ਦਿੱਲੀ ਦੇ ਮੰਤਰੀ ਤੇ ਆਮ ਆਦਮੀ ਪਾਰਟੀ ਗੁਜਰਾਤ ਦੇ ਚੋਣ ਇੰਜਾਰਜ ਗੋਪਾਲ ਰਾਏ ਨੇ ਕਿਹਾ ਕਿ ਦਿੱਲੀ ਵਿੱਚ ਬੀਤੇ ਕੱਲ੍ਹ ਵਿਧਾਨ ਸਭਾ ਚੋਣਾਂ ਲਈ 11 ਸੀਟਾਂ ਤੋਂ ਉਮੀਦਵਾਰਾਂ ਦੇ ਨਾਂਅ ਤੈਅ ਹੋਏ ਹਨ।
'ਆਪ' ਨੇ ਜਿਹੜੇ ਹਲਕਿਆਂ ਤੋਂ ਉਮੀਦਾਵਾਰਾਂ ਦਾ ਐਲਾਨ ਕੀਤਾ ਹੈ ਉਹ ਹਨ: ਅਨਿਲ ਵਰਮਾ (ਬਾਪੂਨਗਰ), ਰਮੇਸ਼ ਪਟੇਲ (ਊਂਝਾ), ਰਾਜੇਸ਼ ਭੱਟ (ਰਾਜਕੋਟ-ਪੱਛਮੀ), ਜੇ.ਜੇ. ਮੇਵਾੜਾ (ਦਾਨਿਲਿਮੜਾ), ਨਿਮੀਸ਼ਾ ਖੂੰਟ (ਗੋਂਡਲ), ਐਮ.ਡੀ. ਮੰਜਰੀਆ (ਲਾਠੀ), ਅਰਜੁਨ ਰਾਠਵਾ (ਕਰਜਾਨ), ਰਾਜੀਵ ਪਾਂਡੇ (ਪਰਡੀ) ਤੇ ਰਾਮ ਧਾਦੂਕ (ਕਾਮਰੇਜ)।
ਗੋਪਾਲ ਰਾਏ ਨੇ ਕਿਹਾ ਕਿ 'ਆਪ' ਦਾ ਟੀਚਾ ਗੁਜਰਾਤ ਨੂੰ ਭਾਜਪਾ ਤੋਂ ਛੁਟਕਾਰਾ ਦਿਵਾਉਣਾ ਹੈ ਤੇ ਇਸੇ ਮੰਤਵ ਨਾਲ ਉਹ ਚੋਣ ਲੜਨਗੇ। ਉਨ੍ਹਾਂ ਕਿਹਾ ਕਿ ਪਾਰਟੀ ਸਿਰਫ਼ ਮਜ਼ਬੂਤ ਦਾਅਵੇਦਾਰੀ ਵਾਲੀਆਂ ਸੀਟਾਂ 'ਤੇ ਹੀ ਚੋਣ ਲੜੇਗੀ ਤਾਂ ਜੋ ਵੋਟਾਂ ਨਾ ਵੰਡੀਆਂ ਜਾਣ ਤੇ ਭਾਜਪਾ ਇਸ ਹਾਲਤ ਦਾ ਲਾਭ ਲੈ ਜਾਵੇ। ਗੋਪਾਲ ਨੇ ਕਿਹਾ ਕਿ ਅਸੀਂ ਭਾਰਤੀ ਜਨਤਾ ਪਾਰਟੀ ਨਾਲ ਸਿੱਧੀ ਟੱਕਰ ਚਾਹੁੰਦੇ ਹਾਂ।