ਮੰਤਰਾਲੇ ਨੇ ਸਪਸ਼ਟ ਕੀਤਾ ਹੈ ਕਿ ਸਾਰੇ ਬੈਂਕ ਖੁੱਲ੍ਹੇ ਰਹਿਣਗੇ ਤੇ ਸਤੰਬਰ ਦੇ ਪਹਿਲੇ ਹਫ਼ਤੇ ਬੈਂਕ ਦੀਆਂ ਸਾਰੀਆਂ ਗਤੀਵਿਧੀਆਂ ਚਾਲੂ ਰਹਿਣਗੀਆਂ। ਬੈਂਕ ਸਿਰਫ ਐਤਵਾਰ (2 ਸਤੰਬਰ) ਤੇ ਦੂਜਾ ਸ਼ਨੀਵਾਰ (8 ਸਤੰਬਰ) ਨੂੰ ਹੀ ਬੰਦ ਰਹਿਣਗੇ। ਸੋਮਵਾਰ ਨੂੰ ਕੌਮੀ ਛੁੱਟੀ ਨਹੀਂ ਹੈ, ਇਸ ਲਈ ਕੁਝ ਸੂਬਿਆਂ ਦੇ ਬੈਂਕਾਂ ਨੂੰ ਹੀ ਛੁੱਟੀ ਹੋਏਗੀ।
ਮੰਤਰਾਲੇ ਨੇ ਸਾਫ ਕੀਤਾ ਕਿ ਸਾਰੇ ਰਾਜਾਂ ਵਿੱਚ ATM ਪੂਰਾ ਤਰ੍ਹਾਂ ਚਾਲੂ ਰਹਿਣਗੇ ਤੇ ਆਨਲਾਈਨ ਬੈਂਕਿੰਗ ਦੇ ਲੈਣ-ਦੇਣ ਵਿੱਚ ਵੀ ਕੋਈ ਅਸਰ ਨਹੀਂ ਪਏਗਾ। ਇਸ ਲਈ ਲੋਕਾਂ ਨੂੰ ਘਬਰਾਉਣ ਦੀ ਲੋੜ ਨਹੀਂ ਹੈ।