ਸੈਲੂਨ ਕਰਮਚਾਰੀ ਕਲੀਮ ਉਰਫ ਸਮੀਰ ਹਿੰਦੂ ਲੜਕੀ ਨੂੰ ਪਿਆਰ ਕਰਦਾ ਸੀ ਤੇ ਵਿਆਹ ਕਰਵਾਉਣ ਲਈ ਯੂ.ਪੀ. ਦੇ ਬਾਗ਼ਪਤ ਲੈ ਗਿਆ ਸੀ। ਉੱਥੇ ਜਦੋਂ ਹਿੰਦੂ ਯੁਵਾ ਵਾਹਿਨੀ ਦੇ ਮੈਂਬਰਾਂ ਨੂੰ ਪਤਾ ਲੱਗਾ ਤਾਂ ਉਨ੍ਹਾਂ ਇਸ ਨੂੰ ਲਵ ਜਿਹਾਦ ਕਰਾਰ ਦਿੰਦਿਆਂ ਕਲੀਮ ਦਾ ਕੁਟਾਪਾ ਕਰ ਦਿੱਤਾ ਤੇ ਪੁਲਿਸ ਹਵਾਲੇ ਕਰ ਦਿੱਤਾ।
ਇੱਧਰ ਬਰਨਾਲਾ ਵਿੱਚ ਲੜਕੀ ਦੀ ਮਾਂ ਨੇ ਕਲੀਮ ਵਿਰੁੱਧ ਸ਼ਿਕਾਇਤ ਦਿੱਤੀ ਤੇ ਕਿਹਾ ਕਿ ਉਹ ਉਸ ਦੀ ਲੜਕੀ ਨੂੰ ਬੀਤੀ 10 ਜਨਵਰੀ ਨੂੰ ਵਰਗਲਾ ਕੇ ਲੈ ਗਿਆ ਸੀ। ਇਸ ਤੋਂ ਬਾਅਦ ਉੱਤਰ ਪ੍ਰਦੇਸ਼ ਪੁਲਿਸ ਵੱਲੋਂ ਮੁਲਜ਼ਮ ਨੂੰ ਬਰਨਾਲਾ ਪੁਲਿਸ ਹਵਾਲੇ ਕਰ ਦਿੱਤਾ ਗਿਆ। ਪੁਲਿਸ ਨੇ ਲੜਕੀ ਨੂੰ ਵੀ ਬਰਾਮਦ ਕਰ ਲਿਆ ਹੈ ਤੇ ਮੁਲਜ਼ਮ ਕਲੀਮ ਖਿਲਾਫ ਧਾਰਾ 366, 120 ਬੀ ਤਹਿਤ ਮਾਮਲਾ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।