ਹਰਿਆਣਾ ਦੀ ਰਾਜਨੀਤੀ ‘ਚ ਜੇਜੇਪੀ ਦਾ ਸਫਰ ਜੀਂਦ ਜ਼ਿਮਨੀ ਚੋਣਾਂ ਤੋਂ ਹੋਈ ਸੀ। ਜਿੱਥੇ ਜੇਜੇਪੀ ਨੇ ਦੁਸ਼ਿਅੰਤ ਚੌਟਾਲਾ ਨੂੰ ਉਮੀਦਵਾਰ ਬਣਾਇਆ ਗਿਆ ਸੀ। ਜੀਂਦ ਜ਼ਿਮਨੀ ਚੋਣਾਂ ‘ਚ ਜੇਜੇਪੀ ਨੇ ਸਭ ਨੂੰ ਹੈਰਾਨ ਕਰ 40 ਹਜ਼ਾਰ ਵੋਟਾਂ ਹਾਸਲ ਕੀਤੀਆਂ ਸੀ।
ਇਸ ਦੇ ਨਾਲ ਹੀ ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਵੀ ਰੁਝਾਨਾਂ ਨੂੰ ਵੇਖ ਖੁਸ਼ ਹਨ। ਬੇਸ਼ੱਕ ਉਹ ਬਹੁਮਤ ਤੋਂ ਕਾਫੀ ਪਿੱਛੇ ਹਨ ਪਰ ਸਾਹਮਣੇ ਆ ਰਹੇ ਨਤੀਜੇ ਉਨ੍ਹਾਂ ਲਈ ਕਾਫੀ ਚੰਗੇ ਹਨ। ਹੁੱਡਾ ਦੀ ਨੁਮਾਇੰਦਗੀ ‘ਚ ਪਾਰਟੀ ਸੂਬੇ ‘ਚ ਕਰੜੀ ਟੱਕਰ ਦਿੰਦੀ ਨਜ਼ਰ ਆ ਰਹੀ ਹੈ। ਹੁੱਡਾ ਨੇ ਰੁਝਾਨ ਵੇਖਦੇ ਹੋਏ ਬਹੁਮਤ ਹਾਸਲ ਕਰਨ ਦਾ ਦਾਅਵਾ ਕੀਤਾ ਹੈ।
ਇਸ ਦੇ ਨਾਲ ਹੀ ਹੁੱਡਾ ਨੇ ਜੇਜੇਪੀ ਨਾਲ ਗਠਬੰਧਨ ਸਰਕਾਰ ਬਣਾਉਣ ‘ਤੇ ਅਜੇ ਕਈ ਪ੍ਰਤੀਕ੍ਰਿਆ ਨਹੀਂ ਦਿੱਤੀ। ਉਧਰ ਦੁਸ਼ਿਅੰਤ ਚੌਟਾਲਾ ਦਾ ਕਹਿਣਾ ਹੈ ਕਿ ਉਹ ਪਾਰਟੀ ਦੇ ਸਮਰੱਥਕਾਂ ਨਾਲ ਗੱਲ ਕਰਨ ਤੋਂ ਬਾਅਦ ਹੀ ਕਿਸੇ ਪਾਰਟੀ ਨਾਲ ਗਠਬੰਧਨ ਕਰਨ ਬਾਰੇ ਵਿਚਾਰ ਕਰਨਗੇ।