ਨਵੀਂ ਦਿੱਲੀ: ਕੋਰੋਨਾ ਦੇ ਕਹਿਰ ਵਿੱਚ ਪੰਜ ਰਾਜਾਂ ਦੇ ਚੋਣ ਨਤੀਜੇ ਆ ਗਏ ਹਨ। ਅਹਿਮ ਗੱਲ ਹੈ ਕਿ ਅਹਿਮ ਰਾਜਾਂ ਵਿੱਚੋਂ ਸਿਰਫ ਇੱਕ ਸੂਬੇ ਤਾਮਿਲਨਾਡੂ ਵਿੱਚ ਸਰਕਾਰ ਬਦਲੀ ਹੈ। ਪੱਛਮੀ ਬੰਗਾਲ, ਕੇਰਲਾ ਤੇ ਆਸਾਮ ਵਿੱਚ ਸੱਤਾਧਿਰ ਪਾਰਟੀਆਂ ਨੇ ਮੁੜ ਵਾਪਸੀ ਕੀਤੀ ਹੈ। ਪੱਛਮੀ ਬੰਗਾਲ ਵਿੱਚ ਤ੍ਰਿਣਮੂਲ ਕਾਂਗਰਸ 200 ਤੋਂ ਵੱਧ ਸੀਟਾਂ ਨਾਲ ਸ਼ਾਨਦਾਰ ਵਾਪਸੀ ਕਰ ਰਹੀ ਹੈ।


ਇਨ੍ਹਾਂ ਰਾਜਾਂ ਵਿੱਚੋਂ ਸਿਰਫ ਤਾਮਿਲਨਾਡੂ ਵਿੱਚ ਅੰਨਾ ਡੀਐਮਕੇ-ਬੀਜੇਪੀ ਗੱਠਜੋੜ ਦੀ ਥਾਂ ਡੀਐਮਕੇ-ਕਾਂਗਰਸ ਗੱਠਜੋੜ ਦੀ ਸਰਕਾਰ ਆ ਰਹੀ ਹੈ। 234 ਵਿਧਾਨ ਸਭਾ ਸੀਟਾਂ ਵਿੱਚੋਂ ਡੀਐਮਕੇ-ਕਾਂਗਰਸ ਗੱਠਜੋੜ ਨੂੰ 150 ਤੋਂ ਉੱਪਰ ਸੀਟਾਂ ਮਿਲ ਰਹੀਆਂ ਹਨ।


ਇਸ ਤੋਂ ਇਲਾਵਾ ਅਸਾਮ ਵਿੱਚ ਭਾਜਪਾ ਗੱਠਜੋੜ ਨੂੰ ਬਹੁਮਤ ਮਿਲਦਾ ਨਜ਼ਰ ਆਇਆ। ਉਹ 78 ਸੀਟਾਂ 'ਤੇ ਅੱਗੇ ਚੱਲ ਰਹੀ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਦਾ ਗੱਠਜੋੜ 47 ਸੀਟਾਂ 'ਤੇ ਅੱਗੇ ਚੱਲ ਰਿਹਾ ਹੈ। ਇੱਕ ਸੀਟ 'ਤੇ ਹੋਰ ਨੇ ਬੜ੍ਹਤ ਬਣਾਈ ਹੋਈ ਹੈ। ਜੇ ਇਹ ਰੁਝਾਨ ਨਤੀਜਿਆਂ ਵਿੱਚ ਬਦਲ ਜਾਂਦੇ ਹਨ, ਤਾਂ ਸੂਬੇ ਵਿੱਚ ਭਾਜਪਾ ਲਗਾਤਾਰ ਦੂਜੀ ਵਾਰ ਸੱਤਾ ਵਿੱਚ ਪਰਤੇਗੀ।


