ਸਟੇਟ ਬੈਂਕ ਆਫ਼ ਇੰਡੀਆ (SBI) ਨੇ ਆਪਣੀਆਂ ਵੱਖ-ਵੱਖ ਸ਼ਾਖਾਵਾਂ ਵਿੱਚ ਕਲੈਰੀਕਲ ਕੇਡਰ ਵਿੱਚ ਜੂਨੀਅਰ ਐਸੋਸੀਏਟ ਦੀਆਂ ਬੰਪਰ ਅਸਾਮੀਆਂ ਕੱਢੀਆਂ ਹਨ। ਇਨ੍ਹਾਂ ਅਸਾਮੀਆਂ ਲਈ ਰਜਿਸਟ੍ਰੇਸ਼ਨ ਪ੍ਰਕਿਰਿਆ ਕੱਲ੍ਹ 17 ਮਈ, 2021 ਨੂੰ ਖਤਮ ਹੋ ਜਾਵੇਗੀ। ਜਿਨ੍ਹਾਂ ਉਮੀਦਵਾਰਾਂ ਨੇ ਹਾਲੇ ਵੀ ਜੂਨੀਅਰ ਐਸੋਸੀਏਟ ਦੀਆਂ ਅਸਾਮੀਆਂ (ਗਾਹਕ ਸਹਾਇਤਾ ਤੇ ਵਿਕਰੀ) ਲਈ ਅਰਜ਼ੀ ਨਹੀਂ ਦਿੱਤੀ, ਉਹ ਐਸਬੀਆਈ ਦੀ ਅਧਿਕਾਰਤ ਵੈੱਬ ਸਾਈਟ sbi.co.in ਰਾਹੀਂ ਔਨਲਾਈਨ ਅਰਜ਼ੀ ਦੇ ਸਕਦੇ ਹਨ। ਔਨਲਾਈਨ ਰਜਿਸਟ੍ਰੇਸ਼ਨ ਪ੍ਰਕਿਰਿਆ 27 ਅਪ੍ਰੈਲ, 2021 ਨੂੰ ਸ਼ੁਰੂ ਕੀਤੀ ਗਈ ਸੀ।
ਯੋਗਤਾ
ਉਮੀਦਵਾਰਾਂ ਨੂੰ ਅਹੁਦਿਆਂ ਲਈ ਬਿਨੈ ਕਰਨ ਲਈ ਕਿਸੇ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਤੋਂ ਕਿਸੇ ਵੀ ਅਨੁਸ਼ਾਸ਼ਨ ਵਿਚ ਗ੍ਰੈਜੂਏਸ਼ਨ ਦੀ ਡਿਗਰੀ ਹੋਣੀ ਚਾਹੀਦੀ ਹੈ ਜਾਂ ਕਿਸੇ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਤੋਂ ਬਰਾਬਰ ਦੀ ਯੋਗਤਾ ਹੋਣੀ ਚਾਹੀਦਾ ਹੈ। ਉਮੀਦਵਾਰਾਂ ਦੀ ਉਮਰ ਹੱਦ 1 ਅਪ੍ਰੈਲ, 2021 ਨੂੰ 20 ਸਾਲ ਤੋਂ ਉਪਰ ਤੇ 28 ਸਾਲ ਤੋਂ ਘੱਟ ਦੀ ਹੋਣੀ ਚਾਹੀਦੀ ਹੈ। ਬੈਂਕ ਨੇ ਉਨ੍ਹਾਂ ਉਮੀਦਵਾਰਾਂ ਲਈ ਕੁਝ ਮਹੱਤਵਪੂਰਨ ਨੁਕਤੇ ਜਾਰੀ ਕੀਤੇ ਹਨ ਜੋ ਪ੍ਰੀਖਿਆ ਲਈ ਅਰਜ਼ੀ ਦੇਣਾ ਚਾਹੁੰਦੇ ਹਨ।
ਇੰਝ ਕਰੋ ਅਪਲਾਈ
SBI Clerk Recruitment 2021: ਜ਼ਰੂਰੀ ਗੱਲਾਂ
