ਮਿਲੀ ਜਾਣਕਾਰੀ ਮੁਤਾਬਕ ਆਂਧਰਾ ਪ੍ਰਦੇਸ਼ ਦੇ ਕੁਰਨੂਲ ਦੇ ਇੱਕ ਪਿੰਡ ਵਿੱਚ ਬੀਤੇ ਅਪਰੈਲ ਦੇ ਮਹੀਨੇ 13 ਸਾਲ ਦੇ ਮੁੰਡੇ ਦਾ ਵਿਆਹ 23 ਸਾਲਾ ਕੁੜੀ ਨਾਲ ਕੀਤਾ ਗਿਆ। ਦੱਸਿਆ ਜਾ ਰਿਹਾ ਹੈ ਕਿ ਵਿਆਹ ਇਸ ਲਈ ਹੋਇਆ ਕਿਉਂਕਿ ਮੁੰਡੇ ਦੀ ਮਾਂ ਕਾਫ਼ੀ ਬਿਮਾਰ ਰਹਿੰਦੀ ਸੀ ਤੇ ਆਪਣੇ ਸ਼ਰਾਬੀ ਪਤੀ ਤੋਂ ਤੰਗ ਆ ਗਈ ਸੀ। ਇਸ ਪਿੱਛੋਂ ਉਸ ਨੇ 13 ਸਾਲ ਦੇ ਮੁੰਡੇ ਦੀ ਦੇਖਭਾਲ ਲਈ ਸਿਆਣੀ ਕੁੜੀ ਦੀ ਤਲਾਸ਼ ਕੀਤੀ ਤੇ ਉਸ ਨਾਲ ਆਪਣੇ ਮੁੰਡੇ ਦਾ ਵਿਆਹ ਕਰਾ ਦਿੱਤਾ।
ਇਸ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਗਈਆਂ। ਇਸ ਪਿੱਛੋਂ ਕੁਝ ਅਧਿਕਾਰੀ ਪਿੰਡ ਜਾਂਚ ਲਈ ਵਿੱਚ ਗਏ ਪਰ ਉੱਥੇ ਜਾ ਕੇ ਉਨ੍ਹਾਂ ਦੇ ਹੱਥ ਕੁਝ ਨਹੀਂ ਲੱਗਾ ਕਿਉਂਕਿ ਲਾੜਾ ਤੇ ਉਸ ਦਾ ਪਰਿਵਾਰ ਪਿੰਡੋਂ ਚਲੇ ਗਏ ਸੀ।