ਦੂਜੇ ਪਾਸੇ ਕੇਰਲ ਵਿਚ ਸੱਤਾਧਾਰੀ ਖੱਬੇਪੱਖੀ ਪਾਰਟੀ ਆਸਾਨੀ ਨਾਲ ਬਹੁਮਤ ਮਿਲਦਾ ਨਜ਼ਰ ਆ ਰਿਹਾ ਹੈ। ਸ਼ੁਰੂਆਤੀ ਰੁਝਾਨਾਂ ਵਿੱਚ ਐਲਡੀਐਫ ਨੂੰ 93 ਸੀਟਾਂ, ਯੂਡੀਐਫ ਨੂੰ 45 ਸੀਟਾਂ ਤੇ ਭਾਜਪਾ ਨੂੰ 2 ਸੀਟਾਂ ਮਿਲੀਆਂ। ਪਲਕੱਕੜ ਤੋਂ ਮੈਟਰੋਮੈਨ ਤੇ ਭਾਜਪਾ ਉਮੀਦਵਾਰ ਈ ਸ਼੍ਰੀਧਰਨ ਸਭ ਤੋਂ ਅੱਗੇ ਚੱਲ ਰਹੇ ਹਨ। ਕੇਰਲ ਵਿੱਚ 140 ਸੀਟਾਂ 'ਤੇ ਕਰੀਬ 74% ਵੋਟਾਂ ਪਈਆਂ। ਇਸ ਦੇ ਨਾਲ, ਹੁਣ ਸਾਰਿਆਂ ਦੀ ਨਜ਼ਰ ਨਤੀਜਿਆਂ 'ਤੇ ਹਨ ਹਾਲਾਂਕਿ, ਸਮੀਕਰਨ ਥੋੜ੍ਹੇ ਸਮੇਂ ਵਿੱਚ ਹੀ ਸਾਫ ਹੋ ਜਾਣਗੇ।


ਅਸਾਮ ਦਾ NRC ਸਭ ਤੋਂ ਵੱਡਾ ਮੁੱਦਾ


ਐਨਆਰਸੀ ਪਿਛਲੇ ਕੁਝ ਸਾਲਾਂ ਤੋਂ ਅਸਾਮ ਦੀ ਰਾਜਨੀਤੀ ਦਾ ਸਭ ਤੋਂ ਵੱਡਾ ਮੁੱਦਾ ਰਿਹਾ ਹੈ।ਐਨਆਰਸੀ ਦਾ ਅਰਥ ਹੈ ਨਾਗਰਿਕਾਂ ਦਾ ਰਾਸ਼ਟਰੀ ਰਜਿਸਟਰ। ਇਸ ਮੁੱਦੇ ਨੂੰ ਲੈ ਕੇ ਅਸਾਮ ਵਿਚ ਵੱਡੇ ਪੱਧਰ 'ਤੇ ਹਿੰਸਕ ਅੰਦੋਲਨ ਹੋਏ ਅਤੇ ਬਹੁਤ ਸਾਰੇ ਲੋਕਾਂ ਨੇ ਖੁਦਕੁਸ਼ੀ ਵੀ ਕੀਤੀ। ਸਾਲ 2016 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਐਨਆਰਸੀ ਸਭ ਤੋਂ ਵੱਧ ਚਰਚਾ 'ਚ ਰਿਹਾ ਸੀ। ਬੰਗਲਾਦੇਸ਼ੀ ਘੁਸਪੈਠੀਆਂ ਦੇ ਮੁੱਦੇ ਨੇ ਸੂਬੇ ਵਿਚ ਭਾਜਪਾ ਦਾ ਅਧਾਰ ਮਜ਼ਬੂਤ ਕੀਤਾ।


ਭਾਜਪਾ ਇਹ ਕਹਿ ਰਹੀ ਹੈ ਕਿ ਅਸਾਮ ਦੇ ਨਤੀਜੇ ਆਉਣ ਤੋਂ ਬਾਅਦ ਬੰਗਲਾਦੇਸ਼ੀ ਘੁਸਪੈਠੀਆਂ ਨੂੰ ਬਾਹਰ ਕੱਢਿਆ ਜਾਵੇਗਾ। ਸਾਲ 2016 ਵਿਚ ਪਾਰਟੀ ਨੇ ਸੂਬੇ ਵਿਚ ਪਹਿਲੀ ਵਾਰ ਸਰਕਾਰ ਬਣਾਈ ਸੀ। ਇਸ ਦੇ ਬਾਵਜੂਦ ਐਨਆਰਸੀ 'ਤੇ ਗੱਲਬਾਤ ਅੱਗੇ ਨਹੀਂ ਵਧ ਸਕੀ। ਅਜਿਹੀ ਸਥਿਤੀ ਵਿੱਚ ਇਹ ਮੁੱਦਾ ਇਸ ਵਾਰ ਭਾਜਪਾ ਦੀ ਚੋਣ ਰਣਨੀਤੀ ‘ਤੇ ਅੰਤਮ ਮੋਹਰ ਦੇਵੇਗਾ। ਇਹ ਚੋਣ ਮੁੱਖ ਮੰਤਰੀ ਸਰਬਾਨੰਦ ਸੋਨੋਵਾਲ ਲਈ ਵੀ ਇੱਕ ਪ੍ਰੀਖਿਆ ਹੈ। ਜੇ ਉਹ ਦੂਜੀ ਵਾਰ ਪਾਰਟੀ ਨੂੰ ਜਿਤਾਉਂਦੇ ਹਨ, ਤਾਂ ਉਹ ਪਾਰਟੀ ਦੇ ਅੰਦਰ ਆ ਰਹੀਆਂ ਚੁਣੌਤੀਆਂ ਨੂੰ ਪਾਰ ਕਰ ਦੇਣਗੇ।


