ਚੇਨਈ: ਚੇਨਈ ਪੁਲਿਸ ਨੇ ਕੋਰੋਨਾ ਵਾਇਰਸ ਮਹਾਂਮਾਰੀ ਦੀ ਗੰਭੀਰਤਾ ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਫੈਲਾਉਣ ਲਈ ਇੱਕ ਵਿਲੱਖਣ ਤਰੀਕਾ ਅਪਣਾਇਆ ਹੈ। ਇੱਕ ਸਥਾਨਕ ਕਲਾਕਾਰ ਨੇ ਪੁਲਿਸ ਅਧਿਕਾਰੀ ਨਾਲ ਮਿਲ ਕੇ ਤਾਲਾਬੰਦੀ ਦੌਰਾਨ ਲੋਕਾਂ ਨੂੰ ਸੜਕਾਂ ਤੇ ਜਾਣ ਤੋਂ ਰੋਕਣ ਲਈ ਇੱਕ ਅਨੌਖਾ 'ਕੋਰੋਨਾ' ਹੈਲਮਟ ਤਿਆਰ ਕੀਤਾ ਹੈ। ਸੜਕਾਂ 'ਤੇ 24 ਘੰਟੇ ਸੇਵਾ ਕਰਦੇ ਪੁਲਿਸ ਮੁਲਾਜ਼ਮਾਂ ਨੇ ਕਿਹਾ ਕਿ ਹੈਲਮਟ ਲੋਕਾਂ ਨੂੰ ਜਾਗਰੂਕ ਕਰਨ ਵਿੱਚ ਲਾਭਦਾਇਕ ਸਿੱਧ ਹੋ ਰਿਹਾ ਹੈ। ਪੁਲਿਸ ਇੰਸਪੈਕਟਰ ਰਾਜੇਸ਼ ਬਾਬੂ, ਜਿਸਨੇ ਇਹ ਕੋਰੋਨਾ ਹੈਲਮੇਟ ਪਾਇਆ ਹੋਇਆ ਹੈ, ਸੜਕ ਤੇ ਸਵਾਰ ਯਾਤਰੀਆਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਇਸ ਹੈਲਮਟ ਦਾ ਹੁਣ ਤੱਕ ਸਕਾਰਾਤਮਕ ਅਸਰ ਹੋਇਆ ਹੈ।ਲੋਕਾਂ ਨੂੰ ਕੋਰੋਨਾ ਬਾਰੇ ਸਮਝਾਉਣ 'ਚ ਇਹ ਹੈਲਮਟ ਮਦਦ ਦੇ ਰਿਹਾ ਹੈ।
ਉਸੇ ਸਮੇਂ, ਹੈਲਮਟ-ਡਿਜ਼ਾਈਨ ਕਰਨ ਵਾਲੇ ਕਲਾਕਾਰ ਗੌਤਮ ਨੇ ਨਿਊਜ਼ ਏਜੰਸੀ ਏਐੱਨਆਈ ਨੂੰ ਦੱਸਿਆ ਕਿ ਵੱਡੇ ਪੱਧਰ 'ਤੇ ਲੋਕ ਕੋਵਿਡ -19 ਸਥਿਤੀ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੇ, ਜਦੋਂ ਕਿ ਪੁਲਿਸ ਕਰਮਚਾਰੀ ਇਹ ਸੁਨਿਸ਼ਚਿਤ ਕਰਨ ਲਈ ਰਾਤ-ਦਿਨ ਕੰਮ ਕਰ ਰਹੇ ਹਨ ਕਿ ਲੋਕ ਘਰ ਵਿੱਚ ਰਹਿਣ। ਰੋਗ ਨੂੰ ਹੋਰ ਫੈਲਣ ਤੋਂ ਰੋਕਣ ਲਈ ਘਕ ਰਹੋ ਅਤੇ ਸੜਕਾਂ ਤੇ ਨਾ ਜਾਓ।