ਜੁੱਬਲ ਦੇ ਕੁੱਡੂ ਨੇੜੇ ਸਨੈਲ ਵਿੱਚ ਤਿਊਣੀ ਰੋਡ 'ਤੇ ਇਹ ਸਵਾਰੀ-ਕਾਰ ਬੇਕਾਬੂ ਹੋ ਕੇ ਖੱਡ ਵਿੱਚ ਜਾ ਡਿੱਗੀ। ਟੈਕਸੀ ਵਿੱਚ ਸਵਾਰ ਸਾਰੇ ਜਣੇ ਛੌਹਾਰਾ ਦੀ ਰਣਸਾਰ ਵੈਲੀ ਦੀ ਜਾਂਗਲਾ ਉਪ-ਤਹਿਸੀਲ ਅਧੀਨ ਪੈਂਦੇ ਪਿੰਡ ਨੰਡਲਾ ਤੇ ਲਾਗਲੇ ਪਿੰਡਾਂ ਦੇ ਦੱਸੇ ਜਾਂਦੇ ਹਨ। ਰੋਹੜੂ ਦੇ ਐਸਡੀਐਮ ਬੀ.ਆਰ. ਸ਼ਰਮਾ ਨੇ ਤੁਰੰਤ ਰਾਹਤ ਕਾਰਜਾਂ ਦੇ ਹੁਕਮ ਦੇ ਦਿੱਤੇ ਸਨ ਅਤੇ ਸਥਾਨਕ ਲੋਕਾਂ ਦੀ ਮਦਦ ਵੀ ਲਈ ਗਈ ਸੀ। ਹਾਦਸੇ ਵਿੱਚ ਦੋ ਪਰਿਵਾਰ ਪੂਰੀ ਤਰ੍ਹਾਂ ਨਾਲ ਤਬਾਹ ਹੋ ਗਏ।
ਹਾਦਸੇ ਕਾਰਨ 10 ਜਣਿਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਸੀ, ਜਦਕਿ ਇੱਕ ਬੱਚੀ ਸਮੇਤ ਦੋ ਵਿਅਕਤੀਆਂ ਨੇ ਹਸਪਤਾਲ ਲਿਜਾਣ ਸਮੇਂ ਦਮ ਤੋੜ ਦਿੱਤਾ। ਮ੍ਰਿਤਕਾਂ ਵਿੱਚੋਂ ਨੌਂ ਦੀ ਸ਼ਨਾਖ਼ਤ ਹੋ ਚੁੱਕੀ ਹੈ, ਜਦਕਿ ਬਾਕੀਆਂ ਦੀ ਪਛਾਣ ਹੋਣਾ ਹਾਲੇ ਬਾਕੀ ਹੈ ਮ੍ਰਿਤਕਾਂ ਦੀ ਸੂਚੀ ਹੇਠਾਂ ਦੇਖੀ ਜਾ ਸਕਦੀ ਹੈ।