ਲਾਲ ਰੰਗ ਦੀ ਇਸ ਪੋਟਲੀ ਬਾਰੇ ਮੁੱਖ ਆਰਥਕ ਸਲਾਹਕਾਰ ਕ੍ਰਿਸ਼ਣਮੂਰਤੀ ਸੁਬਰਮਣੀਅਨ ਨੇ ਟਵੀਟ ਕੀਤਾ, 'ਬ੍ਰੀਫ਼ਕੇਸ ਦੀ ਥਾਂ ਲਾਲ ਕੱਪੜੇ ਵਿੱਚ ਬਜਟ ਦੇ ਦਸਤਾਵੇਜ਼ ਰੱਖੇ ਹਨ, ਇਹ ਭਾਰਤੀ ਰਵਾਇਤ ਹੈ। ਇਹ ਪੱਛਮੀ ਵਿਚਾਰਾਂ ਦੀ ਗੁਲਾਮੀ ਤੋਂ ਸਾਡੇ ਅੱਗੇ ਵਧਣ ਦਾ ਪ੍ਰਤੀਕ ਹੈ। ਇਹ ਇੱਕ ਬਜਟ ਨਹੀਂ, ਬਲਕਿ ਇੱਕ ਵਹੀਖ਼ਾਤਾ ਹੈ।'
ਨਿਰਮਲਾ ਸੀਤਾਰਮਨ ਜਿਸ ਪੋਟਲੀ ਵਿੱਚ ਬਜਟ ਦਸਤਾਵੇਜ਼ ਲੈ ਕੇ ਰਾਸ਼ਟਰਪਤੀ ਭਵਨ ਤੋਂ ਨਿਕਲੇ, ਉਸ ਨੂੰ ਲਾਲ ਰੰਗ ਦੇ ਕੱਪੜੇ ਵਿੱਚ ਫੋਲਡ ਕਰਕੇ ਰੱਖਿਆ ਗਿਆ ਹੈ। ਇਸ ਪੋਟਲੀ 'ਤੇ ਅਸ਼ੋਕ ਸਤੰਭ ਬਣਿਆ ਹੈ ਤੇ ਮੌਲੀ ਬੰਨ੍ਹੀ ਹੋਈ ਹੈ। ਨਿਰਮਲਾ ਸੀਤਾਰਮਨ ਨੇ ਕਈ ਸਾਲਾਂ ਤੋਂ ਬ੍ਰੀਫ਼ਕੇਸ ਵਿੱਚ ਬਜਟ ਲੈ ਕੇ ਆਉਣ ਦੀ ਪਰੰਪਰਾ ਨੂੰ ਬਦਲ ਦਿੱਤਾ ਹੈ।