ਇੱਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਪੁੱਛਗਿੱਛ ਦੌਰਾਨ ਡੀਐਸਪੀ ਦੇ ਕੁਝ ਖੁਲਾਸਿਆਂ ਤੋਂ ਬਾਅਦ ਉਸ ਦੀ ਇੰਦਰਾ ਨਗਰ ਦੀ ਰਿਹਾਇਸ਼ 'ਤੇ ਛਾਪਾ ਮਾਰਿਆ ਗਿਆ। ਡੀਐਸਪੀ ਦੀ ਰਿਹਾਇਸ਼ ਤੋਂ ਮਿਲੀਆਂ ਚੀਜ਼ਾਂ ਬਰਾਮਦ ਬਾਰੇ ਉਸ ਨੇ ਕੁਝ ਵੀ ਦੱਸਣ ਤੋਂ ਇਨਕਾਰ ਕਰ ਦਿੱਤਾ। ਪੁਲਿਸ ਨੇ ਡੀਐਸਪੀ ਦੀ ਰਿਹਾਇਸ਼ ਤੋਂ ਦੋ ਪਿਸਤੌਲ ਤੇ ਇੱਕ ਏਕੇ 47 ਰਾਈਫਲ ਬਰਾਮਦ ਕੀਤੀ ਹੈ।
ਕਰੀਅਰ ਦਾ ਸ਼ਾਨਦਾਰ ਰਿਕਾਰਡ:
ਇਸ ਤੋਂ ਇਲਾਵਾ ਡੀਐਸਪੀ ਦਵਿੰਦਰ ਸਿੰਘ ਦੇ ਕਰੀਅਰ ਦਾ ਸ਼ਾਨਦਾਰ ਟਰੈਕ ਰਿਕਾਰਡ ਵੀ ਉਸ 'ਤੇ ਐਕਸ਼ਨ ਹੋਣ ਤੋਂ ਵਾਰ-ਵਾਰ ਬਚਾਉਂਦਾ ਰਿਹਾ। ਇੱਕ ਸੂਤਰ ਨੇ ਕਿਹਾ, "ਅੱਤਵਾਦ ਵਿਰੁੱਧ ਮੁਹਿੰਮ 'ਚ ਉਸ ਦਾ ਕੰਮ ਜ਼ੋਰਦਾਰ ਸੀ, ਜਿਸ ਕਾਰਨ ਉਹ ਬਚਿਆ ਰਿਹਾ, ਕਈ ਵਾਰ ਜਾਂਚ ਕੀਤੀ ਗਈ ਪਰ ਕੋਈ ਕਾਰਵਾਈ ਨਹੀਂ ਹੋਈ।"
ਸੀਆਰਪੀਐਫ ਦੇ ਇੱਕ ਹੋਰ ਅਧਿਕਾਰੀ ਨੇ 1990 ਦੇ ਦਹਾਕੇ ਨੂੰ ਯਾਦ ਕੀਤਾ ਜਦੋਂ ਦਵਿੰਦਰ ਸਿੰਘ ਨੇ ਉੱਤਰੀ ਕਸ਼ਮੀਰ ਦੇ ਸੋਪੋਰ 'ਚ ਅੱਤਵਾਦੀਆਂ ਵਿਰੁੱਧ ਬਹਾਦਰੀ ਨਾਲ ਲੜਾਈ ਕੀਤੀ ਸੀ।