ਨਵੀਂ ਦਿੱਲੀ: ਪੰਜ ਰਾਜਾਂ ਵਿੱਚ ਵਿਧਾਨ ਸਭਾ ਚੋਣਾਂ ਦੀ ਤਿਆਰੀ ਹੈ।ਇਸ ਦੌਰਾਨ ਸਾਰੀਆਂ ਰਾਜਨੀਤਿਕ ਪਾਰਟੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਚੋਣ ਪ੍ਰਚਾਰ ਵਿੱਚ ਰੁੱਝੀਆਂ ਹੋਈਆਂ ਹਨ। ਇਸ ਸਬੰਧ ਵਿੱਚ ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਅਸਾਮ ਦੇ ਦੌਰੇ ਤੇ ਹੈ। ਪ੍ਰਿਅੰਕਾ ਗਾਂਧੀ ਅਸਾਮ ਦੇ ਕਈ ਇਲਾਕਿਆਂ ਵਿੱਚ ਪਾਰਟੀ ਲਈ ਚੋਣ ਪ੍ਰਚਾਰ ਕਰ ਰਹੀ ਹੈ।
ਪ੍ਰਿਯੰਕਾ ਆਸਾਮ ਵਿਚ ਰੈਲੀਆਂ ਕਰਕੇ ਕੇਂਦਰ ਸਰਕਾਰ 'ਤੇ ਲਗਾਤਾਰ ਹਮਲਾ ਬੋਲ ਰਹੀ ਹੈ। ਉਸਨੇ ਆਸਾਮ ਦੇ ਤੇਜਪੁਰ ਵਿੱਚ ਇੱਕ ਰੈਲੀ ਵੀ ਕੀਤੀ। ਪ੍ਰਿਯੰਕਾ ਮੰਗਲਵਾਰ ਨੂੰ ਹੋਈ ਰੈਲੀ ਲਈ ਇਥੇ ਪਹੁੰਚੀ। ਹਾਲਾਂਕਿ, ਪ੍ਰਿਯੰਕਾ ਨੂੰ ਰੈਲੀ ਵਿੱਚ ਸ਼ਾਮਲ ਹੋਣ ਵਿੱਚ ਥੋੜੀ ਦੇਰ ਹੋ ਗਈ।ਇਸ ਮਗਰੋਂ ਉਹ ਰੈਲੀ ਦੇ ਸਟੇਜ 'ਤੇ ਪਹੁੰਚਣ ਲਈ ਦੌੜਦੀ ਦਿਖਾਈ ਦਿੱਤੀ।ਪ੍ਰਿਯੰਕਾ ਦੀ ਇਹ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।