NRC ਨੂੰ ਲੈ ਕੇ ਭਾਜਪਾ ਭੰਬਲਭੂਸੇ 'ਚ


ਮੁੱਖ ਮੰਤਰੀ ਬਣਨ ਤੋਂ ਬਾਅਦ ਸਰਬਾਨੰਦ ਸੋਨੋਵਾਲ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ ਸੀ ਕਿ ਐਨਆਰਸੀ ਦਾ ਉਦੇਸ਼ ਅਸਾਮ ਨੂੰ ਵਿਦੇਸ਼ੀ ਲੋਕਾਂ ਤੋਂ ਮੁਕਤ ਕਰਨਾ ਹੈ। ਇਸ ਵਿਚ ਕਿਸੇ ਵੀ ਭਾਰਤੀ ਨੂੰ ਸ਼ੱਕ ਦੀ ਲੋੜ ਨਹੀਂ ਹੈ ਇਸ ਦੇ ਨਾਲ ਹੀ ਇਸ ਸਾਲ 23 ਜਨਵਰੀ ਨੂੰ ਸਿਵਾਸਾਗਰ ਵਿੱਚ ਇੱਕ ਸਰਕਾਰੀ ਸਮਾਗਮ ਵਿੱਚ ਪਹੁੰਚੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਐਨਆਰਸੀ ਦਾ ਜ਼ਿਕਰ ਤੱਕ ਨਹੀਂ ਕੀਤਾ। ਅਗਲੇ ਹੀ ਦਿਨ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਨਲਬਾੜੀ ਵਿੱਚ ਰੈਲੀ ਕੀਤੀ, ਪਰ ਇਹ ਮਸਲਾ ਉਨ੍ਹਾਂ ਦੇ ਭਾਸ਼ਣ ਚੋਂ ਵੀ ਗਾਇਬ ਰਿਹਾ।


ਇਸ ਤੋਂ ਸਾਫ਼ ਜ਼ਾਹਰ ਹੋਇਆ ਕਿ ਫਿਲਹਾਲ ਭਾਜਪਾ ਇਸ ਮੁੱਦੇ ਨੂੰ ਚੁੱਕਣਾ ਨਹੀਂ ਚਾਹੁੰਦੀ। ਹਾਲਾਂਕਿ, ਬੰਗਲਾਦੇਸ਼ੀ ਘੁਸਪੈਠੀਆਂ ਦਾ ਮੁੱਦਾ ਉਨ੍ਹਾਂ ਦੀ ਚੋਣ ਮੁਹਿੰਮ ਵਿਚ ਸ਼ਾਮਲ ਸੀ। ਅਮਿਤ ਸ਼ਾਹ ਨੇ ਵਾਰ-ਵਾਰ ਦੁਹਰਾਇਆ ਕਿ ਜੇ ਕਾਂਗਰਸ ਦਾ ਗੱਠਜੋੜ ਸੱਤਾ ਵਿੱਚ ਆਉਂਦਾ ਹੈ ਤਾਂ ਅਸਾਮ ਵਿੱਚ ਘੁਸਪੈਠ ਵਧੇਗਾ।


ਇਹ ਵੀ ਪੜ੍ਹੋ: ਕੋਰੋਨਾ ਬਾਰੇ PM Modi ਨੇ ਸਮੀਖਿਆ ਬੈਠਕ 'ਚ ਲਏ ਅਹਿਮ ਫੈਸਲੇ


ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904