Chandrayaan 3: ਲੈਂਡਰ ਮੋਡੀਊਲ ਦਾ ਡੀਬੂਸਟਿੰਗ, ਚੰਦਰਮਾ ਦੀ ਰਾਹ ਵਿੱਚ ਮਿਲੀ ਇੱਕ ਹੋਰ ਸਫਲਤਾ, ਇਸਰੋ ਨੇ ਸਾਂਝੀ ਕੀਤੀ ਵੀਡੀਓ

Chandrayaan-3 Mission: ਚੰਦਰਯਾਨ-3 ਦੇ 23 ਅਗਸਤ ਨੂੰ ਚੰਦਰਮਾ ਦੀ ਸਤ੍ਹਾ 'ਤੇ soft landingਦੀ ਸੰਭਾਵਨਾ ਹੈ। ਇਸ ਨੂੰ 14 ਜੁਲਾਈ ਨੂੰ ਲਾਂਚ ਕੀਤਾ ਗਿਆ ਸੀ।

Chandrayaan-3: ਚੰਦਰਯਾਨ-3 ਦੇ ਪ੍ਰੋਪਲਸ਼ਨ ਮਾਡਿਊਲ (Propulsion Module) ਤੋਂ ਵੱਖ ਹੋਣ ਤੋਂ ਬਾਅਦ, ਲੈਂਡਰ  (Vikram Lander) ਖੁਦ ਅੱਗੇ ਦੀ ਦੂਰੀ ਨੂੰ ਪੂਰਾ ਕਰ ਰਿਹਾ ਹੈ। ਸ਼ੁੱਕਰਵਾਰ (18 ਅਗਸਤ) ਨੂੰ, ਲੈਂਡਰ ਮੋਡੀਊਲ ਡੀਬੂਸਟਿੰਗ ਵਿੱਚੋਂ ਲੰਘਿਆ ਅਤੇ ਚੰਦਰਮਾ ਦੇ ਥੋੜੇ ਜਿਹੇ ਹੇਠਲੇ ਪੰਧ ਵਿੱਚ ਉਤਰਿਆ।

ਇਸਰੋ ਨੇ ਟਵੀਟ ਕੀਤਾ ਕਿ ਲੈਂਡਰ ਮੋਡੀਊਲ (LM) ਚੰਗੀ ਹਾਲਤ ਵਿੱਚ ਹੈ। ਇਸ ਨੇ ਸਫਲਤਾਪੂਰਵਕ ਡੀਬੂਸਟਿੰਗ ਓਪਰੇਸ਼ਨ ਕੀਤਾ ਜਿਸ ਨੇ ਇਸਦੀ ਔਰਬਿਟ ਨੂੰ 113 ਕਿਲੋਮੀਟਰ x 157 ਕਿਲੋਮੀਟਰ ਤੱਕ ਘਟਾ ਦਿੱਤਾ। ਦੂਸਰਾ ਡੀਬਲਾਸਟਿੰਗ ਆਪ੍ਰੇਸ਼ਨ 20 ਅਗਸਤ 2023 ਲਈ ਤਹਿ ਕੀਤਾ ਗਿਆ ਹੈ।

ਘੱਟ ਰਫ਼ਤਾਰ ਕਰਦੇ ਹੋਏ ਅੱਗ ਵਧੇਗਾ ਲੈਂਡਰ 

ਲੈਂਡਰ ਵੀਰਵਾਰ (17 ਅਗਸਤ) ਨੂੰ ਪ੍ਰੋਪਲਸ਼ਨ ਮਾਡਿਊਲ ਤੋਂ ਸਫਲਤਾਪੂਰਵਕ ਵੱਖ ਕਰ ਲਿਆ ਗਿਆ। ਲੈਂਡਰ ਮੋਡੀਊਲ ਵਿੱਚ ਲੈਂਡਰ ਅਤੇ ਰੋਵਰ ਸ਼ਾਮਲ ਹੁੰਦੇ ਹਨ। ਇਸ ਮਿਸ਼ਨ ਵਿੱਚ ਵਿਕਰਮ ਲੈਂਡਰ ਨੂੰ ਖੁਦ ਕਰੀਬ 100 ਕਿਲੋਮੀਟਰ ਦੀ ਦੂਰੀ ਤੈਅ ਕਰਨੀ ਹੈ। ਲੈਂਡਰ ਹੁਣ ਆਪਣੀ ਉਚਾਈ ਨੂੰ ਘਟਾ ਕੇ ਅਤੇ ਘਟ ਰਫ਼ਤਾਰ ਨਾਲ ਅੱਗੇ ਵਧੇਗਾ।

ਇਸਰੋ ਨੇ ਜਾਰੀ ਕੀਤਾ ਵੀਡੀਓ

ਇਸਰੋ ਨੇ ਸ਼ੁੱਕਰਵਾਰ ਨੂੰ ਚੰਦਰਯਾਨ ਤੋਂ ਲਏ ਚੰਦਰਮਾ ਦੇ ਦੋ ਵੀਡੀਓ ਵੀ ਜਾਰੀ ਕੀਤੇ ਹਨ। ਇਸਰੋ ਨੇ ਟਵੀਟ ਕੀਤਾ ਕਿ ਚੰਦਰਯਾਨ-3 ਦੇ ਲੈਂਡਰ ਇਮੇਜਰ (ਐੱਲ.ਆਈ.) ਕੈਮਰਾ-1 ਨੇ 17 ਅਗਸਤ, 2023 ਨੂੰ ਲੈਂਡਰ ਮੋਡੀਊਲ ਨੂੰ ਪ੍ਰੋਪਲਸ਼ਨ ਮੋਡੀਊਲ ਤੋਂ ਵੱਖ ਕਰਨ ਤੋਂ ਠੀਕ ਬਾਅਦ ਚੰਦਰਮਾ ਦੀਆਂ ਤਸਵੀਰਾਂ ਲਈਆਂ।

ਚੰਦਰਯਾਨ-3 ਨੇ 14 ਜੁਲਾਈ ਨੂੰ ਲਾਂਚ ਹੋਣ ਤੋਂ ਬਾਅਦ 5 ਅਗਸਤ ਨੂੰ ਚੰਦਰਮਾ ਦੇ ਪੰਧ 'ਚ ਪ੍ਰਵੇਸ਼ ਕੀਤਾ ਸੀ। ਇਸਰੋ ਮੁਤਾਬਕ ਲੈਂਡਰ ਨੇ 23 ਅਗਸਤ ਦੀ ਸ਼ਾਮ ਕਰੀਬ 6 ਵਜੇ ਚੰਦਰਮਾ 'ਤੇ ਉਤਰਨਾ ਹੈ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।

ਇੱਥੇ ਪੜ੍ਹੋ ਪੰਜਾਬ ਅਤੇ ਦੇਸ਼ ਦੁਨਿਆ ਨਾਲ ਜੁੜੀਆਂ ਹੋਰ ਖ਼ਬਰਾਂ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ABP NEWS ਦਾ ਐਪ ਡਾਊਨਲੋਡ ਕਰੋ :

Android ਫੋਨ ਲਈ ਕਲਿਕ ਕਰੋ
Iphone ਲਈ ਕਲਿਕ ਕਰੋ