ ਦੀਆਂ ਦੋ ਇਕਾਈਆਂ ਨੂੰ ਹਟਾ ਦਿੱਤਾ ਗਿਆ ਹੈ। 10ਵੀਂ ਕਲਾਸ ਦੇ ਵਿਦਿਆਰਥੀ ‘ਲੋਕਤੰਤਰ ਤੇ ਵਿਭਿੰਨਤਾ’, ‘ਲੋਕਤੰਤਰ ਤੋਂ ਪਹਿਲਾਂ ਚੁਣੌਤੀਆਂ’ ਕੱਟੀਆਂ ਗਈਆਂ ਹਨ। 12ਵੀਂ ਕਲਾਸ ਦੇ ਰਾਜਨੀਤਕ ਵਿਗਿਆਨ ਦੇ ਸਿਲੇਬਸ ਵਿੱਚ ਬੋਰਡ ਨੇ ‘ਸਮਕਾਲੀ ਸੰਸਾਰ ਵਿੱਚ ਸੁਰੱਖਿਆ’, ‘ਵਾਤਾਵਰਣ ਤੇ ਕੁਦਰਤੀ ਸਰੋਤਾਂ’, ‘ਭਾਰਤ ਦੀਆਂ ਸਮਾਜਿਕ ਤੇ ਨਵੀਂ ਸਮਾਜਿਕ ਲਹਿਰਾਂ’ ਤੇ ‘ਖੇਤਰੀ ਅਭਿਲਾਸ਼ਾ’ ਵਰਗੇ ਵਿਸ਼ੇ ਹਟਾ ਦਿੱਤੇ ਹਨ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904

Education Loan Information:

Calculate Education Loan EMI