1. ਉਮੀਦਵਾਰਾਂ ਨੂੰ ਪ੍ਰੀਖਿਆ ਲਈ ਅਰਜ਼ੀ ਦੇਣ ਲਈ ਯੋਗਤਾ ਦੇ ਮਾਪਦੰਡ ਪੂਰੇ ਕਰਨੇ ਪੈਣਗੇ।
2. ਔਨਲਾਈਨ ਰਜਿਸਟ੍ਰੇਸ਼ਨ ਸਿਰਫ ਉਦੋਂ ਹੀ ਪੂਰੀ ਹੋਵੇਗੀ ਜਦੋਂ ਉਮੀਦਵਾਰ ਔਨਲਾਈਨ ਰਜਿਸਟਰ ਹੋਣਗੇ ਅਤੇ ਲੋੜੀਂਦੀਆਂ ਅਰਜ਼ੀ ਫੀਸਾਂ/ਜਾਣਕਾਰੀ ਚਾਰਜਾਂ ਨੂੰ ਔਨਲਾਈਨ ਢੰਗ ਨਾਲ ਜਮ੍ਹਾਂ ਕਰਾਉਣਗੇ।
3. ਬੈਂਕ ਉਮੀਦਵਾਰ ਵੱਲੋਂ ਚੁਣੇ ਕੇਂਦਰ ਤੋਂ ਇਲਾਵਾ ਉਸ ਨੂੰ ਕਿਸੇ ਹੋਰ ਕੇਂਦਰ ਨੂੰ ਅਲਾਟ ਕਰਨ ਦਾ ਅਧਿਕਾਰ ਵੀ ਰੱਖਦਾ ਹੈ।
ਚੋਣ ਪ੍ਰਕਿਰਿਆ
ਕਲੈਰੀਕਲ ਕੇਡਰ ਵਿਚ ਜੂਨੀਅਰ ਐਸੋਸੀਏਟਸ ਦੀਆਂ ਅਸਾਮੀਆਂ ਲਈ ਉਮੀਦਵਾਰਾਂ ਦੀ ਚੋਣ ਔਨਲਾਈਨ ਸ਼ੁਰੂਆਤੀ ਪ੍ਰੀਖਿਆ, ਔਨਲਾਈਨ ਮੁੱਖ ਪ੍ਰੀਖਿਆ ਤੇ ਉਮੀਦਵਾਰਾਂ ਦੁਆਰਾ ਚੁਣੀ ਸਥਾਨਕ ਭਾਸ਼ਾ ਪ੍ਰੀਖਿਆ ਵਿੱਚ ਪ੍ਰਦਰਸ਼ਨ ਦੇ ਅਧਾਰ ਤੇ ਹੋਵੇਗੀ।
ਅਰਜ਼ੀ ਦੀ ਫੀਸ
ਜਨਰਲ/ਓਬੀਸੀ/ਈਡਬਲਯੂਐਸ - 750 ਰੁਪਏ
ਐਸਸੀ/ਐਸਟੀ/ਪੀਡਬਲਯੂਡੀ - ਕੋਈ ਫੀਸ ਨਹੀਂ
ਤਨਖਾਹ
ਚੁਣੇ ਗਏ ਉਮੀਦਵਾਰਾਂ ਨੂੰ ਹਰ ਮਹੀਨੇ 17, 900 ਰੁਪਏ ਤੋਂ ਲੈ ਕੇ 47,920 ਰੁਪਏ ਤੱਕ ਦੀ ਤਨਖਾਹ ਦਿੱਤੀ ਜਾਏਗੀ।
ਅਰਜ਼ੀ ਕਿਵੇਂ ਦੇਣੀ
ਇਨ੍ਹਾਂ ਅਸਾਮੀਆਂ ਲਈ ਅਪਲਾਈ ਕਰਨ ਦੇ ਚਾਹਵਾਨ ਉਮੀਦਵਾਰ 17 ਮਈ ਤੱਕ ਬੈਂਕ ਦੀ ਅਧਿਕਾਰਤ ਵੈੱਬਸਾਈਟ sbi.co.in ਤੇ ਔਨਲਾਈਨ ਅਪਲਾਈ ਕਰ ਸਕਦੇ ਹਨ। ਵਧੇਰੇ ਜਾਣਕਾਰੀ ਲਈ ਅਧਿਕਾਰਤ ਨੋਟੀਫਿਕੇਸ਼ਨ ਵੇਖੋ।
Education Loan Information:
Calculate Education Loan EMI